Colosses 2:16 - New Testament in Mitsogo

¹⁶ T’ebandô nômbiasinga mbe môma anôétsa ôési gô mige na gô mitôma miambeego gô éne éaa anye na gô éne ényua anye, na gô suetiye ditsôkéa anye, na gô mane meendô gô nyee ôbuéa ngondene amategetege, na gô mane manyee edunda aAjuif.

Colosses 2:16 ပူးပေါင်းရင်းမြစ်များ

Matthieu 15:11

Kaka éne éengéa gô mônya amôma émôbévédani. Ivô te éne ékusa gô mônyedi émôbévédani.

Marc 7:19

Ene éaa môma ésasutuméa gô môtéma, ésutuméa te gô ébuyi, na ékusa g’ôtô edi na gôseenanô éangô. (Gô mavovia mema, Jésus amapandôa mbe môyakôe wetso te aakaga.)

Mayanzame 15:20

Tôtendeni ahngô gésangô mbe: Nômbiaa môyakô ôsigôgéni ômadeekedu gôndé mbumba. Nômbiakea gô minongo mietso miagésasô. Nômbiaa nzina yanyama. Nômbiaa nyama ésivôvé nzinaye.

Romains 14:10

?Ewe ndaa ôeséda muana aTétee n’oo? ?Ewe ndaa ôdeta muana aTétee n’oo? Wa n’anyô muetso tôngatandama va mbene aNzambé gôétsundédu n’edi.

Galatie 4:10

Nôôtéa égobeda te mivo minya, te dipo ngonde, te dipo ndéô, te mivo mipuma.

Colosses 2:20

Gômeetsanye Christ mitéma mianyô mietso nôndé ti nômawa gô matasame na mônongoe atsengene na nôsaba g’ôtômue waô. ?Nôngoomba édigaa gadigaa oma agétômuku na mane matsengene nayee? ?Nôsinga oma anônikéa étsôpa g’ôvéga gôétômu na mige miatsengene nayee?

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.

Hébreux 9:10

Gô évambee éambeego éne, gômadenganô mabégô mamiyakô na mane manyuôni, na mane meesôga gôégôgéda môma na pingô yamige na mitôma. Oma amanyepedu va mbene aNzambé gô gékeneo samabégôme mane ngu na ndéône émaviga Christ gôétôtubéda nyene nzéa.

Jacques 4:11

Ana aTéta agô mbumu éaNzambé nônatsuavana anyene n’anyene. One eeséda muana aTétee n’edi na atsuava angô, eeséda Matendeo MaNzambé na atsuava mangô. Menya mbe éwe ôtsuava Matendeome éwe ôsaba môneegedi amangô ivô éwe te môkékôyi amangô.