Colosses 4:10 - New Testament in Mitsogo

¹⁰ Aristarque, ône andé n’ami gô eba atsôgôô, anôkômbôa. Na Marc muanaya aBarnabas anôkômbôa. Namani énôtenda ébégô éaMarc. Okô avigi na gôndé anye, vambani n’edi.

Colosses 4:10 ပူးပေါင်းရင်းမြစ်များ

Mayanzame 12:12

Vamabangôa Pierre ébégôe na vede, amayavôga ékea na gô eba aMarie, yeene aJean ône amoogu mbe Marc. Oma ayekani amabaka gô ebee ône gôévovo na Nzambé.

Mayanzame 12:25

Vamagôga éyanzee éaBarnabas na Saul gô Jérusalem, amanika na gô Antioche. Amakea na Jean atetu mbe Marc.

Mayanzame 13:13

Gô mbôka aPaphos, Paul n’akedi amapeka gô mbôngône épôni gôékea na gô Perge gô tsenge éaPamphylie. Jean-Marc amaagana n’ahngô na amanika na gô Jérusalem.

Mayanzame 13:5

Vamatsigahngô gô Salamine ameengéa gô yeba yewanyéô yAjuif na amabandôa éékéda Mane Mamavovo Nzambé. One amakea gôéwedéa ahngô te Jean-Marc.

Mayanzame 19:29

Nzongodiye yaô dimookanô na môsengee wetso. Agubee amatsua ébadie gôégenya na Paul. Amapanga étsôpa akedi abaé, Gaïus na Aristarque, asi Macédoine amakea n’edi mitôô. Géômbé gévôni gémasôkédani gématsua ahngô abaé na gô gétunguge gévôni gôéahtsundéda.

Mayanzame 20:4

Ane amakea n’edi te adua. Sopater muana aPyrrhus môsi Bérée, na asi Thessalonique abaé te Aristarque na Secundus. Na Gaïus môsi Derbe na dôta asi tsenge éAsie te Timothée na Tychique na Trophime.

Mayanzame 27:2

Tômapeka gô mbôngône émaviga gô Adramytte na émakea na gô mahbôngôme mandé gô Asie. Tômatenôa. Môsi Macédoine môvo, inedi Aristarque amakea n’asô. Mbôkedi te Thessalonique.

Mayanzame 4:36

Gandé môma môvo, te Joseph môsi ébôta éaLévi, amabôtu gô tsenge ééndô mbe Chypre. (Amoogu na akedi mbe Barnabas, événdégéô mbe, ône akasôgédi akedi.)

Romains 16:2

Vangatsigangô na gôndé anye, keneani angô gô ina aKumu geenda wa n’anyô gô mbumu éaNzambé. Wedéani angô gô mabégô metso manganyôngeô angô. Amuene amawedéa oma ayekani, ti gandé me.

Romains 16:7

Kômbôani gô inami dôta kindami Andronicus na Junias. Ahmadigaa n’ami gô eba atsôgôô. Me madeo tsisinga Christ te ahngô aka oma aChrist na ootéa éneegedu va gatse ane amasevou na amatôkuku na Jésus-Christ.

II Timothée 4:11

One andé n’ami éva te Luc amuene. Oviga na Marc, angô asabômu éwedéa me gô gésaô saNzambé.

Philémon 1:23

Epaphras andé n’ami gô eba atsôgôô gôyanzéa we Jésus‐Christ. Agôkômbôa.

Philémon 1:24

Avo dôta agôkômbôani te Marc na Aristarque na Démas na Luc, ane andé éyanzevo n’ami.

I Pierre 5:13

Asi mbumu éaNzambé amasevou n’anye, ahndé gô Babylone, anôkômbôa. Na muanee wami Marc anôkômbôa te mônongovo.