Ephésiens 2:11 - New Testament in Mitsogo

¹¹ Me Paul navovo n’anye nôsibôtu gô éongo éAjuif. Te anye nôtetu n’Ajuif mbe: nôndé te ane asigeetuni, na anguene te ane amageetuni. Avovo nane te gô gémbégéa gékitsô gô yôtô yaô. Bangôani anyene éne émabakanye mbeego.

Ephésiens 2:11 ပူးပေါင်းရင်းမြစ်များ

Matthieu 20:7

Oma amaabéa angô mbe: We tôsibongu na môma gôéyanza. Kumu atsaga amatôma ahngô mbe: Tambô, kiakani nôkeyanza gô tsagami.

Romains 11:17

Ana aIsraël agono na géétété gééndô mbe olivier. Tôkanéga na ôsagu. Osagu ôkeneo na kumu angô. Mivô mitabé amikeeda. Anye nôsibôtu gô éongo éAjuif nôgono na mitabé miovendo miviaganédu gô môkuba osagu na mibongou na mitamba miosagu.

Romains 2:26

Tôkanéga te mbe: Okô mômôgôô asigeetu gô gésôga sAjuif ivô angô akenea mitôma na mige mietso ?Nzambé asangabono angô ga amageetu-a?

Romains 2:27

Menyani mbe mômôgôône asigeetuni ône akenea migemie angagôeséda, éwe ôsakenea migemie, buéyé mbe ôndé na miangô mimatenduni na ôndé ômageetuni gô gésôgage.

I Corinthiens 12:2

Anye nôsabômu mônongovo gamabakanye madeo nôsigobeda Nzambé. Anye nômasinganaka te n’egobeda mbuma disamenya évovoni, gékékôé. Nômeekaganô énigôa mabégô maô.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.

Galatie 2:15

Wa n’anyô tômabôtu gô éongo éAjuif tôsaba g’ane abévie ahmabôtu gô mavo mongo. Mavo mongo ékegea mbe ane ahsavamba na Nzambé.

Galatie 6:12

Ane ayanza mamisôba gô nyemo éanguene te ahngô anôtindéga gôégeetu. Angô eenda nane te gôbusugahngô gékuanô sowa aChrist ômawa angô gô gésumuge.

Ephésiens 2:2

Gô ndéô nene nômagésangana gô ésima na môdigédi asi tsengene. Nômagobeda ône atôma édidie ébévani éangudi éava tsina. One atômani ône, ayanza deo noo gô mitéma miane akékôa ôgi aNzambé.

Ephésiens 5:8

Va mbeego nômabaka gô évitsi. Ivô ndéô nedué nômani étsiga gô gévede gômagésangananye na Kumu Jésus. Tambô digaakani gôémenyanganô mbe nôndé oma andé gô gévede saNzambé.

Philippiens 3:3

Gégeetéôge saô kaka géne sapie. Géne sapie te géne sasô n’anyô tôseetsa mitémamie gô ésôgee na gô ésimee éotô. Tôtsôkéa te Jésus‐Christ na tôyanzéa Nzambé gô ngudi yaGédidi sedi.

Colosses 1:21

Va mbeego anye nômabaka gôdagôda na Nzambé gébé n’evamba n’edi. Nômabaka adudeoe wedi gôébégô éamatasa manyô mabévani na mayanza manyô mabévani.

Colosses 2:11

Gômavambanye na Christ, mômageetu, kaka gageetana oma, ivô ôgeetedi aChrist ôkegea mbe nômanôtôu manyima n’esima ébévani éayôtô yanyô gôéaagana na yangô.

Colosses 2:13

Va mbeego gôsikiné anye manyima mabévani mayôtôye yanyô na nôsimenye évamba na Nzambé mitéma mianyô mimabaka g’oma amawani. Géé deo noo, Nzambé amatôsingéa kokoo gô mabégô masô n’anyô mabévani metso. Na amakundua anye gôéba monyovo na Christ.

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.