Colosses 4:12 - New Testament in Mitsogo

¹² Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

Colosses 4:12 ပူးပေါင်းရင်းမြစ်များ

Matthieu 5:48

Tétanyô ône andé g’ôba andé ti gébé n’oési gô mabégô metso. Tambô bakani gandé angô.

LUC TSANGO EAMOSOBA EMATENDA 1:1

Luc amatenda mbe: Wee ami, Théophile, me nagôbeenda mbe avo oma amatenda tsangône éamane mamabuéa va gatse asô n’anyô.

LUC TSANGO EAMOSOBA EMATENDA 22:44

Gô pievia épôni émookô Jésus gô môtémedi, amaduka Nzambé na gébaki. Géyuku sedi gémakoga nzina. Gémadénda na gô tsina.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Romains 15:14

Ana aTétee n’ami gô mbumu éaNzambé, me Paul tsabômu gandé anye. Nôndé oma angeba, na nôsabômu metso mane mandé kuanakue gôndé anye gôéénda na gôéongono ndongi.

Romains 15:30

Oôkôni éne énôduka me ana aTétee agô mbumu éaNzambé. Gô ina aKumu asô n’anyô Jésus-Christ, na gô étondo ématôétsô na Gédidi SaNzambé, wedéani me gô ébadi étôgenyani. Ebadie te gôévovo na Nzambé gôndé me.

I Corinthiens 14:20

Ana aTéta n’ami gô mabégô mema nômbiaba gandé anéngé asamenya éne éénda ahngô. Gô mabégô mabévani bakani g’anéngé asamenya évanga mangô. Géé gô mane mamisôba bakani oma oodini gôéénda mangô.

I Corinthiens 2:6

Buéyé vane me Paul tsabômu éékéda mabégô maditani n’eodo évôni gôndé oma aChrist amoodo gô mabégô maNzambé. Ivô éodoe éne kaka éatsengene, kaka dôta éne éaditômuye dindéké gô tsinane nyetso na kookone yaô dingakea gôébungana.

II Corinthiens 13:11

Te nane ana aTétee n’ami, gésoo navovi. Nakôdéyi te vane. Butani édiia étsimama. Kasôgédanani anyene n’anyene. Bakani na vitoo. Digaakani gô gétabé. Na vane, étondo éaNzambé na gétabé sedi géngaba gôndé anye.

Galatie 1:10

?Vavovo me nane nômenya mbe me nabuta ékumédu n’oma‐a? Aé. Navovo nane te mbe nangakumédu na Nzambé. ?Nômenya mbe nabuta ényônganéô n’ôma‐a? Aé. Okô nabuti ényônganéô n’oma tambô tsaba môyanzi aChrist.

Galatie 4:19

Anami amôtéma, nookô pievia gôndé anye ga ookô môgeto misongo miamuana ngu na vangabôtangô. Pievia éôkô me te ngu na ndéône éngagono anye n’amuene Christ.

Colosses 1:22

Ivô deo noo, gô ôgondoku ômayôhu ôtô aMuanedi Jésus, Nzambé amanikéa énôvambéda na amuene. Ameenda nane gômbe nôngeenanô n’edi ti eembe nôsaba n’oési, na nôndé n’etsimama nômagôgéani.

Colosses 1:28

T’ebandô tônigôa oma muetso Tsangô éaChrist, ône amasevou na Nzambé. Tôevéda na tôéékéda môma na môma. Tôénda nane n’ekena éetso buta mbe tôtsigéda môma na môma va mbene aNzambé, kaka mbe andéké ana avembo gô mabégô maNzambé, ivô mbe andé môma amadômbéa gô vitoone éndé n’edi na Jésus‐Christ.

Colosses 1:29

Gôémangôa éyanzee éne, nagényôga ti na ngudi yetso dipôni diitsô me na Christ na diduméda gôndé me.

Colosses 1:7

One ameekéda anye mabégôme mane te Epaphras angô te môyanzi amavôma aChrist gandé me. Andé na vitoo n’ami. Awedéa me éyanzee édué.

Colosses 1:9

T’ebandô tôsadunda évovo na Nzambé gôndé anye bandôa nyee ômookô we tsangône yanyô. We tôduka Nzambé mbe Gédidi sedi génôétsa éodo éetso na ébagé éetso gôénômenyeda pepe nzéane émakônzangô gôndé anye.

Colosses 4:9

Angaviga, angô na muana aTétee n’edi Onésime. Angô dôta te môsi mbumu éaNzambé andé n’asô na vitoo. Angô abaé anganônigôa metso meenanô égô.

1 Thessaloniciens 5:23

Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô.

Philémon 1:23

Epaphras andé n’ami gô eba atsôgôô gôyanzéa we Jésus‐Christ. Agôkômbôa.

Hébreux 5:14

One aa môyakô ôodôni te ône asabadô muanéngé na ameekeganô gôésevoa mane mamisôba na mane mabévani.

Hébreux 5:7

Jésus, gô pitsi dimadigaangô va tsina, amavovo na Nzambé na miduké na mindônga na keba. Amaduka Nzambé ône amabaka na ngudi gôémôkuséda g’ôwa. Nzambé amookô môduké aJésus gômasugéda angô amuene gôégobeda Nzambé.

Jacques 1:1

Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.

Jacques 1:4

Ivô keneani mbe nôbibéda ti v’ekôdéô éabibéda. N’anye mbe nôngaba nômatsimamani na nômadugani gévéé ta n’ebégô évo.

Jacques 5:16

Tubéni mabégô manyô mabévani gôndé anyene n’anyene. Dukani Nzambé gôndé anyene n’anyene gômbe anye nôngadôngédu. Osambô ôndé na ngudi dipôni te ône amôvinéné ômasambéda môma eenanô na Nzambé ti eembe asaba n’oési.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.