Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Colosses 1:6 - New Testament in Mitsogo

6 Tsangô Eamôsôba étsanzabana gô tsengeye yetso yava tsina. Ebuéda oma mabégô medi mamisôba gamabuéda yangô mangô na gôndé anye. Mabégôme mane mamisôba mandéké n’anye bandôa gô nyee ômapanganye éôkô mbe: Nzambé eena môma te ngeba. Na vane nômabandôa émenya na gô pie gakegea ngebaye dine.

အခန်းကိုကြည့်ပါ။ ကော်ပီ




Colosses 1:6
36 ပူးပေါင်းရင်းမြစ်များ  

Tsangô Eamôsôba éenyanga éndé n’ami éngeekédu gô tsengeye yetso yava tsina gômbe oma muetso angookô gamatômu me na Nzambé na gô tsina. Vane te vangaba ékôdéô éatsengene.


Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.


Jésus amatôma aneengie mbe: Kiakani na gô tsengeye yetso. Ikédakani Tsangô Eami Eamôsôba gô mongome metso.


Mivo mibie mimaaga gô toto éamôsôba. Mimakanda na mimoongôga. Mimabôta, gévo géétété te nzima ditatô. Gévo te nzima môtôba. Gévo dôta kama na kama.


Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.


Me naadeekeda memuene na gôndé éwe, te gôndé ahngô, gômbe ahngô dôta angaadeekeda anguene na gôndé éwe, Kumu amabégô mapie.


Gô ndéône évigani, na yangô émani éviga, Gédidi SaNzambé géétsa oma ngudi yeneegeda Nzambé, ône aseenanôni, angô kumune amabégô mapie. Nzambé anyôngéô aneegedie apie amôneegeda nane, pati tungu.


Asi mbumu éaNzambé gô Jérusalem amasuméda mitémamie vamookô ahngô tsangô nene. Amakuméda Nzambé mbe: Tambô na gô pie, Nzambé asabômu ane asibôtu gô éongo éAjuif. Eetsa ahngô ndéô gôékoa mitéma miaô na gôédiia monyo apie.


Ogi aNzambé ômatsanzabana gô mbene na gô mbene.


Va gatse aô tômadenga môgeto môvo inedi Lydie. Angô te môsi mbôka ééndô mbe Thyatire. Na angô te môyôkô amikanda miatsoo miosunu ôvôni. Amaneegedaka Kumu Nzambé. Amookô mane mamavovo we eekédie. Gédidi SaNzambé gémamôkukua môtémee gôévotanganô mane mamavovo Paul.


Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.


Ana aTéta agô mbumu éaNzambé, nanyôngéô mbe nômenya édué. Kuka diyekani namavanga môtôô na gôndé anye. Ivô ngu na deo noo tsiôngôé étimôga. Nanyôngéô mbe éyanzee yami va gatse anyô éba na tsoongo gandé éangô na tsoongo gô mavo mongo gô dipo tsenge.


Amayanza na me gôétubéda émbégéa éangudi yedi, na gô mabégô manyônganéôni masoongôa môma ésupua, na gô ngudi yaGédidi SaNzambé. Te gameekéda me Tsangô Eamôsôba éaJésus-Christ, bandôa gô Jérusalem na nzéaye yetso dine ngu na gô tsenge éaIllyrie.


Vangagôga éyanzee éami gôéétsa asi Jérusalem dodeye dine, nangoota gôndé anye gôébuéa na gô Espagne.


Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.


G’ôkanee enyangee émeetsô me na Nzambé, nandé n’otômu gôndé anye gôébégô te me namatsuéa anye Tsangô Eamôsôba éaJésus‐Christ.


T’ebandô we eekédi tôyanza évévé éyanzevo na Nzambé, tônôtôma mbe: Nômbiasinga édimbanéda ngeba dimeenanô anye na Nzambé.


Nômani éôkô gameetsô me na Nzambé gésooge gôénôyanzéa.


Nômookô ina éedi étetu. Nômeekédu mane mapie maJésus.


Buedi mbe nôkou ti pepe nôka wene mônongo gô mitéma mianyô na gô édidie éanyô.


Va tungune éndé gévede veenanô ésima éetso éamisôba, n’etsimama, na mabégô metso mapie.


Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.


Kaka mbe nabuta éetsô éôma ôbiia. Ivô nanyôngéô mbe anye nôséngu na Nzambé ôséngu veetsanye gébé na ninga.


Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.


Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.


Gôébégô tômani énôéékéda Tsangô Eamôsoba éaJésus‐Christ. Nôsiikédu mangô gô mavovia matévo mookanôni. Mameekédu te na ényangee éenanôni. Enyangee te ngudi yaGédidi SaNzambé dimasumani. Na Mabégô MaPie mameekédu gébé na buétsé gôndé anye. Anye nôsabômu gamadigaa we va gatse anye gôénônyepeda.


Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.


Ana aTétee asi mbumu éaNzambé tôkuméda Nzambé gôndé anye gédundé gôébégô nôndé anedi amôtéma. Nzambé amasevoa anye mbe nôngaba ane angapanga édiia géobogeo gô ngudi yaGédidi sedi. Te sangô génôvambéda môvo na Nzambé gômaagana anye na mane matsengene. Nôgédiia dôta gômeetsanye mitémamie gô Mabégô MaPie gémôtsumé paga.


Oô te me Pierre na Silas, muana aTétee amavôma andé n’ami. Awedéa me gôénôtendéa vipesu viagésangô. Gésangôge egé te gôésipéda anye na gôénônigôéa mbe na gô pie ngeba yaNzambé dimavamba n’anye dindé yapie. Sipani gô mabégô mema.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ