Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Colosses 3:15 - New Testament in Mitsogo

15 Singani mbe gétabé saJésus‐Christ génôsuméda mitéma. Nzambé amanôbambéa gôévamba gavamba éemé éotô ôvo mbe nôbé na gétabége sedi géne. Kumédani angô.

အခန်းကိုကြည့်ပါ။ ကော်ပီ




Colosses 3:15
35 ပူးပေါင်းရင်းမြစ်များ  

Me nakeyi. Ene étsikéa me anye te gétabé sami mbe géngaba gô mitéma mianyô mbe nôngaba na mitéma mimasumani. Géne sami gétsikéa me anye gésagono na géne satsenge nedué. Nombiaba na mikebanganô gô mitéma mianyô.


Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.


Menyani mbe oma ahsabômu Nzambé. Ivô ahngô ahsamôneegeda na ahsamôkuméda ganyôngéô amuene Nzambé. Géé nane, matasa moma maka gébé n’eodo, na mitéma miaô mika ga mimavétsa môkambô na mimakukégu n’evitsi.


Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.


Gôsatsuma anye Nzambé paga, te mbe angô Kumu atsoongone éasô n’anyô, anôétsa gényônga sedi na gétabé sedi sapie. Okitie wanyô te môténdéda ôndé n’anyô gô ngudi yaGédidi SaNzambé.


Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.


Buéyé mbe tôndéké ayekani tôaa muetso môpemba ôvo. Te éne étubéda mbe tôndé muetso te ôtô ôvo.


Na gôndéké yene ébégô. Okô môgetone asisingé Jésus anyôngéô ékina mômiedi tsangô mbe angô môma aChrist, akinéké. Na mômôgôône asaba n’oési mbe amayôha yômba. Okô mômôgôô asisingé Jésus anyôngéô épatsa môgayedi tsangô mbe angô môma aChrist, apatséké. Na môgetone asaba n’oési mbe amayôha yômba. Nzambé amasevoa anye oma aChrist mbe nôdigaa gô gétabé.


Eetso étôenani édué ébuéa te gôékasôgéda anye. Gô ngudi yaNzambé omedi angayeka. Vangayeka ahngô, tambô n’asambédie, n’akumédi aNzambé amani éyeka dôta.


Gô ndéô yetso Nzambé anganôdugéda ôkitie ôngoongôa anye ékabanéa n’akanyô gébé na guma. Vane ayekani angakuméda Nzambé gô dibiiaye dimeetsa wa n’anyô.


Te gô ngudi yedi mbe éeme éetso éotô éwanya na ngee. Na mbe diôngôye yetso disapengana na dioodo gôéwanyéda ôtôe wetso ékenge. Okô géeme na géeme géndé na éedi éyanza, ôtôe wetso ôngavunda na ôngoongôga na vitoo.


Tôndé muetso gô ôtô ôvo. Na gédidige sasô n’anyô SaNzambé te gévo. Tsoongone éasô n’anyô étôétsô na Nzambé te épo.


Anye nôndéké ana anyônganéô na Nzambé tambô putugani gôédigaa mônongovo gandé muana amôtéma anyôngéô égono na tétedi.


Kumédani Tétasô n’anyô Nzambé ndéô yetso na gô mabégô metso gô ina aKumu asô n’anyô Jésus‐Christ.


Kumédani Téta Nzambé na gényônga gévôni. Gôébégô te angô amanôkoa gôéba kuanakue gôédiia ôkitie ômakeneo na Nzambé gô tsenge éedi éagévede. Okitie ône te gôndé asi mbumu éaNzambé.


Bakani gôndé angô gandé géétété gésipédu na mitamba miedi gô tsina. Oongôgani na diiani monyoe wanyô gôndé Christ gadiia géétété ône wedi gô mitambamie miedi. Odoni gô mabégô metso maNzambé mameekédu anye masitsumé anye paga. Singani mbe kumane éaNzambé ébunduga gô mitéma mianyô.


Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.


Kumédani Nzambé gô mabégô metso. Te éne ényôngéo Nzambé mbe nôénda gôndé anye na vitoo na Jésus‐Christ.


Ti ébégô éamapanga na kaa, énôongô me te mbe: Vovoni na Nzambé na miduké na disambô na gondogo na kuma gôndé oma muetso.


Genya na ngudi ébadie éamôsôba gôédiia éne éténdéda we gébé na paga. Ombianzeegeda monyo ôsakôdéakani. Gôébégô Nzambé amabambéa éwe gôéadiia. Na ômanigôa gébé na tsoyi mane mavangani éwe na Nzambé va mbene oma ayekani agôbononi.


Jésus atôwedéa gôédeekeda kumane aNzambé ga ôgondoku va mbene edi. Tambô tôbubué miônya miasô gôékuméda Nzambé na gôéteta inedi gébé na tsoyi.


Ahmaabéa mbe: Amen. Okumakee wetso na ôndômbee wetso, na éodo éetso na gétsôkéôge setso na géneegage setso n’otômue wetso na ngudiye yetso te gôndé Nzambé asô amôbô na môbô. Amen.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ