Colosses 1:9 - New Testament in Mitsogo

⁹ T’ebandô tôsadunda évovo na Nzambé gôndé anye bandôa nyee ômookô we tsangône yanyô. We tôduka Nzambé mbe Gédidi sedi génôétsa éodo éetso na ébagé éetso gôénômenyeda pepe nzéane émakônzangô gôndé anye.

Colosses 1:9 ပူးပေါင်းရင်းမြစ်များ

Jean 7:17

One andé na môtéma ôgobeda Nzambé asatsapéô gô meekédume mami. Asabômu mbe ône asavovo gô ényangee éedi, avovo te gô ényangee éaNzambé.

Mayanzame 12:5

Emabaka te nane. Pierre amabaka digaa gô eba atsôgôô amakeneo na migodemie. Asi mbumu éaNzambé amavovo na Nzambé na pitsi n’omanda gôémôduka gôndé Pierre.

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

I Corinthiens 1:5

Endé te nane. Gômagésangananye môtémovo na Christ ône amasevou na Nzambé, anye nômadugédu na Nzambé migôômie mietso. Nômootéa ékôndégu te mine miesupua ébégô mbe môma angayavôga éôkô.

Ephésiens 1:8

Gô ngeba yedi yagékôdéé, atôétsa dôta ékena na éodo évôni gôémenya matasi medi.

Ephésiens 5:10

Tôtônegede éne éamôsôba gôésevoa mane manyôngéô Kumu Jésus.

Ephésiens 5:17

Nônaba n’odungé ivô gémbôgani gôémenya éne ényôngéô Kumu Jésus mbe nôénda éangô.

Ephésiens 6:6

Kumu abéyee, asabéyee, yanzani ti eembe andé vangô gôénôbono. Vane nôngadugéda na môtéma ômasumani éne enyôngéô Nzambé ti eembe nôndé avéga aChrist.

Philippiens 1:4

Kuka yetso diteta me miname manyô g’ôsambô, namateta te na gényônga.

Colosses 1:6

Tsangô Eamôsôba étsanzabana gô tsengeye yetso yava tsina. Ebuéda oma mabégô medi mamisôba gamabuéda yangô mangô na gôndé anye. Mabégôme mane mamisôba mandéké n’anye bandôa gô nyee ômapanganye éôkô mbe: Nzambé eena môma te ngeba. Na vane nômabandôa émenya na gô pie gakegea ngebaye dine.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

Colosses 4:12

Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

Colosses 4:5

Digaakani na deede n’ekena va gatse ane madeo asineegeda Jésus‐Christ. Kuka yetso didenganô anye vavo n’ahngô, nômbiasinga ndéône éôta anye gévové éne éndé na tsoongo.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

1 Thessaloniciens 5:17

Vovoni na Nzambé gédundé.

II Thessaloniciens 1:11

T’ebandô tôsatsika évovo na Nzambé gôndé anye. Tômôduka mbe anônyepeda pepe gôéba kuanakue gô monyoe ômasevoangô anye mbe nôdigaa ganyôngéô angô. Tômôduka mbe go ngudi yedi anganôdugédéa mane masema anye tsémo yamisôba. Na mbe gô ngudi yedi angatsimaméda mane mayanzanye nôndé gôégobeda mane mameetsanye mitéma.

Philémon 1:4

Philémon, éwe te muana aTétee n’ami agô mbumu éaNzambé. Kuku yetso vavovo me na Nzambé, tseeba ékuméda Nzambé gôndé éwe.

Philémon 1:6

Me naduka Nzambé mbe évambee éndé wa n’anyô gôsatôtsuma Nzambé paga, éngatômenyeda pepe ôkitie ôndéké n’asô n’anyô. Okitie ône te gô tôndé monyovo na Christ, ône amasevou na Nzambé.

Hébreux 10:36

Buedi mbe nôyanza na mavôma mane manyôngéô Nzambé. Vane nôngadiia éne émavanga angô gôndé anye.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

Jacques 1:5

Kôndi nane, ône asaba n’eodo aduké Nzambé éangô. Na Nzambé angamôétsa éangô. Gôébégô Nzambé eetsa na géneega gébé na misésu.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

I Pierre 2:15

Nzambé anyôngéô mbe éne épatéô anye, tônani éangô n’esima éanyô éamisôba.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

I Jean 2:17

Tsengene éôta te ôtaga. Na metso matsengene manyôngéô môma moota te ôtaga. Ivô ône eenda mane manyôngéô Nzambé andé na monyo agékôdéé.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.