Colosses 3:16 - New Testament in Mitsogo

¹⁶ Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

Colosses 3:16 ပူးပေါင်းရင်းမြစ်များ

Matthieu 26:30

Vane amatôa mimbô masueti na amakea na gô môkôdi ôtetu mbe Olivier.

LUC TSANGO EAMOSOBA EMATENDA 2:51

Vane Jésus amanika n’ahngô na gô Nazareth. Amagobeda tétedi na yeedi. Yeedi Marie amakenea mabégôme mane gô môtémedi na amamatanganéda.

Jean 15:7

Okô nôndé môvo n’ami, na mabégô mami mandé gô mitéma mianyô, dukani éne ényôngéô anye, n’anye nôngeetsô éangô.

Romains 10:17

Ekegea te nane. Môma eetsa môtémedi gétsumé Nzambé paga te gôôkô angô mane meekéduni. Mane meekéduni dôta te mangô mapandôéda mane mamavovo Jésus-Christ.

Romains 15:14

Ana aTétee n’ami gô mbumu éaNzambé, me Paul tsabômu gandé anye. Nôndé oma angeba, na nôsabômu metso mane mandé kuanakue gôndé anye gôéénda na gôéongono ndongi.

I Corinthiens 14:15

?Tambô nangeenda nayee? Me nangavovo na Nzambé gô gédidige sami, me géôkô na vede. Nangavovo na Nzambé dôta na matasame mbe nookô na vede éne évovo me. Na mimbôme te mônongovo. Nangatôa gô gédidige, nangatôa dôta na éodo éetso.

I Corinthiens 14:26

Wa n’anyô ana aTéta ?tôngaba nayee gô ébégô éamigôô? Vatôkôkangana vavo gô géwanyéô samabégô metso maNzambé éndé te nane. Môvo va gatse asô n’anyô andé na embô. Môvo andé n ndongi. Môvo dôta atsutsuédu ébégô na Nzambé. Na môvo andé na meekédume magô aanga ôgi ômeetsô angô na Nzambé. Na môkedi eetsô éodo gôémakoa g’ôgi asô n’anyô. Buedi mbe migôômie mietso mine miwesede mbumu éaNzambé muetso gô nzéa éaNzambé étôgobedani.

Ephésiens 1:17

Naduka Nzambé Tétene aKumu asô n’anyô Jésus‐Christ, angô Téta ondômbee wetso, gôndé anye. Namôduka mbe anôétsa Gédidi sedi. Te sangô géngamenyeda anye, ne génganôtsutsuéda Nzambé, mbe nôsangadôtsuma angô paga.

Ephésiens 5:17

Nônaba n’odungé ivô gémbôgani gôémenya éne ényôngéô Kumu Jésus mbe nôénda éangô.

Ephésiens 5:19

Kasôgédanani anyene n’anyene gô mavovia maMatendeo MaNzambé na gô mimbô, na gô kônda na géembi gôéneegeda Nzambé. Buéyé mbe gô tsina amitéma mianyô tôani mimbô maKumu Jésus mabuéa gô matô medi.

Ephésiens 5:26

Christ ameenda nane gôékoa mbumune yedi mbe éviia mane matsengene ngima gôéba môvo n’amuene Nzambé. Amamigôgéda na meba na ôgie wedi.

Colosses 1:28

T’ebandô tônigôa oma muetso Tsangô éaChrist, ône amasevou na Nzambé. Tôevéda na tôéékéda môma na môma. Tôénda nane n’ekena éetso buta mbe tôtsigéda môma na môma va mbene aNzambé, kaka mbe andéké ana avembo gô mabégô maNzambé, ivô mbe andé môma amadômbéa gô vitoone éndé n’edi na Jésus‐Christ.

Colosses 1:9

T’ebandô tôsadunda évovo na Nzambé gôndé anye bandôa nyee ômookô we tsangône yanyô. We tôduka Nzambé mbe Gédidi sedi génôétsa éodo éetso na ébagé éetso gôénômenyeda pepe nzéane émakônzangô gôndé anye.

Colosses 4:6

Buedi mbe gô ndéô yetso mavoviame manyô vandé oma mabaké mamaninganinga na mbe manyepedu na sekaseka ganyepeda môma mabunza na vianga. Menyani éaabéa kuanakue nyivôye yetso dibambéa oma.

1 Thessaloniciens 1:8

T’ebandô mabégô maKumu Jésus mamatsanzabana bandôa n’anye. Na masikôdé gô Macédoine na Grèce gôtévo. Tsangône yanyô émeetsanye Nzambé mitémamie gébé na buétsé, émookanô tsengene nyetso. Endé te nane. Oma asaba na tsôvé éévôa we gôénigôa tsangône yanyô, amani émimookô.

1 Thessaloniciens 4:18

Kasôgédanani anyene n’anyene gôésumanéda mitéma na mabégô mema.

II Thessaloniciens 3:15

Ombieenda angô mbe môdudeo. Ivô ivédani angô te ivéda, gôndé angô muana aTétee môsi mbumu éaNzambé.

I Timothée 6:17

Beenda ane andé n’okiti atsengene mbe: Nômbiaba na bopeeo. Beenda ahngô mbe aseetsa mitéma miaô na gô mônongo okiti ône ôgôgani na ôdimbanani, ivô eetse mitémamie miaô na gôndé Nzambé, ône atôétsa éetso gékuté, gôékasôgéda we mitéma.

II Timothée 3:15

Bandôa g’ôanéngée woo ômeekédu Matendeo MaNzambé na te mangô mandé na ngudi gôétsa éodo évôni. Eodoe éne ébuéda môma gô géobogeo gédiiangô veetsangô Jésus‐Christ môtémedi wetso gémôtsumé paga.

Tite 3:6

Menya mbe gô ngudi yaMooboyi asô n’anyô Jésus‐Christ, Nzambé amanyôgéda Gédidi sedi gôndé wa n’anyô ga mbuua ésaba éogômbô.

Jacques 1:5

Kôndi nane, ône asaba n’eodo aduké Nzambé éangô. Na Nzambé angamôétsa éangô. Gôébégô Nzambé eetsa na géneega gébé na misésu.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

Jacques 5:13

?Gôndéké môvo va gatse anyô eena panda? Agondé Nzambé. ?Gôndéké môvo va gatse anyô eena buedi‐a? Embéké mimbô maNzambé.

I Jean 2:14

Nanôtendéa anéngé, gôébégô nôsabômu Tétasô n’anyô. Nanôtendéa anye tétee gôébégô nôsabômu ône amapanga v’ebandô. Nanôtendéa anye minzambu gôébégô nôndé na ngudi. Nôndé gôékenea Mane Mamavovo Nzambé gô mitéma mianyô. N’anye nômadiia gô ébadi émagenyanye n’one môbévani.

I Jean 2:24

T’ebandô bakani ne gékenéa gô mitéma mianyô gô meekédume mamapanga mamookô anye v’ebandô. Okô mbe mane mamookô anye mbeego mandéké gô mitéma mianyô tambô anye nôndéké môvo na Muana na Téta.

I Jean 2:27

Géé ti gôndé anye, Christ amapika anye na Gédidi sedi. Gédidi sedi gémeengéa gô mitéma mianyô na nôsabuta môma gôénôékéda. Ekegea te nane. Gédidi SaNzambé génôékéda metso. Mane meekéda sangô te mapie kaka mooboe. T’ebandô bakani na vitoo na Christ na nôngagobeda meekédume maGédidi sedi.

II Jean 1:2

Gôébégô mane mapie mandé gô mitéma miasô n’anyô na mandé gôndé wa n’anyô môbô na môbô.

Gétsutsuéô 14:3

Mitônisamie mioma mine mimatema va mbene eoma énayi évégumani, na va mbene apeeye. Na ahmatôa imbô éamanza madeo ésitôôni. Gôsibé môma oongôa éétôa buétsé te ahngô mitônisamie mioma mine mimoobouni mimanôtôga gô tsina.

Gétsutsuéô 15:3

Ahmatôa imbô ématuba môyanzi aNzambé, Moïse na émbô étôa Môpaga. Ahmatôa mbe: Ah Kumu Nzambé, éwe Kumu angudi yetso. Mane mayanzewe mootéa ényepa na mootéa ékasôgéda môma. Ewe Môtômi atsengeye yetso, matasa moo mapie masakoga.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.

Gétsutsuéô 5:9

Ahmatôa émbô éamanza mbe: Ii, te éwe, gôndé éwe te kuanakue gôébongo migandamie na gôépunzua mikatékômie. Gôébégô éwe te ômayôhuni. Na g’ôwee woo ômavanéa Nzambé gôndé omedi. Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.