Colosses 3:24 - New Testament in Mitsogo

²⁴ Bangôani mbe Kumu Jésus anganôsangéga na môsenda ôvôni. Nôngeetsô mikuanya mane mamakôndégangô omedi. Kookone éanyô éapie éyanzéa anye te amuene Christ.

Colosses 3:24 ပူးပေါင်းရင်းမြစ်များ

Matthieu 10:41

One asinga môpandôédi amatasa maNzambé gôndé angô môpandôédi, angadiia misenda ngu na mine mingadiia amuene môpandôédi. Na ône asinga môgobedi aNzambé gôndé angô môgobedi aNzambé, angadiia misenda mivo na mine miamômane aNzambé.

Matthieu 5:12

Tsôkéani na gényônga gévôni gôébégô nôngadiia misenda g’ôba. Va mbeego anye madeo nôsibôtu apandôédi amatasa maNzambé amakuanô te nane.

Matthieu 5:46

Okô anye nônyôngéô ane anônyôngéôni ?nômenya mbe Nzambé anganôétsa môsenda‐a? Asanganôétsa. Buéyé n’abongi adepu anyôngéô akaô te nane.

Matthieu 6:16

Vakinanye môyakô gôévovo na Nzambé, anye nôkinini, nômbiaduta ésunga gôényemôga geenda asi enyepa éamiônya. Angô anyinyama gôétubéda oma mbe: We tôkini môyakô gôévovo na Nzambé. Nanôbeenda na gô pie mbe gôndé ahngô asabadô na tsoongo, amani édiia misendamie miaô.

Matthieu 6:5

Asi enyepa éamiônya anyôngéô étema mitie gôévovo na Nzambé gô yeba yewanyéô na gô magô manzéa gômbe oma angakuméda ahngô. Ivô anye vavovo anye na Nzambé, nômbienda mônongovo geenda ahngô. Me nanôbeenda na gô pie mbe gôndé ahngô asabadô na tsoongo, amani édiia misenda miaô.

LUC TSANGO EAMOSOBA EMATENDA 14:14

Ti gô gényônga géngaba n’ewe gôébégô ane ayeeyi môambôe woo asangagônikédéa ta na sôma gévo. Ivô te Nzambé angagônikédéani gô nyee ôngakunduga ane amawani amayanzéa Nzambé ganyôngéô angô.

LUC TSANGO EAMOSOBA EMATENDA 6:35

Géé anye, nyôngéôni ane anôduduni. Indani ahngô mamisôba. Sombedani ahngô gébé n’etasa mbe nôngavanéô. Vane nôngeetsô na Nzambé môsenda ôvôni na nôngamenyanganô mbe ana aNzambé ône andé Kumu angudi yetso. Gôébégô amuene Nzambé eenda mamisôba gôndé ane abévani na asamôkumédani.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Mayanzame 20:32

N’atsatsee me nanôdeekeda na gô mogo maNzambé gôésumbédu n’edi na gôékeneo n’edi gô mabégô medi metondo. Amuene andé na ngudi gôéoodeda anye. Vane anganôétsa éne ékôkégangô ga mikuanya gôndé omedi.

Romains 1:1

O te me Paul môyanzine aJésus-Christ. Nzambé amasevoa me na amakudéga me. Namatômu na Jésus gôéékéda Tsangô éedi Eamôsoba.

Romains 14:18

Okô ôyanzéa Christ gôémôgobeda gô mabégô mema, Nzambé anganyôngéô na akoo dôta angagôsénga ôséngu.

I Corinthiens 11:23

Aanakani meekédume mameetsô me na Kumu. Na me nanôtsuéa mangô. Gô pitsine émakabô Kumu asô n’anyô Jésus amabongo môpemba.

I Corinthiens 3:8

One agaabani na ône eetéa meba andé te mônongovo. Nzambé angeetsa ahngô môsenda kuanakue na éne émayanzahngô.

I Corinthiens 7:22

Endé te nane. Môvéga amabambéô na Kumu Jésus gôékea n’edi nzéepo, aka môma amanzeegeduni na monyo edi te gôndé Kumu edi Jésus. Mônongovo dôta ône asibaké môvéga amabambéô na Kumu Jésus aka te môvéga akôô aKumu edi Jésus.

Galatie 1:10

?Vavovo me nane nômenya mbe me nabuta ékumédu n’oma‐a? Aé. Navovo nane te mbe nangakumédu na Nzambé. ?Nômenya mbe nabuta ényônganéô n’ôma‐a? Aé. Okô nabuti ényônganéô n’oma tambô tsaba môyanzi aChrist.

Ephésiens 6:6

Kumu abéyee, asabéyee, yanzani ti eembe andé vangô gôénôbono. Vane nôngadugéda na môtéma ômasumani éne enyôngéô Nzambé ti eembe nôndé avéga aChrist.

Ephésiens 6:8

Bangôani mbe môma na môma abéyee môvéga, asabéyee môvéga, tôngadiia gô mane mayanza wa n’anyô mamisôba manyôngéô Nzambé nyee ôngaviga Kumu Jésus.

Colosses 2:18

Nômbiasinga mbe nôétsô ôési na pati môma andé môtémedi gô ésôgee gôéneegeda asi g’ôba ayanzi aNzambé. Môma nône akanéga mbe asugéda amuene tambô anyôngéô ékumédu n’oma. Angô dôta eetsa môtémedi gô miôtô mienangô. Môma nône andé na nyemo éabobo gô mônongoe wedi ôtasangô atsengene.

Hébreux 10:35

Tambô sipani gamasipanye v’ebandô gébé na buétsé. Môsenda ôvôni ôkeneo gôndé anye nôsipani.

Hébreux 11:6

Tambô gôsaba môma oongôa étubéda Nzambé gényônga ôkô angô andé na paga. Endé te nane. One awesea na gôndé Nzambé te ône eetsa môtémee wetso gébé na paga mbe Nzambé andéké, na mbe Nzambé amenya étsutsuga gôndé ane amôbutani.

Hébreux 9:15

Nôeni ébégô émasevou Christ gôéba môsungéyi gôétôvambéda na Nzambé gô évambee éamôbaé. Andéké môsungéyi awa n’anyô tômabambéô na Nzambé gôédiia ôkiti ag’ôba ômavangéa Nzambé mbe: Te mikuanya mianyô. Wa n’anyô tôngoongôa édiia ôkitie ône gôébégô môvo amawa. Owee ône ôyuua oma muetso gô môtsundu ebévee éaô émadigaahngô gô évambee éambeego.

I Pierre 1:4

Na mikuanya miasô n’anyô mitôtsôkéani mindé gôndé Jésus. Te mikuanya miagébungané na miagébômbé, na miagéongodone. Mikuanya mimatsikéô anye mindé na Nzambé g’ôba.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

Jude 1:1

O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.