Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Colosses 2:6 - New Testament in Mitsogo

6 Anye nômani ésinga Jésus‐Christ Kumu anyô. Tambô bakani na vitoo n’edi.

အခန်းကိုကြည့်ပါ။ ကော်ပီ




Colosses 2:6
22 ပူးပေါင်းရင်းမြစ်များ  

One asinga anye, asinga dôta na me. One asinga me asinga dôta na ône amatôma me.


Me nanôbeenda na gô pie mbe ône avamba na mômane amatômu na me, avamba te na me namamôtômani. One avamba na me, avamba dôta na môtômine wami.


Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.


Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.


Tôdigaa pitsi yetso mitéma miasô mindé gô éne éseenanôni ti eembe éenanô.


Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.


We tôndéké ana aNzambé na vitoo na Jésus‐Christ, te gôtôétsa Nzambé mitéma miasô n’anyô gémôtsumé paga.


Me Paul nandé môsi eba atsôgôô gôyanzéa me Kumu Jésus. Nanôtôma mbe kiakani mitie mônongovo gamanyôngéô Nzambé vamabambéa angô anye gôékea n’edi géômbé gévo gô nzéane yedi.


Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.


Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.


Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.


Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô.


Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.


One avovo mbe: Me te môvo na Nzambé, adigéké gamabaka Jésus.


Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.


Omami amôtéma namanyôngéô énôtendéa ébégôe éagéobogeoge gématôobou, wa n’anyô muetso. Ivô n’atsatsee nookô pepe tsôvé gôénôkasôgéda mitémamie na gésangô gegé mbe: Genyani ébadie gôéebakanéda mabégô mapie mameetsa Nzambé gôndé ane amamôétsa mitémamie gémôtsumé paga. Nzambé amatôétsa mane medi mapie kukepo na koo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ