Colosses 3:10 - New Testament in Mitsogo

¹⁰ Nômamana ébongo wene ôtô na wene mônongo. Nôndé oma atsatsee nôgono na môvangine wanyô, Nzambé. Vootéa anye ékoga gandé amuene nôngootéa dôta émômenya.

Colosses 3:10 ပူးပေါင်းရင်းမြစ်များ

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Romains 13:12

Evitsi éapitsi éôta. Nyee ôgiia. Tôkinékéni mane mayanzô gô tsina evitsi. Tôaaténi ékeeyi éamigode gôégenya ébadi nyee ômaagiia.

Romains 13:14

Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.

Romains 6:4

Gô ngudi yabateme tômawa n’edi na tômagunyu n’edi gô ngii. Gamakunduga Christ gô ngudi dipôni yondômba okumaka aNzambé gôéba na monyo, na wa n’anyô dôta tôndé na wene monyo gô ngudiye yedi dine.

Romains 8:29

Gôébégô Nzambé amasevoa omedi v’ebandô. Na amavanga dôta v’ebandô mbe omee adua angagono na Muanedi. Vane Muanedi Jésus te kuuane apingô yanéyee.

II Corinthiens 3:18

Wa n’anyô muetso tôsaba gamabaka Moïse na gédimô gémapikô na môkanda. Tôndé na édimô éasô n’anyô éava vede étana n’obébayi ôtubéda ôndômba ôndé na Kumu. Na wa n’anyô tôndéké tômakoamani tôgono na amuene Kumu. Ondômbee n’obébayi wedi aNzambé ôndé n’asô n’anyô deo noo, madeo ôsigono n’one ôngaba n’asô n’anyô. Eetso éne te éyanza éaGédidi SaKumu gô mitéma miasô n’anyô.

II Corinthiens 4:16

T’ebandô tôsagogo. Buéyé mbe yôtô yasô ditsogedu na dibandôa ésega, ivô édidie éasô ékôndégu ngudi na monyo, énya n’enya.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

Galatie 3:27

Anye muetso nômeetsô bateme gôéba na vitoo na Jésus‐Christ nômakou wene mônongo. Na nômadeka mônongoe ôndé na amuene Jésus‐Christ, ôndéké amôsôba.

Galatie 6:15

Ogeetuyee, ôsageetuyee ésaba ébégô. Ene éndé ébégô évôni te gôékoga pepe wene mônongo amôma.

Ephésiens 2:10

Gôébégô tômavangô na Nzambé na tômakou gômatôvamba na Jésus‐Christ gômbe tôngaba na monyo ômadugani na mayanza mamisôba. Amuene amatôkônzéa mayanzame mane mbe tôngeenda mangô.

Ephésiens 2:15

Jésus amanôtôa mige miaNzambé na mitôma miedi gôégésanganéda mongome mabaé mane. Amakoa mangô maka yene éongo éamanza éndé n’evamba n’amuene. Eongo éne éka na gétabé.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

Colosses 3:14

Va ngongo ametso mane nyepedani mônongoe wanyô n’etondo gôébégô éangô te évamba ékata mitéma mianyô gôéba na vitoo épo.

Philémon 1:6

Me naduka Nzambé mbe évambee éndé wa n’anyô gôsatôtsuma Nzambé paga, éngatômenyeda pepe ôkitie ôndéké n’asô n’anyô. Okitie ône te gô tôndé monyovo na Christ, ône amasevou na Nzambé.

Hébreux 6:6

Buéyé gamabakahngô nane, anika te nikaga. Na oomba édigaa gô mane maô mambeego. Ti gôndé ahngô gôénika ékoa mitéma miaô na gôndé Nzambé géndégégé. Gôébégô andé gôéomba ébôkéda Jésus Muana ANzambé gô gésumu sowa, gôémôdetéda v’ekanga.

I Jean 2:3

Okô tôkenea mitôma na mige miaNzambé vane tôtubéda mbe tôsabômu Nzambé.

I Jean 2:5

Géé, gôndé ône akenea mane matôma Nzambé, angô te môma ootéa ényôngéô Nzambé na môtémedi wetso. Na vane tômenya mbe tôndé môvo na Nzambé.

Gétsutsuéô 21:5

One andé digaa gô gédigaa sokumaka amavovo mbe: Bandôa deo noo me neenda éôma éetso te éawene mônongo. Vane ôgie ômatôma me mbe: Tendaka nani. Gôébégô mavovia mami mandé mapie na moongôa môma eetsa môtémedi.