Colosses 3:13 - New Testament in Mitsogo

¹³ Bakani n’obibo anyene n’anyene. Okô môvo va gatse anyô abé n’ebégô na môkedi, buedi mbe asingané kokoo anguene n’anguene. Singanéani kokoo gamasingéô anye kokoo na Christ.

Colosses 3:13 ပူးပေါင်းရင်းမြစ်များ

Matthieu 5:44

Ivô me nanôbeenda mbe, nyôngéôni adudeoe wanyô. Vovoni na Nzambé mabégô mamisôba gôndé ane anôkuanani.

Matthieu 6:12

Singéa we kokoo gô mabégo masô mabévani mônongovo gasingéa we kokoo gôndé ane atôéndéa mabégô mabévani.

Marc 11:25

Okô mbe ôndé na ébégô na môkoo, ômbiasuméa évovo na Nzambé. Buedi mbe ôpanga émôsingéa kokoo. Vane Tétoo, ône andé g’ôba angagôsingéa dôta kokoo gô mabégô moo mabévani. [

LUC TSANGO EAMOSOBA EMATENDA 11:4

Singéa we kokoo gô mabégô masô mabévani, Mônongovo gasingéa we kokoo gôndé ane atôéndéa mabégô mabévani. Vangakanégu we gôéénda mabégô mabévani, ômbiatsika we.

LUC TSANGO EAMOSOBA EMATENDA 23:34

Jésus amasambéda mbe: Téta, singéa ahngô kokoo. Ahsamenya éne ééndahngô. Migode mimatséva na nzéké gôésevoa éduani éaJésus énganyôngéô angô.

Romains 15:7

Vambani na gényônga anyene n’anyene gô mbumu éaNzambé mônongovo gamavamba Christ n’anyô gôékuméda Nzambé.

II Corinthiens 2:10

Okô nôsingéé môma kokoo gô éne ééndi angô ébévani, me dôta namôsingéa kokoo. Vasingéa me môma kokoo te ngu n’ene ébévédi angô me, béyé mbe évôni, béyé mbe égege. Neendéa te anye gô ina aChrist.

II Corinthiens 6:6

We tôtubéda mbe tôndéké ayanzie aNzambé gô môdigédi asô ômagôgéani, na gô ngeba yasô na gôndéké we na ngudi yaGédidi SaNzambé, na gôndéké we na étondo ésapenganani,

Galatie 6:2

Wedanéani anyene n’anyene gô mane maditéô anye. Okô nôéndi nane nôgobeda éne émavovo Christ.

Ephésiens 4:2

Bakani gébé na nyemo na gébé na dibagaa. Bibédani gôésinganéa mane maanyene n’anyene gô vitoone éndé n’anyô.

Ephésiens 4:32

Bakani n’enyônganéô na vitoo anyene n’anyene gôésingananéa anyene kokoo mônongovo gamasingéô anye na Nzambé kokoo gô ina aJésus‐Christ.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

Jacques 2:13

Okô mômane aseena akedi ngeba, Nzambé asangeena môma nône ngeba gô nyaa amôtsundu. Ngeba didiia te mitayi gô môtsundu.

I Pierre 2:21

Anye nômabambéô na Nzambé gôébibéda ékuanô. T’ebandô Christ amabibéda ékuanô gô gévénga sanyô. Amatubéda nane gômbe anye nôngamôaanda gô matambé medi gôésindéa maguga mamasindéa angô.