Ephésiens 1:5 - New Testament in Mitsogo

⁵ Buéyé mbeego, Nzambé amabaka n’etondo gôndé wa n’anyô na amatôsevoa mbe tôngakou gôéba anedi gô ngudi yaJésus‐Christ. Te Nzambé amuene amanyôngéô éénda nane.

Ephésiens 1:5 ပူးပေါင်းရင်းမြစ်များ

Matthieu 1:25

Ivô asigésé n’edi môakô ngu na vamabôtangô muanee amômôgôô. Joseph amamôôga mbe Jésus.

Matthieu 11:26

Na gô pie Téta, éndé te nane gôébégô ômuene ômanyôngéô te nane. Nagôkuméda gô éangô.

LUC TSANGO EAMOSOBA EMATENDA 10:21

Gô ndéô nene, Jésus amatsôkéa na gényônga gévôni saGédidi SaNzambé, na amavovo na Nzambé mbe: Ah Téta, éwe Kumu atsina n’oba, nagôkuméda. Ewe ômatsutsuéda mabégô mavôni gôndé ana anéngé mbe amamenya. Géé gôndé oma eodo na oma agéneenga gévôni ômasuéga mangô. Na gô pie Téta, éndé te nane gôébégô ômuene ômanyôngéô te nane. Nagôkuméda gô éangô.

LUC TSANGO EAMOSOBA EMATENDA 11:32

Gô nyaa amôtsundu asi Ninive angasemba oma apitsi yedi na angatubéda ahngô misongosongo mbe: Buéyé we asi Ninive tômeeséda wéene na tômakoa mitémamie vameevédu we na Jonas. Géé ti anye, nômabaka na muene ameevéda anye ootéa Jonas.

LUC TSANGO EAMOSOBA EMATENDA 12:32

Nômbieena gomo anye mandombo mami, béyé gandé anye vipesu viami viôbua. Menyani mbe Nzambé eena ti gényônga gôénôétsa ôkumue wedi.

Jean 1:12

Buéyé nane, avo amasinga Ogi na ameetsa angô mitémamie. Ahngô te ane ameetsô na Nzambé ngudi yekoga anedi apie.

Jean 11:52

Ivô kaka mbe Jésus angawa gôndé Ajuif atévo, te na gôndé asi mbumu éaNzambé muetso gô tsengeye yetso mbe ahngakôkégu évambevo g’ôtô ôvo.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Mayanzame 13:48

Vamookô ane asaba Ajuif ookô ôgie ône amatsôkéa na amakuméda Kumu na Mane Mamavovo angô. Muetso ane amasevou na Nzambé gôédiia monyo ôsakôdéakani amakoa matasa maô gôétsa Nzambé mitémamie.

Romains 8:23

Ivô kaka tsinane étévô. Buéyé na wa n’anyô tôbisa gô mitéma miasô n’anyô gôéenéa géobogeo sayôtô yasô n’anyô vangatôkusédu na v’ekanga mbe: Adua te ana aNzambé. Tôndéké tômakatô na Nzambé môkodi te Gédidi sedi. Na sangô gétôbangôéda éne éngatôdiiani.

I Corinthiens 1:1

Oô te me Paul namasevou gamanyôngéô amuene Nzambé. Namakudégu na Jésus‐Christ. We tôvovoni, te me Paul na Sosthène muana aTétene n’anyô agô mbumu éaNzambé.

I Corinthiens 1:21

Ekegea te nane, oma atsengene na éodo n’ebagé éaô ahsiôngôé émenya Nzambé. Asiôngôé émenya na mane matsutsua éodo éamuene Nzambé. T’ebandô Nzambé amatasa gôéoboo ane eetsa angô mitémamie gô meekédume matôékédani éma maseka môma mbe matsôga.

II Corinthiens 6:18

Me nangaba Tétanyô N’anye dôta te anami amôgôô n’anami ageto. One avovoni te me, Kumu angudi yetso.

Galatie 3:26

We tôndéké ana aNzambé na vitoo na Jésus‐Christ, te gôtôétsa Nzambé mitéma miasô n’anyô gémôtsumé paga.

Ephésiens 1:11

Gô évambee éndé wa n’anyô na Jésus‐Christ, tômani édiia géôbogeo sasô n’anyô. Gôébégô wa n’anyô madeo tôsibôtu, Nzambé amapanga étôsevoa mbeego gamanyôngéô angô. Nzambé eenda ti metso ganyôngéô amuene na gavangangô mbe éngaba te nane.

Ephésiens 1:9

Amatômenyeda étasa émabaka n’edi ésinigôganéô na mbeego n’oma. Etasee te nzéane émanyôngéô angô ékônza gôndé wa n’anyô gô ngeba yedi gô ngudi yaChrist.

Philippiens 2:13

Menyani mbe Nzambé asatsika éyanza gô mitéma mianyô. Ayanza mbe nôôkô tsôvé gôémôgobeda. Na ayanza mbe nôndéké na ngudi gôékea gô nzéane émakônzangô gôndé anye.

Colosses 1:19

Gôébégô Nzambé amanyôngéô édigaa na éenanô gô ôtô aMuanedi.

II Thessaloniciens 1:11

T’ebandô tôsatsika évovo na Nzambé gôndé anye. Tômôduka mbe anônyepeda pepe gôéba kuanakue gô monyoe ômasevoangô anye mbe nôdigaa ganyôngéô angô. Tômôduka mbe go ngudi yedi anganôdugédéa mane masema anye tsémo yamisôba. Na mbe gô ngudi yedi angatsimaméda mane mayanzanye nôndé gôégobeda mane mameetsanye mitéma.

Hébreux 2:4

Nzambé ameetsa ôgie ône ényanga gômatubéda angô émbégéa éangudi yedi na mayanza masôbasôbana oma, na gômayanza angô mabégô mavôni manyônganéôni masoongôa môma ésupua. Na gôétubéda mbe ôgie ôsapata akaba ganyôngéô angô migôô miviga na Gédidi sedi.

I Jean 3:1

Eenakani ganyôngéô Téta Nzambé wa n’anyô. Angô atônyôngéô ti v’ekôdéô éenyôngéô, t’ebandô tôtetu mbe ana aNzambé ag’ôbôtu. Na tôndéké anedi apie. Asi tsengene asamenya Nzambé ?nayee angamenya wa n’anyô gôénigôgéô mônongoe wasô n’anyô tôndé anedi? Asangamenya.

Gétsutsuéô 21:7

One amadiiani gô ébadi émagenyuni angadiia gôndé me ébégô édué. Me te Nzambé edi, angô dôta te muanami amôtéma.