Colosses 4:18 - New Testament in Mitsogo

¹⁸ Mabégô mema mamôyusumédu namatenda na misavi miami memuene mbe: Oô te me Paul. Nômbieeba mbe nandé te gô eba atsôgôô. Te mbe mate maNzambé mabaké gôndé anye.

Colosses 4:18 ပူးပေါင်းရင်းမြစ်များ

Romains 16:20

Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.

Romains 16:22

Na me Tertius môtendine agésangô gegé, nanôkudéga gô ina aKumu Jésus yami kômbô.

Romains 16:23

Gaïus, kumu eba ôdigaa me, na ôwanya we asi mbumu éaNzambé anôkômbôa. Na Eraste môkenene adodeye yamôsenge ôdôô anôkômbôa. Na dôta muana aTétee Quartus anôkômbôa. [

I Corinthiens 16:21

Nanôtendéa na môsavie wami Paul, mbe: Oô te me Paul nanôkômbôani.

Philippiens 1:7

Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo.

Colosses 4:3

Vandé anye gôévovo na Nzambé, tetani mina masô gômbe Nzambé angatôkônzéa ndéô yakuanakue gôéékéda Mane Mama vovo angô kuku yetso. Tônyôngéô énigôa mane maChrist masinigôgéôkô oma. Nandé gô tsôgôô te gô mabégôme masinigôganéôni mane.

II Thessaloniciens 3:17

Mabégô mema natenda na misavi miami mbe: Oô te me Paul. Nôeni gakôdéda me ésangô éami éetso. Nôeni ôtendédie wami.

I Timothée 6:21

Avo andé na géneengage géne, ivô amatongonéa na nzéa éaJésus étôkeani édué. Nanyôngéô mbe mate maNzambé mabaké gôndé éwe.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

II Timothée 4:22

Te mbe Kumu Jésus abaké n’ewe. Na mbe mate maNzambé mabaké gô mitéma mianyô muetso.

Tite 3:15

Muetso ane andé n’ami égô, agôkômbôa. Ewe dôta kômbôa ane andé n’ami n’evambevo gô nzéa éaJésus étôkeani édué. Te mbe mate maNzambé mabaké gôndé anye muetso.

Hébreux 13:25

Te mbe mate maNzambé mabaké gôndé anye muetso.

Hébreux 13:3

Nômbieeba asi gô eba atsôgôô. Keneani ahngô ga te anyene nôndé gô eba atsôgôô ôdigaahngô. Nômbieeba ane andé gô tsina agékuanô, wedéani ahngô ti eembe te anye nôndé gô gékuanôge gédigaahngô.