Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Colosses 3:5 - New Testament in Mitsogo

5 Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

အခန်းကိုကြည့်ပါ။ ကော်ပီ




Colosses 3:5
34 ပူးပေါင်းရင်းမြစ်များ  

Mangô matubéda matasa mabévani makeda môma gôéyôha môkedi, na mbe akea gésasô, na adigaa sagôsagô, na eesua, na apata, na atsuava akedi.


T’ebandô Nzambé amatsika oma gémôanza gô tsôvé yaô yagébé na tsoyi. Gô mabégô mageto na amôgôô, ageto amatsika éne émavanga Nzambé na ayanza anguene ageto n’ageto.


Mitéma mioma mimayôa na mabégô metso masanyepani, na ébéva na ngusu na ôbagaa. Anyima mane maakaô, na eenda mikôbé, na masanganéda. Abôméda akaô na apatéa na atokono.


Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.


Tônigôgéôni buedi édué. Mônongoe ômabaka n’asô n’anyô va mbeego ômakomedu na Christ kukepo gôéwa n’edi va gésumu sowa. Te gômbe mônongoe wasô n’anyô ôbévani ômadimbana. Na wa n’anyô tôsabadô g’ôvéga amabégô mabévani gôétômu na mangô.


Buéyé mbe namenya mane manyôngéô Nzambé mamisôba, g’ôtô ami gôndéké yene ébégô éagéndégégé égenya na mane mamenya me. Na éangô ékata me gô ésengo éedi mbe nayanza te mabévani matévo gatômu me na ôtô ami.


Endé te nane. Vamadigaanye gô ésimee éanyô éambeego gôédugéda mane mabévani mamanyima yôtô yanyô, nômayanza te mane mamadékéda Nzambé mbe: Nômbienda. Nôsiôngôé ékina mane mabévani makeda môma na g’ôwa.


Okô tôgobeda yôtôye yasô n’anyô na manyimama maô tôngawa. Okô wa n’anyô gô ngudi yaGédidi SaNzambé tôpangi ékina manyimame mane mamabôtu na wa n’anyô, tôngaba na monyo.


We tômookô mbe va gatse anyô nôkea gésasô. Ti mônongo agésasô gésamenyanganô buéyé n’ane asavamba na Nzambé. Eôkanô mbe môvo va gatse anyô abongi môgaya atétedi.


Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.


Anye dôta mbe: Môyakô ômeendéô te ébuyi na ébuyi dôta émavangéô te môyakô. Ii, na gô pie. Buéyé nane Nzambé nyovo angabunzéda te éetso, na môyakôe na ébuyie. Ivô menyani mbe yôtô yasô n’anyô oma disivangô gôéénda gésasô. Yôtô yasô n’anyô dindéké te yaKumu Jésus na angô dôta andé Kumu ayôtô yasô n’anyô.


Busungani gésasô. Mabégô metso mabévani moongôa môma éyanza mabévéda ôtô amôkedi. Ivô môkeyi agésasô abévéda te ôtôe wedi amuene.


Vangoomba me étsiga va gatse anyô namenya mbe Nzambé angasugéda me va mbene anyô gôédéa gôndé ayekani ameenda mabégô mabévani va mbeegô géniké gôésingéô kokoo gô ésima éaô éevindô na gésasô setso gémayanzahngô.


Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.


Aseena tsoyi gô mane mayanzahngô masagôsagô na yôtô yaô. Ahyanza ésima éagô évitsi gésikamé.


Gômavambanye na Christ, mômageetu, kaka gageetana oma, ivô ôgeetedi aChrist ôkegea mbe nômanôtôu manyima n’esima ébévani éayôtô yanyô gôéaagana na yangô.


Nôeni éne ényôngéô Nzambé gôndé anye, te mbe nôaaganana na mabégô mabévani gôéba môvo n’edi gô étsimama. Na mbe nôkina minongo mietso miagésasô.


Abaké gésingé ôtô edi ôtômu na manyima mabévani gatômu ane asavamba na Nzambé.


Onzôô adode te étambé éamapanga ébuéda môma na gô mabégô metso mabévani. Avo oma gômabéngahngô ôkitie, amanôtôga gô nzéa éaJésus étôkeani édué na amakôva anguene maguga mayekani gandé môma atsôkô môtémedi na pingô yatsende.


Wemani kabaga gôdenganô va gatse anyô môsi gésasô. Wemani kabaga gôdenganô môma agono na Esaü asiditédé ôvangee aNzambé. Amakaba ôpayie wedi gô gépede samôyakô gakabô sôma sabobo.


Buedi mbe yômba digobedu na muetso. Na buedi mbe môgadi na mômé abaké n’etondo anguene n’anguene. Nzambé angeeséda asi ôkuanda na asi gésasô.


Nômbiasinga mbe tsôvé yadode ditôma anye gô môdigédie wanyô. Tsôkéakani te éne éndé n’anye. Gôébégô Nzambé amavovo mbe: Me tsangoongôa égôtsika. Me tsanganôtôga gôégôtsika ômuene.


?Migenye na masaganédana va gatse anyô matubéga nayee? Matubéga te manyima mabévani mayungédanye gô mitéma mianyô.


Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.


Géé gôndé asi mitéma mideedani, n’ane asa sipani, n’oma asagô na ayôhani, n’asi matasame meengéa gô gésasô na makusa gô gésasô, na eendi amaganga, na aneegedi ambumba yegoni, na asi diboe, gétunguge saô te gô mungu asoto géyôa na mbônga ébévani, sangô te ôwa amôbaé.


Ane asangeengéa gô môsenge na ahngaba gô mbadi, te oma asagô na eendi amaganga, n’asi matasame meengéa gô gésasô na makusa te gô gésasô na ayôhani n’aneegedi ambumba yegôni na asi diboe gô mavovia na gô mayanza.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ