Colosses 2:8 - New Testament in Mitsogo

⁸ Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.

Colosses 2:8 ပူးပေါင်းရင်းမြစ်များ

Matthieu 10:17

Bakani n’ekena gôébégo oma anganôkeda na gô yeba yamisoso. Anganôbita na mibitô gô yeba yewanyéô.

Matthieu 16:6

Jésus amakeneda ahngô gô tsava mbe: Nôwema. Baani n’ekena gô levure éApharisien na gô levure éAsadducéen.

Matthieu 7:15

Wemai gôndé eekédi adiboe. Aviga na va gatse anyô ga mandombo, tambô gô mitéma miaô te ga nzego.

Mayanzame 17:18

Avo eekédi agô géômbé sEpicurien na géômbé sAstoïcien amavovo na Paul. Avo ameenda Paul mbe: ?One eetama ga ngubu gésikamé avovo vita ndé? Avo dôta ameenda mbe: We tôôkiô mbe gôndé nyene Nzambé évigi n’edi. Amavovo nane gôébégô Paul ameekéda mabégô maJésus na gamakunduganô g’ôwa.

Mayanzame 17:32

Vamookô omee ane Paul ateta ébégô éagékundugéô sowa, avo amamôdeta. Avo dôta ameenda mbe: Ongoomba énigôa we ébégôe éne nyene kuka.

Romains 16:17

Me Paul nanôkeneda mbe wemani gôndé ane anyôngéô étatôa anye. Ayungéda meekédume mamookô anye. Anyôngéô ébôméda anye nômeetsa Jésus mitémamie. Aaganani n’ahngô.

I Corinthiens 10:12

T’ebandô ône atsôkéa mbe: Natemi naka môtie gésimbédu, awemé kabaga anikea ékuéa.

I Corinthiens 8:9

Buéyé mbe nane tôweméni. Wa n’anyô tômakusédu g’ôvéga amatasa mambumba na môyakô ôaa wa n’anyô ôsangatôbongo g’ôvéga gôéba n’edi. Ivô tôweméni kabaga akasô madeo asisipa pepe gô mabégô maNzambé akuéa veenahngô we tôaa.

II Corinthiens 10:5

Na mayanza maô, oma asaa môgômba ôebakanéda môma gôémenya Nzambé. We tôndé gôépanzéda môgômbee ône gôékukua nzéane gôndé oma gôémenya Nzambé. Na ékeeyi éétsa Nzambé me, nagenya gôétsôpa matasame moma gôémakeda gôéneegeda Christ, gatsôpu môsi tsôgôô.

Galatie 1:14

Me namootéa pepe akasô Ajuif, asi éongo évo n’ami gô mane magô ésôga éAjuif. Namabaka gétômbiatômbia gô mane mamatsikéô we na tétee yasô.

Galatie 4:3

Na wa n’anyô tôndé te mônongovo. Vamabaka wa n’anyô tôgébaka ga muanéngé tômabaka te avéga éesôga ébévani éatsengene.

Galatie 4:9

Ivô ndéô nedué anye nôsabômu Nzambé. Béyé nane, éne éôtéa évôni te mbe ndéô nedué Nzambé asabômu anye. ?Ndéô nedué nôngoongôa énikéa égobeda ésôgee ébévani ésaba na ngudi nayee¿ Nônganika éengéa gôéba avéga nayee?

Galatie 5:15

Okô nôdigaa gadigaa nyama yagô pindi, nôbetana, nôbévanédana, wemani kabaga nôbunzana anyene n’anyene.

Ephésiens 2:2

Gô ndéô nene nômagésangana gô ésima na môdigédi asi tsengene. Nômagobeda ône atôma édidie ébévani éangudi éava tsina. One atômani ône, ayanza deo noo gô mitéma miane akékôa ôgi aNzambé.

Ephésiens 4:20

Géé anye nôsiékédu mabégô mane na Christ.

Ephésiens 5:6

Nôkenea kabaga môma anôbômédu na mavovia maô mabueme. Te gô mônongo oési ône ôngeenanô ôpisa aNzambé ôéséda ane asamôgobedani.

Philippiens 3:2

Aaganani n’eendi amabégô mabévani agono na inzua. Wemani omee ane abuta ébeta ôtô betaga. Tsangoongôa éénda mbe, geetaga.

Colosses 2:18

Nômbiasinga mbe nôétsô ôési na pati môma andé môtémedi gô ésôgee gôéneegeda asi g’ôba ayanzi aNzambé. Môma nône akanéga mbe asugéda amuene tambô anyôngéô ékumédu n’oma. Angô dôta eetsa môtémedi gô miôtô mienangô. Môma nône andé na nyemo éabobo gô mônongoe wedi ôtasangô atsengene.

Colosses 2:20

Gômeetsanye Christ mitéma mianyô mietso nôndé ti nômawa gô matasame na mônongoe atsengene na nôsaba g’ôtômue waô. ?Nôngoomba édigaa gadigaa oma agétômuku na mane matsengene nayee? ?Nôsinga oma anônikéa étsôpa g’ôvéga gôétômu na mige miatsengene nayee?

Colosses 2:22

Mige miaô miebakanéda mane mabunganani. Mige miaô na meekédu maô mamavaka te môma.

Colosses 2:23

Na gô pie, mangô meenanô na oma mbe mandé na tsoongo, na mawanya n’esôgee ényôngéô ahngô égobeda. Mangô makumédu mbe manyepa, te gôsugéda mangô môma mbe kabaga aba na nyemo. Na mangô makasôgéda ôtô amôma mbe aka ti pidi môma gô éne ééndi angô. Ivô mige na meekédume mane masaba na tsoongo va mbene aNzambé na masaba na ngudi yenôtôa manyima mabévani magô ôtô amôma.

I Timothée 6:20

Ah muanami Timothée, kenea n’ekenge éne émeetsô éwe na Nzambé. Ombiookô mavovia mavôni mapengana na mabégô maNzambé manganigôa asi géneenga gésaba sapie. Ane eenda mbe: Tôsabômu mabégô metso. Tambô.

II Timothée 3:13

Ivô oma abévani na abôki amangônzô angakea gésikamé gô mabégô mabévani. Abôméda akaô na angabôméda te n’anguene.

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.

Hébreux 3:12

Me, môtendine agésangôge egé, nanôevéda mbe: Wemani mitéma mianyô, anye ana aTéta agô mbumu éaNzambé. Kabaga mine mianyô dôta midenganô n’ebéva na paga gôénôtongéda gôdagôda na Nzambé, Kumu amonyo.

I Pierre 1:18

Anye nômoobou gôénôtôga gô môdigédi asagô agébé na tsoongo ômatsikéô anye na tétee yanyô. Nôsabômu mbe nômoobou na Nzambé kaka gô ngudi yadode na yadodo.

II Pierre 3:17

Anami amôtéma, anye nômani éevédu. Wemani anyene kabaga nôkudungana gô nzéa éoma abévani na kabaga mitéma mianyô minika ngima.

II Jean 1:8

Tambô wemani gôndé anyene kabaga nôdimbanéda éne ékusa gô mayanza manyô. Buedi mbe nôdiia misenda mianyô mietso.