Ephésiens 1:3 - New Testament in Mitsogo

³ Tôkumédéni Nzambé Tétene éaKumu asô n’anyô Jésus‐Christ. Nzambé aagéda mate medi mag’ôba, te mane maGédidi sedi na gôndé wa n’anyô, gômatôvamba évambevo na Christ.

Ephésiens 1:3 ပူးပေါင်းရင်းမြစ်များ

LUC TSANGO EAMOSOBA EMATENDA 2:28

Siméon amadeeka Jésus gô mogo medi na amakuméda Nzambé mbe:

Jean 14:20

Gô nyaa ôvigani ône, anye nônganigôgéô mbe me Jésus nandé gôndé Téta. Na anye nôndé gôndé me. Me dôta nandé gôndé anye.

Jean 17:21

Nagôduka Téta mbe angô muetso angaba môvo na wa n’oo, gandé éwe môvo n’ami. Me dôta nandé môvo n’ewe. Nagôduka mbe anguene angaba n’evamba gômbe asi tsengene asangatsuma paga mbe me tsitômu n’ewe.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Romains 12:5

Endé te nane. Wa n’anyô tôndé ôtô ôvo na Christ. Tôndéké éeme éyekani tômagésangana gôéduga ôtô ôvo. Na tôndé gôéyanza ngudi dipo.

Romains 15:6

Vane wa n’anyô muetso tônganeegeda Nzambé. Tétene éaKumu asô n’anyô Jésus-Christ tôngamôkuméda n’ogi ôvo.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

I Corinthiens 12:12

Oôkôni édué. Tôkanéga Christ ga ôtô ôndé n’eeme éyekani. Géeme na géeme gésagono na môkedi ivô éangô éetso éndé te g’ôtô ôvo.

II Corinthiens 1:3

Tôkumédéni Tétasô n’anyô Nzambé na Kumu asô n’anyô Jésus‐Christ. Angô te Tétee atôétsa éetso gô ngeba yedi gébé na ninga. Angô te Nzambé atôsuméda mitéma gô ndéô yetso.

II Corinthiens 11:31

Nzambé Tétene éaKumu Jésus te gémoni sami gésabômu mbe me tsapata. Te mbe inedi ékumédu môbô na môbô.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Galatie 3:9

Abraham asitsumé Nzambé paga na ameetsô mate. Te mônongovo muetso ane ahsatsuma ôgi aNzambé paga eetsô mate gameetsô Abraham.

Ephésiens 1:10

Amuene Nzambé angadugéda v’ekôdéô atsinane étasee éndé n’edi. Etasee éedi na nzéane yedi te mbe: Nangakôkanganéda mane mag’ôba metso na mane magô tsina metso g’ôtômu amôsi ényangee môvo, te Christ.

Ephésiens 1:17

Naduka Nzambé Tétene aKumu asô n’anyô Jésus‐Christ, angô Téta ondômbee wetso, gôndé anye. Namôduka mbe anôétsa Gédidi sedi. Te sangô géngamenyeda anye, ne génganôtsutsuéda Nzambé, mbe nôsangadôtsuma angô paga.

Ephésiens 1:20

te dine dimakundua Jésus g’ôwa na dimamôdigéda gô géeyo gémôgôô saNzambé gô tsenge éedi éag’ôba.

Ephésiens 2:6

Gô vitoone éndé n’asô n’anyô na Jésus‐Christ, Nzambé amatôkundua g’ôwa gômbe tôndé ôtômu ôvo na Christ. Na tôndé digaa n’edi gô ényanga éag’ôba.

Ephésiens 3:10

?Emasuégu gôndé? Emasuégu ngu na ndéô nedué te mbe ane atôma gô étungu éag’ôba atubédu éodo évôni éndé na Nzambé gôgésa angô Ajuif n’ane asaba Ajuif mbumu épo.

Ephésiens 6:12

Ebadie éndé na wa n’anyô tôsagenya n’oma. Tôgenya te na édidi ébévani éndé n’enyanga na édigaa va gatse atsina n’oba, na atômie, na ditômuye na kumuye yagô tsengene yaô yevitsi.

Philippiens 2:11

Na yôgi yamongome metso mangakuméda Nzambé nyaa ônganigôa yangô mbe: Jésus te Kumu apie.

Hébreux 8:5

Ene éyanza adeekedi adigondoku gô tsina, te gôékanéga éne éapie éyanza Jésus g’ôba. Tasani éne émabuéa gôndé Moïse gô ndéône émasaa angô eba agébandé ôneegedu Nzambé. Nzambé amavovo n’edi mbe: Moïse, ôba n’ekena gôésaa ti kuanakue ga gégoni gétubédiô éwe vamabaka éwe n’ami gô ngongo amôkôdi.

Hébreux 9:23

Eba agébandé aNzambé na éôma éetso émabaka wangô émasaaô gôékanéga mane mapie mag’ôba. Gôébégô ebee ône agébandé te ava tsina. Na ômagôgédu na nzina dimamuaka Moïse. Ivô ône apie ôndé g’ôba ôgôgédu n’ogôndôku ôvôni kaka anyama.

I Pierre 1:3

Tôkumédéni Nzambé, Tétene éaKumu éasô n’anyô Jésus‐Christ. Gô ngeba yedi Nzambé amabôta wa n’anyô g’ôbôtu amôbaé gômakundua angô Jésus g’ôwa. Tsoongone éasô n’anyô ésagôgakani éndé gôndé Jésus.