Colosses 2:3 - New Testament in Mitsogo

³ Gôndé Christ gômasuégu ôkiti ôvôni agétangégegé na angô te éodo n’ebagé éviga gôndé Nzambé.

Colosses 2:3 ပူးပေါင်းရင်းမြစ်များ

Matthieu 10:26

Nônookô môma gomo. Eetso émasuéguni éngaba ématsutsuuni na éetso éav’esooe éngaba v’ekanga.

LUC TSANGO EAMOSOBA EMATENDA 11:49

T’ebandô Nzambé gô éodo éedi amavovo mbe: Nangatôma na gôndé oma apandôédi amatasa mami. Nangatôma dôta ane amasevôa me gôétsua tsangône éami. Avo angayôhu. Avo dôta angakuanô.

Romains 11:33

Me Paul nasôbasôbana gôébégô ôkitie ôndé na Nzambé ôndé ti ôvôni. Eodo éedi éôtéa émenya mabégô metso. ?One anganigôa matasa medi, indaa? ?One angamenya mane mavangangô indaa?

I Corinthiens 1:24

Géé gôndé muetso ane amabambéô na Nzambé, na Ajuif n’ane asaba Ajuif, Christ amenyeda ahngô ngudi yaNzambé na éodo éaNzambé.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

Ephésiens 1:8

Gô ngeba yedi yagékôdéé, atôétsa dôta ékena na éodo évôni gôémenya matasi medi.

Colosses 1:19

Gôébégô Nzambé amanyôngéô édigaa na éenanô gô ôtô aMuanedi.

Colosses 1:28

T’ebandô tônigôa oma muetso Tsangô éaChrist, ône amasevou na Nzambé. Tôevéda na tôéékéda môma na môma. Tôénda nane n’ekena éetso buta mbe tôtsigéda môma na môma va mbene aNzambé, kaka mbe andéké ana avembo gô mabégô maNzambé, ivô mbe andé môma amadômbéa gô vitoone éndé n’edi na Jésus‐Christ.

Colosses 1:9

T’ebandô tôsadunda évovo na Nzambé gôndé anye bandôa nyee ômookô we tsangône yanyô. We tôduka Nzambé mbe Gédidi sedi génôétsa éodo éetso na ébagé éetso gôénômenyeda pepe nzéane émakônzangô gôndé anye.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

Colosses 3:3

Gô mane matsengene nôndé nômawani. Monyoe wanyô ôndé ômakuégu n’one aChrist gétungu gévo gôndé Nzambé.

II Pierre 1:5

Butani gôéba môangovo na Nzambé. Vamapanga, nômeetsa Nzambé mitéma mianyô gémôtsumé paga. Vane gényôgani gôékôndéga éôdo éamôanga amôsôba.

Gétsutsuéô 2:17

Okô mbe anye nôndé na matô ôôkôni môma na môma mane mavovo Gédidi SaNzambé na anye asi mbumu éaNzambé. Angô mbe: Gôndé ane adiiani gô ébadi égenyuni nangeetsa ahngô môyakô ôviga g’ôba ôsamenya muetso. Nangeetsa ahngô dôta étaé éavembo ématendu ina éatsatsee ésamenya muene môma buétsé te kumue éangô.