Colosses 2:18 - New Testament in Mitsogo

¹⁸ Nômbiasinga mbe nôétsô ôési na pati môma andé môtémedi gô ésôgee gôéneegeda asi g’ôba ayanzi aNzambé. Môma nône akanéga mbe asugéda amuene tambô anyôngéô ékumédu n’oma. Angô dôta eetsa môtémedi gô miôtô mienangô. Môma nône andé na nyemo éabobo gô mônongoe wedi ôtasangô atsengene.

Colosses 2:18 ပူးပေါင်းရင်းမြစ်များ

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Romains 1:25

Oma apukanéda mane mapie maNzambé na mane madiboe. Ahneegeda éne émavangôni na émakanôni na akina éneegeda amuene Môvangi na Môkani andé ngu gôéneegedu môbo na môbô. Amen.

Romains 16:18

Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia.

I Corinthiens 13:4

Etondo étôdiia gôndé Nzambé étôétsa ngeba. Etondoe éne ényepa na ésamenya ngusu. Na dôta ésaba na nyemo na tsoki.

I Corinthiens 3:3

Endé te nane gôébégô anye nôgédigaaka gadigaa oma atsengene ahsavamba na Nzambé. Gô ngusune eendanye na gô masaganédame meendanye nôtubéda mbe, tôndé oma atsengene na tôénda mônongovo geenda oma muetso, ane ahsavamba na Nzambé. ?Ene te kuanakue‐a?

I Corinthiens 4:18

Avo va gatse anyô nônyemôga mbe: Tôsabutadô angô. Paul asavigeyee gôéena we.

I Corinthiens 4:6

Ana aTéta, metso manigôa me anye éva nakanéga te na Apollos na memuene Paul gômbe anye nôngookô. Nanyôngéô mbe gô midigédi miasô, anye nookô événdégéô éatsava étôgunya mbe: Digaakani gô môgômba ômasaaô na Matendeome. Nômbieenda gameenda anye gôébatéda môékédi môvo mbe, ôdôô te ône wami, na gôésugéda môvo mbe, ône kaka wami.

I Corinthiens 8:1

Tôtaséni ébégô éanyama dimadeekedu mbumba. Na gô pie nôvovo muetso mbe: Me tsabômu mangô. Ivô éodoe éne te éanyemôga. Tambô tôbaké na vitoo gô étondo. Te étondoe étôweseda gôémenya mabégô maNzambé na gétsumé paga gô mangô.

I Corinthiens 9:24

Anye nôsabômu mbe ane akea matséé akea muetso pita ivô kaka muetso angadiiani. Gôdiia te môvo. Tambô wa n’anyô tôyavôgéni évevea pita buta mbe tôbuéa.

II Corinthiens 11:3

Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo.

II Corinthiens 12:20

Me Paul nakebangana mbe kabaga tsanôdenga gaténdéda me. Na kabaga me dôta tsaba n’anyô gamaténdéda anye gôndé me. Mavooe kabaga nadenga dôta va gatse anyô masaganéda, na ngusu, na dipisa, na tatô, na matoki, na matsuavi, na dienza, na mabégô masagô.

Ephésiens 4:17

Oôkôni éne énôbeenda me gô ina aKumu Jésus. Me mbe nômbiadigaadô ga oma asamenya Nzambé. Mane manyôngéô omeaa masaba na tsoongo.

Ephésiens 5:6

Nôkenea kabaga môma anôbômédu na mavovia maô mabueme. Te gô mônongo oési ône ôngeenanô ôpisa aNzambé ôéséda ane asamôgobedani.

Philippiens 3:14

Te gakea me pita gôébuéa v’ekôdéô buta mbe nadiia g’ôba éne éamôsôba émakônzéô me na Nzambé ône amabambéa me gô ngudi yaJésus‐Christ.

Colosses 2:23

Na gô pie, mangô meenanô na oma mbe mandé na tsoongo, na mawanya n’esôgee ényôngéô ahngô égobeda. Mangô makumédu mbe manyepa, te gôsugéda mangô môma mbe kabaga aba na nyemo. Na mangô makasôgéda ôtô amôma mbe aka ti pidi môma gô éne ééndi angô. Ivô mige na meekédume mane masaba na tsoongo va mbene aNzambé na masaba na ngudi yenôtôa manyima mabévani magô ôtô amôma.

Colosses 2:4

Navovo n’anye nane te kabaga môma aviga gôébôméda anye na mavovia mabuembe.

Colosses 2:8

Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.

I Timothée 1:7

Anyôngéô émenyanganô mbe eekédi avôni amitôma miaNzambé, tambô, anguene asanigôgéô mane mavovo ahngô magénongo.

I Timothée 4:1

Gédidi SaNzambé gétôevéda na vede mbe: Gô ndéône éamôyusumédu gôngaba avo oma anganôtôga gô nzéane étôkeani éaJésus émeetsakangô mitémamie, angagobeda édidie ébôméda oma na anganyôngéô meekédume medidi ébévani.

II Pierre 2:14

Ngéngé yaô dindé mitie gôékea gésasô. Ahndé na vinavina gôéénda mabégô mabévani. Eekédi adiboe akubéda ane asoongôa ésipani. Mitéma miekédi adiboe mimeekaganô n’onzôô adiiaga. Ahngô ahndé gô tsina odoku aNzambé.

I Jean 2:26

Nanôtendéa mabégô mema te gôndé ane abuta ébôméda anye.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 13:14

Emabôméda asi tsinane n’etsutsuku émayanzangô g’ôtômu aGényamanyama géndé vangô. Ematôma asi tsinane gôépaka gégoni gôékuméda Gényamanyama. Na sangô, buéyé gamabétuku sangô na ébaga gésiwé.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.

Gétsutsuéô 3:11

Me tsangaamba éviga. Simbédakani vipesuvie viangudi vindé n’anyô, kabaga nôwatô n’oma môsendee wanyô ôngadiianye gô ébadie égenyuni.