Colosses 3:11 - New Testament in Mitsogo

¹¹ Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.

Colosses 3:11 ပူးပေါင်းရင်းမြစ်များ

Jean 14:23

Jésus amanigôa mbe: Okô môma anyôngéyiô me angagobeda éne évovo me. Téta angamônyôngéô. Vane wa na Téta tôngaviga na gôndé angô gôédigaa gô môtémedi.

Jean 15:5

Me te môkuba agéétété. Anye te mitabé. Muetso andé môvo n’ami na me nandé môvo n’ahngô abôta miônda miyekani. Me gébé n’anyô nôsoongôa éénda ta n’ebégô évo.

Jean 17:23

Me nandé gôndé ahngô. Ewe ôndé gôndé me. Vane gô évambee éne éavitoo, asi tsengene angeena na vede mbe te éwe ômatôma me na éwe ônyôngéô omee woo ganyôngéô éwe me.

Mayanzame 15:17

Gômbe avo oma angabuta Kumu Jésus gôéwesea na gôndé angô. Te asi tsengeye yetso Na muetso ane amasevoa me gô tsengeye yetso yava tsina gôéba omami.

Mayanzame 28:2

Mbuuane émabandôa ényogo na sodi gévôni. Asi néngé nene ahmakenea we na géneega. Ahmadumua gésotosoto na amakôkanganéda we va kôbangô asangô gôéôkô épiô.

Mayanzame 28:4

Vameena asi néngé nyogone éviômba émambata g’ôgogo aPaul amavovo anguene n’anguene mbe: Na gô pie mômôgôô nône asanyepa. Te môsi môkôbé. Bononi, buéyé gabusugi angô ôwa agô mubu, môtsundédine oma muetso asangamôsinga aba na monyo.

Romains 1:14

Nameetsô éyanza, ta madeo ésigôga édita gô môtéma ga égumba. Eyanzee te gôébuéda Tsangô nedué na gôndé oma muetso. Nabuéda éangô na gôndé éongo ékuma na éodo, na gôndé éongo ésaba n’eodo, na gôndé asi géneenga gévôni na gôndé ane asaba na géneenga.

Romains 10:12

Tambô gôndé Ajuif na ane asaba gô éongo éAjuif gôsaba éômbé ébaé. Kumune éaô te épo. Akaba mane medi mamisôba na gôndé muetso ahwesea na gôndé angô gôémôduka.

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

Romains 3:29

Me Paul, nanôévôa mbe: ?Nzambé, te Nzambé éAjuif atévo-a? ?Tambô asaba Nzambé éoma muetso-a? Te na gô pie andé te Nzambé éoma muetso.

I Corinthiens 12:13

Na wa n’anyô muetso tôbéyee Ajuif, tôsabéyee Ajuif, tôbéyee avéga tôsabéyee avéga, tômeetsô bateme gôékanda g’ôtô ôvo gô ngudi yaGédidi gévo, te géne SaNzambé. Na wa n’anyô muetso tôdônga gô ngudi yaGédidige géne.

I Corinthiens 14:11

One avovo n’ami g’ôgi edi, me géôkô angô tsabômu mbe te môgenda. Me dôta gôndé angô nandé te môgenda.

I Corinthiens 7:19

Ogeetuye, ôsageetuyee ésaba ébégô. Ene éndéké ébégô évôni te gôégobeda mitôma miaNzambé.

Galatie 2:20

Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Ephésiens 1:23

Mbumu éaNzambé te ôtô aChrist. Christ te ébandô na ékôdéô éatsinane nyetso. Na angô andéké gô mbumu éedi na eenanô va gatse ayangô.

Ephésiens 2:14

Te amuene Christ amavambéda Ajuif n’ane asaba Ajuif gôéba n’evambevo gôédigaa na gétabé. Va gatse Ajuif n’ane asaba Ajuif gôsiôkanéôkô ahngô gômabaka ga môgômba abôvingô. Ivô Jésus amaadeekeda ôtôe wedi ôgondoku gôéyôhu na amapanza môgômbee ône, na amavanbéda ahngô abaé.

Ephésiens 2:15

Jésus amanôtôa mige miaNzambé na mitôma miedi gôégésanganéda mongome mabaé mane. Amakoa mangô maka yene éongo éamanza éndé n’evamba n’amuene. Eongo éne éka na gétabé.

Ephésiens 3:17

Naduka angô mbe Christ adige gô mitéma mianyô vandé anye gébé na paga gôndé angô. Naduka dôta Nzambé mbe anye nôngaba ga géétété gémasuenea mitambamie na gô tsina mbe n’anye nôngasuenea gôésipa gô étondo éaNzambé. Namôduka mbe

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Ephésiens 6:8

Bangôani mbe môma na môma abéyee môvéga, asabéyee môvéga, tôngadiia gô mane mayanza wa n’anyô mamisôba manyôngéô Nzambé nyee ôngaviga Kumu Jésus.

Colosses 2:10

N’anye dôta vamavambanye évambevo na Christ, nômadiia te éetso éndé n’edi éaNzambé. Angô andé gô ngongo éamanyangame metso na ngudiye yetso.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

II Jean 1:9

One asadigaa gô meekédu maChrist akôndéga na mane maamuene, agésa na génôngô te ône asamenya Nzambé. One adigaa gô meekédume asabômu Téta Nzambé na Muanedi Jésus.