Colosses 2:13 - New Testament in Mitsogo

¹³ Va mbeego gôsikiné anye manyima mabévani mayôtôye yanyô na nôsimenye évamba na Nzambé mitéma mianyô mimabaka g’oma amawani. Géé deo noo, Nzambé amatôsingéa kokoo gô mabégô masô n’anyô mabévani metso. Na amakundua anye gôéba monyovo na Christ.

Colosses 2:13 ပူးပေါင်းရင်းမြစ်များ

LUC TSANGO EAMOSOBA EMATENDA 15:24

?Nôsamenya mbe muanami ôdôô abaki mônongovo ga môma amawani na aniki gôéba na monyo-a? Amadimbanaka na atsutsugi. Na amaba na môambô ôvôni agényônga.

LUC TSANGO EAMOSOBA EMATENDA 15:32

Ivô deo noo tôtsôkékéni na tôaakéni môambôe gôvigi môdimine woo ône. Môdimine woo ône abaki mônongovo ga môma amawani na aniki gôéba na monyo. Amadimbanaka na atsutsugi.

LUC TSANGO EAMOSOBA EMATENDA 9:60

Ivô Jésus amamônikéda mbe: Ane amawani agunyédéké kinde yaô anguene, ivô éwe, kiaka ikéda oma Mabégô Mokumu aNzambé.

Jean 5:21

Mônongovo gakundua Tétee ane amawani, na Muanee te mônongovo. Angô eetsa monyo gôndé ane anyôngéô angô éétsa.

Jean 6:63

Géne géétsa monyo te Gédidige SaNzambé. Otôe ôsaba na tsoongo. Mane mabeendi me anye maviga gôndé Gédidi SaNzambé na meetsa oma monyo.

Romains 4:17

Matendeo MaNzambé matônigôa te nane. Nzambé amavovo mbe: Gô ngudi yami, éwe Abraham te tétene oma ayekani. Abraham te tétasô va mbene aNzambé, ône ameetsangô môtémedi. Nzambé nene te éne ékundua ane amawani na atubéda éne ésienanôni mbe éenanô.

Romains 6:13

Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.

Romains 8:11

Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.

I Corinthiens 15:36

Anye ti asi éboki. Tôkanéga gatôgaaba môbie. Vagaabô môbie ôsangakanda éne édôngani ta môbie madeo ôsiboo gô tsina.

I Corinthiens 15:45

Endé te gatônigôu na Matendeo MaNzambé mbe: Mômane amapanga Adam, amavangô sôma gévégumani. Na Adamene amôyusumédu te Gédidi SaNzambé gétôétsa monyo.

II Corinthiens 3:6

Te Amuene Nzambé amatôkoa tôka ayanzi edi eevamba éamanza éawene mônongo évambéda Christ. Evambee éamanza éne ésasipa na mige mimatenduni, ivô ésipa na Gédidi SaNzambé. Mige mimatenduni mibuéda ôwa na gôndé oma. Gédidi SaNzambé géétsa oma monyo.

II Corinthiens 5:19

Endé te nane. Nzambé amayanza na Jésus‐Christ gôénikéa évambéda oma n’amuene géboné ébévee éasô n’anyô oma. Na amatôtôma tungu yetso gôénigôa tsangô éevamba émavangangô.

Ephésiens 2:1

Va mbeego édidi éanyô émabaka gô évitsi ti eembe émawa gôébégô adiési yanyô na ébévee éanyô.

Ephésiens 2:11

Me Paul navovo n’anye nôsibôtu gô éongo éAjuif. Te anye nôtetu n’Ajuif mbe: nôndé te ane asigeetuni, na anguene te ane amageetuni. Avovo nane te gô gémbégéa gékitsô gô yôtô yaô. Bangôani anyene éne émabakanye mbeego.

Ephésiens 5:14

Ene étsutsuu gô évitsi na gô gévede, ékoga éka éagévede. T’ebandô tôôkô mbe’ Timôgaka éwe ôebogani Kunduga va gatse ane amawani Amuene Christ angagôtanédéa gévede sedi.

Colosses 2:12

Endé te nane. Gô bateme émeenôô anye, nômagunyu ngii épo na Christ, na nômakunduu gékundugéô gévo n’edi. Endé nane gôébégô nôsitsumé ngudi yaNzambé paga, dine dimakundua Jésus g’ôwa.

I Timothée 5:6

Ivô ôkô môkué adigaa ganyôngéô ôtôe wedi, amani éwa buéyé mbe ôtôe ôgédôngaka.

I Timothée 6:13

Me Paul navovo n’ewe va mbene aNzambé, ône eetsa monyo gôndé éôma éetso évégumani, na va mbene aJésus‐Christ, ône amanigôa ômbangie wedi na mane mamavangana angô na Nzambé va mbene aPonce Pilate. Nagôtôma mbé:

Hébreux 6:1

Mabégô mamapanga mameekédu môma mokumu aNzambé tômanéni mangô gôéwesea na gô mavo. Tôtsôpéni mane magô mbene. Môsaayi eba asangoonôa édigaa g’ôbôga ôtévo. Na wa n’anyô te mônongovo. Tômani ésiga ôbôgee, angô te meekédume mamapanga. Na mangô te mbe môma asangoongôa ényepeda amuene gôékoa môtémedi gôéba wene mônongo. Na mbe môma eetsa Nzambé môtémedi wetso gétsumé angô paga.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

Jacques 2:17

Ebégôe te mônongovo na ône avovo mbe: Neetsi Nzambé môtémami wetso. Na ésima éedi ésatubéda nane. Gô mavovia matévo gôsaba tsoongo.

Jacques 2:20

?Ewe ôgétsumaka paga? ?Onyôngéô me nagôpandoéda‐a? Bonokoye. One eetsa Nzambé môtémedi gémôtsumé paga ivô asaba na ésima ényôngéô Nzambé, angô dôta asaba na tsoongo gôndé Nzambé.

Jacques 2:26

Te mônongovo gandé ôtô mbe ôsaba na modi ôsangadônga. Na môma eetsa Nzambé môtémedi ivô aseenda éne ényôngéô Nzambé, asadônga.

I Jean 2:12

Nanôtendéa anami anéngé gôénôbangôéda mbe ébévee éanyô émasingéô kokoo te gô éne émayanzéa Jésus‐Christ wa n’anyô.