Colosses 2:5 - New Testament in Mitsogo

⁵ Béyé mbe gandé me gôdagôda n’anye g’ôtô, nandé vavo n’anye gô môtémami. Môtémami ôndé na gényônga gôndé anye na vitoo gôésipa gômeetsanye Christ mitémamie gémôtsumé paga.

Colosses 2:5 ပူးပေါင်းရင်းမြစ်များ

Mayanzame 2:42

Ahmeeka na môvinéné mane mameekédu ahngô n’ane amasevouni na amatômukuni. Amadigaa na vitoo anguene ana aTétee agô mbumu éaNzambé na asivéé éaa tabudé épo. Ndéô yetso amadigaa vavo gôévovo na Nzambé.

Mayanzame 20:21

Namabambéa Ajuif na ane asaba Ajuif na mbeene éaNzambé mbe: Koani mitéma mianyô gôéba na wene mônongo. Géngôgani na gôndé Kumu Nzambé. Istani mitéma mianyô na gôndé Kumu Jésus-Christ gémôtsumé paga.

I Corinthiens 11:34

One ôôkô nzaa apangé éaa gô ebedi, kabaga nôkôva géesédéô saNzambé gô éne ééndanye gô géwanyéô. Gôndé na mene mabégô mangakônza me nandé va gatse anyô.

I Corinthiens 14:40

Gô mabégô mema metso tsôkéakani na mavôma gébé na môyungéda.

I Corinthiens 15:58

Ana aTéta n’ami amôtéma, t’ebandô me Paul nanôongô mbe oodoni gô mabégô mema kabaga nôsasipa. Bakani na géviôviô gôéyanzéa Kumu gôébégô éagékundugéô. Nôsabômu mbe éne éyanzanye pitsi yedi éndé anye na vitoo na Kumu Jésus, éndéké na tsoongo.

I Corinthiens 16:13

Bakani misiki. Sipani gôndé Nzambé, ône ameetsanye mitémamie gémôtsumé paga. Bakani na bôkédé. Oodoni gô mabégô manzéa éaNzambé.

Colosses 2:1

Nanyôngéô mbe nômenya gagenya me ébadi évôni gôndé anye na gôndé ane adigaa gô Laodicée na gôndé muetso ane madeo asiene ôsôe wami.

1 Thessaloniciens 2:17

Ana aTétee n’ami, bandôa gômatôaagana pesu andéô, tômaagana te gô yôtô kaka gô mitéma, me nookô anye tsôvé pepe. Me nakanéga gô minongo mietso gôéviga gôénôena.

1 Thessaloniciens 3:8

Tambô monyoe wami ôndé na tsoongo gôsipanye gô évambee éndéké n’anye na Kumu Jésus.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

Hébreux 6:19

Gandé môsi mbôngône n’etaé égunya angô gô mbéyi gôésipéda mbôngône, te gasipédu mitéma miasô n’anyô na divanga yaNzambé. Divanga yedi te étaé ésapupani, na ésakandanganani ésipéda wa n’anyô. Vavamba wa n’anyô na Nzambé gô géétséô samitéma tôéngédu n’edi na gô gégidaa saNzambé, te tsongo éadisambô éndé gô gatse ebedi.

I Pierre 5:9

Gôméani yabédé kabaga awesea na gôndé anye. Menyani mbe maguga meenanye te mane matubédu ana aTétee n’anyô gô tsengeye yetso.