Ephésiens 1:17 - New Testament in Mitsogo

¹⁷ Naduka Nzambé Tétene aKumu asô n’anyô Jésus‐Christ, angô Téta ondômbee wetso, gôndé anye. Namôduka mbe anôétsa Gédidi sedi. Te sangô géngamenyeda anye, ne génganôtsutsuéda Nzambé, mbe nôsangadôtsuma angô paga.

Ephésiens 1:17 ပူးပေါင်းရင်းမြစ်များ

Matthieu 11:25

Gô ndéô nene Jésus amavovo na Tétedi mbe: Ah Téta, Ewe Kumu atsina n’oba, nagôkuméda. Ewe ômatsutsuéda mabégô mavôni gôndé oma abobo mbe amamenya. Géé gôndé oma éodo, na oma agéneenga gévôni ômasuéga mangô.

Matthieu 11:27

Jésus amavovo mbe: Tétami amani édeekeda me mabégô metso. Gôsaba môma angoongôa émenya me, Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angatubédu Téta na me.

Matthieu 16:17

Jésus amanigôa angô mbe: Ti gô gényônga géndé na éwe Simon muana aJean gôébégô éne éapie ésupuyi éwe. Osibeendu éangô na môma. Otsigédiô éangô te na Téta, ône andé g’ôba.

Matthieu 20:33

Amaabéa angô mbe: Kumu, poeda we miso masô.

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

LUC TSANGO EAMOSOBA EMATENDA 12:12

Vangaba anye va mbene atsundédi, nigôani te éne éngeetsô anye na Gédidi SaNzambé gôénigôa.

LUC TSANGO EAMOSOBA EMATENDA 2:14

Kumédani Nzambé gô tungu yag’ôba na gô Tsina gôbaké gétabé gôndé oma anyôngéô angô.

LUC TSANGO EAMOSOBA EMATENDA 21:15

Menyani mbe memuene nanganôétsa éodo évôni na mavovia mangudi. Vane buéyé n’adudeoe wanyô asangamenya ékitsanganéa anye na asangoongôa ésiia.

Jean 14:17

Asi tsengene asangagédiia gôébégô asaba na ngudi yegéena na asangoongôa égémenya. Géé anye, nôngagémenya gôébégô sangô, Gédidi gétsutsuéda mabégô mapie géngaba n’anyô na géngadigaa gô mitéma mianyô.

Jean 14:26

Môwedine wanyô te Gédidi SaNzambé, géngatôméô anye na Téta géngaviagana me. Génganôéékéda na génganôbangôéda metso mameekéda me anye.

Jean 16:3

Angeenda nane, te gôsamenyahngô me na gôsamenyahngô Téta.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Mayanzame 6:10

Amôgôôe ane ahsiôngôé émôbôméda na mavovia maô gôébégô Etienne amabika ameetsô na Gédidi SaNzambé éodo évôni.

Mayanzame 7:2

Etienne amasiia mbe: Anye tétee yami yami na aneya, ôôkôni édué. Nzambé, Kumu ondômbee wetso amatsutsuga na gôndé tétasô Abraham vamadigaangô gô Mésopotamie. Te angô madeo asitôta na gô Charan.

Romains 1:28

Oma amagônga Nzambé gô disôba yaô mbe: Tôsamenya ône. Na Nzambé amanzeegeda ahngô na matasa maô magô évitsi, n’esima éaô éasagô, ésanyôngéô Nzambé.

Romains 15:6

Vane wa n’anyô muetso tônganeegeda Nzambé. Tétene éaKumu asô n’anyô Jésus-Christ tôngamôkuméda n’ogi ôvo.

I Corinthiens 12:8

Gédidi SaNzambé géétsa môma môvo môgôô eodo éenigôa ébégô ga te amuene Nzambé anigôa éangô. Na môvo eetsô môgôô eesupua ébégô mbe môma angayavôga éôkô. Migôômie te mibaé ivô Gédidige gémeetsani te gévo.

I Corinthiens 14:6

Te nane ana aTéta, nanôévôa mbe vangaviga me na gôndé anye nanôékéda g’ôgi ôsookô anye ?tsoongo ndé gôndé anye? Gôsaba tsoongo mbe nôngadiia sôma gôndé me. Buétsé te me nanônigôa ébégô ga te amuene Nzambé anônigôani, vo nanôsupua ébégô mbe nôyavôga éôkô éangô. Na ôkô nanôpandôéda ndongi diviga gôndé Nzambé, na nanôékéda Mane Mamavovo angô, éetso éne te éne éndé na tsoongo gôndé anye.

I Corinthiens 2:10

Tambô, Nzambé gô ngudi yaGédidi sedi amatsutsuéa wa n’anyô ébégôe éedi ésinigôganéôni. Endé te nane. Gédidi SaNzambé te sangô gétoonegeda buéyé matasa maNzambé masimenyanganôni.

I Corinthiens 2:8

Va gatse aditômu yetso yava tsina gôsaba ta n’ovo ômenya ône mônongo eodo. Mbe dimabaka n’eangô, yangô mbe disitômé oma gôébôkéda Kumu éondômbee wetso gô gésumu sowa.

II Corinthiens 12:1

Buéyé mbe ésaba éamôsôba gôndé môma gôébatéda amuene, me naabatédi memuene gookiô anye n’atsatsee gô gésangô gegé. Nangatsika vita mane, nanganônigôa miôtô mimatubédu me na Kumu Nzambé gôétsutsua mane medi masimenyanganôni.

Ephésiens 1:3

Tôkumédéni Nzambé Tétene éaKumu asô n’anyô Jésus‐Christ. Nzambé aagéda mate medi mag’ôba, te mane maGédidi sedi na gôndé wa n’anyô, gômatôvamba évambevo na Christ.

Ephésiens 3:5

Va mbeego ébégôe éne ésinigôganéô n’oma. Ivô gô ndéô nedué, Nzambé amatsigéda éangô gô ngudi yaGédidi sedi na gôndé ane amatômu na Christ, na dôta gôndé apandôédi amatasa medi.

Ephésiens 4:13

Vane tôngaba tômagésangana muetso évambevo gô éne ématôétsa mitémamie gébé na paga na gô gémenyéô sasô n’anyô saJésus, Muana ANzambé. Na vane tôngaba tôka payi gômavunda wa n’anyô na gômoongôga wa n’anyô gôéba ôkana ôvo n’etsimama éaChrist.

Philippiens 3:15

Wa n’anyô tômadinga gô mabégô mema na tôsaba ana avembo gô mbumu éaNzambé, buedi mbe tôbaké muetso n’etasee gôédiia éne éndé v’ekôdéô. Buéyé gandé avo va gatse anyô na mene matasa, amuene Nzambé anganôtévéda éne éapie.

II Timothée 2:25

Gôndé ane atsuma meekédu medi paga, buedi mbe anigôé na gényônga gébé n’opisa. Vane mavooe Nzambé angayanza gôékoa atsumie apaga mitémamie, n’ahngô angatsiga émenya mane mandé mapie.

Tite 1:1

Oô te me Paul, môyanzi aNzambé. Namatômu na Jésus‐Christ. Namasevou gôéweseda na gôndé Nzambé ane amanyôngéô Nzambé amôétsa mitéma miaô gébé na buétsé. Namasevou gôémenyeda ahngô mabégô metso mapie, te mane meekédu gô ésôgee éneegeda we Nzambé.

Jacques 2:1

Ana aTéta agô mbumu éaNzambé anye nôétsi mitéma mianyô na gôndé Jésus‐Christ Kumu agéneega setso. Nônatatôa oma gô nzoh amôkanda vo go ényepa éamôkanda.

II Pierre 1:3

Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

Gétsutsuéô 7:12

Ahmaabéa mbe: Amen. Okumakee wetso na ôndômbee wetso, na éodo éetso na gétsôkéôge setso na géneegage setso n’otômue wetso na ngudiye yetso te gôndé Nzambé asô amôbô na môbô. Amen.