Colosses 3:3 - New Testament in Mitsogo

³ Gô mane matsengene nôndé nômawani. Monyoe wanyô ôndé ômakuégu n’one aChrist gétungu gévo gôndé Nzambé.

Colosses 3:3 ပူးပေါင်းရင်းမြစ်များ

Matthieu 11:25

Gô ndéô nene Jésus amavovo na Tétedi mbe: Ah Téta, Ewe Kumu atsina n’oba, nagôkuméda. Ewe ômatsutsuéda mabégô mavôni gôndé oma abobo mbe amamenya. Géé gôndé oma éodo, na oma agéneenga gévôni ômasuéga mangô.

Jean 14:19

Eva na gô vipesu viandéô asi tsengene asangadôena me. Géé anye, nôngeena me. Gôndé me na monyo, tambô n’anye dôta nôngaba na monyo.

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Jean 4:14

One anganyua meba mangamôétsa me, asangoombadô éôkô sôé. Na mebame mangamôétsa me mangakoga gôndé angô gétôka gébunduga wene monyo, ône amôbô na môbô.

Jean 5:21

Mônongovo gakundua Tétee ane amawani, na Muanee te mônongovo. Angô eetsa monyo gôndé ane anyôngéô angô éétsa.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Jean 5:40

Buéyé vane nôsanyôngéô éviga na gôndé me gôédiia monyoe apie.

Romains 5:10

Vamabaka wa n’anyô tôgébaka adudeo aNzambé, ôwa aJésus ômatôvambéda na Nzambé. Tambô na ndéône edué éka wa n’anyô évambevo na Nzambé, monyo aJésus ôndé gô mitéma misaô n’anyô ôtôôboo.

Romains 5:21

Va mbeego ébéva émabaka n’otômu gôétôétsa ôwa. Ivô ndéô yedi ngeba yaNzambé dindé n’otômu gô étsimama éedi gôétôétsa monyo amôbô na môbô. Monyoe ône ôndéké gôndé Kumu asô n’anyô Jésus-Christ.

Romains 6:11

Gôndé wa n’anyô te mônongovo. Tôndéké ga nzumbi ésatômuku na mabégô mabévani. Ivô tôndé misiki na monyo gôédigaa gôndé Nzambé na monyovo na Jésus-Christ.

Romains 6:2

Géndégégé. Tômani éwa gô mane mabévani. ?Tôngoomba éyanza gô mangô nayee?

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

I Corinthiens 15:45

Endé te gatônigôu na Matendeo MaNzambé mbe: Mômane amapanga Adam, amavangô sôma gévégumani. Na Adamene amôyusumédu te Gédidi SaNzambé gétôétsa monyo.

I Corinthiens 2:14

Môma, gamabôtu angô gô tsengene, asangoongôa énigôgéô mabégô mapie matsutsuu na Gédidi SaNzambé. Mabégôme mane mandé matsôga gôndé môma nône. Angô asangoongôa éôkô mangô. Mabégô MaNzambé maseeo te na Gédidi SaNzambé.

II Corinthiens 5:14

Gôébégô étondoe éndé na Christ, te éangô étôma wa n’anyô. Wa n’anyô te ane asaba na paga mbe môvo amawa te gôndé muetso. Evéndégéô mbe wa n’anyô muetso tôwéyi ôwoovo n’edi.

II Corinthiens 5:7

Tôdigaa pitsi yetso mitéma miasô mindé gô éne éseenanôni ti eembe éenanô.

Galatie 2:20

Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.

Ephésiens 3:9

Namasevou dôta gôémenyeda oma muetso éne éngayanza Nzambé gôédugéda étasa éedi gôékônza nzéa gôndé ane asaba Ajuif. Nzambé môkanine ayôma éetso éava tsina, amabaka n’etasa éne bandôa v’ebandô ivô oma asinigôgéô éangô. Emabaka ga émasuégu.

Philippiens 4:7

Vane gétabé saNzambé, géne géôtéa pepe gétabé gémenya môma, génganôsuméda mitémamie na génganôsipéda édidie gôndé Jésus‐Christ.

Colosses 1:5

Vameekédu anye kukane éamapanga Tsangô Eapie, éne Eamôsôba éaJésus‐Christ, nômamenyedu mbe éangô éndé na tsoongo. Ebandôe éavitoone éanyô na ébandôé émeetsanye mitémamie, étsinee te tsoongo nene. Nôndé gôéténdéda éne émakeneo g’ôba gôndé anye.

Colosses 2:20

Gômeetsanye Christ mitéma mianyô mietso nôndé ti nômawa gô matasame na mônongoe atsengene na nôsaba g’ôtômue waô. ?Nôngoomba édigaa gadigaa oma agétômuku na mane matsengene nayee? ?Nôsinga oma anônikéa étsôpa g’ôvéga gôétômu na mige miatsengene nayee?

Colosses 2:3

Gôndé Christ gômasuégu ôkiti ôvôni agétangégegé na angô te éodo n’ebagé éviga gôndé Nzambé.

Colosses 3:4

Monyoe wanyô apie te Christ. Vangatsutsugangô te n’anye muetso nôngatsutsuga nômagésangana ôndômbovo n’edi.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

I Pierre 3:4

Ivô bakani n’enyepa ésenanôni éndé gô môtéma. Enyepee éagô môtéma ésagukani na ésakogani te éne éndé gô môtéma ômasumani na agébé na mikebanganô. Te éne ésingéda Nzambé.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

I Jean 3:2

Anami amôtéma, deo noo tôndé ti ana aNzambé na mônongo ôngaba n’asô n’anyô gô mbene madeo tôsitubédu angô. Ivô menyani mbe vangaviga Christ, mônongo ôndé n’edi tôngagono n’angô, gôébégô tôngamôéna mônongoe ôndéké angô.

Gétsutsuéô 2:17

Okô mbe anye nôndé na matô ôôkôni môma na môma mane mavovo Gédidi SaNzambé na anye asi mbumu éaNzambé. Angô mbe: Gôndé ane adiiani gô ébadi égenyuni nangeetsa ahngô môyakô ôviga g’ôba ôsamenya muetso. Nangeetsa ahngô dôta étaé éavembo ématendu ina éatsatsee ésamenya muene môma buétsé te kumue éangô.