Ephésiens 1:21 - New Testament in Mitsogo

²¹ Gône Christ, ône amasevouni, amadigédu gô ngongo aditômuye yetso, na ényangee éetso na ngudiye yetso na ôkumaka wetso. Na andé va ngongo aminame metso mangoongôa môma éteta, mane magô tsenge nedué na mane magô tsenge évigani.

Ephésiens 1:21 ပူးပေါင်းရင်းမြစ်များ

Matthieu 12:32

One eenza me, Muana Amôma, andé na ngudi yesingéô kokoo. Géé, ône eenza Gédidi SaNzambé asangasingéô kokoo buéyé bandôa ndéô nedué ngu na gô ndéô évigani.

Mayanzame 4:12

Gôsaba géôbogeo go ngudi yamuene môma. Gô tsinane nyetso, gôsaba éene ina, ta n’evo émeetsa Nzambé gôndé wa n’anyô oma mbe tôngoobou gô éangô.

Ephésiens 2:2

Gô ndéô nene nômagésangana gô ésima na môdigédi asi tsengene. Nômagobeda ône atôma édidie ébévani éangudi éava tsina. One atômani ône, ayanza deo noo gô mitéma miane akékôa ôgi aNzambé.

Ephésiens 3:10

?Emasuégu gôndé? Emasuégu ngu na ndéô nedué te mbe ane atôma gô étungu éag’ôba atubédu éodo évôni éndé na Nzambé gôgésa angô Ajuif n’ane asaba Ajuif mbumu épo.

Ephésiens 6:12

Ebadie éndé na wa n’anyô tôsagenya n’oma. Tôgenya te na édidi ébévani éndé n’enyanga na édigaa va gatse atsina n’oba, na atômie, na ditômuye na kumuye yagô tsengene yaô yevitsi.

Colosses 2:10

N’anye dôta vamavambanye évambevo na Christ, nômadiia te éetso éndé n’edi éaNzambé. Angô andé gô ngongo éamanyangame metso na ngudiye yetso.

Colosses 2:15

Gô gésumu gémawa Christ, Nzambé amatseda manyangame na ditômuye yava gatse atsina n’oba. Amadikata gô podi. Na amadikeda ga avéga akedu gô monge gôédetu v’ekanga. One amakea gô mbene atsôkéa gômadiiangô gô ébadie, te Jésus Muana ANzambé.

Hébreux 1:4

Vane Muana ANzambé ootéa pepe asi g’ôba ayanzi aNzambé, gô minongo mietso. Mienanô gômoogu angô na Tétedi mbe, Muana ANzambé. Asi g’ôba asiôgu ina évôni nane.

Hébreux 2:5

Menyani mbe asi g’ôba, ayanzi aNzambé asiitsô ôtômu na Nzambé gôétôma tsenge évigani éne étôvovoni.

Hébreux 4:14

Wa n’anyô tôndé na môdeekedi adigondoku angô môsungéyi môvôni te Jésus Muana ANzambé amabuéa na va mbene amuene Nzambé. Tambô tôsipéni gô mabégôme medi matôténdédani matônigôa dôta akasô.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.