Colosses 1:4 - New Testament in Mitsogo

⁴ Endé te nane gôébégô we tômookô tsangô éanyô. Tômookô gameetsanye Jésus‐Christ mitémamie mianyô gémôtsumé paga. Na tômookô gandéké anye na vitoo n’asi mbumu éaNzambé muetso.

Colosses 1:4 ပူးပေါင်းရင်းမြစ်များ

II Corinthiens 7:7

Gévigéô sedi gémakasôgéda we. Na dôta tsangône éanyô asi Corinthe émakenea anye Tite émasuméda we mitéma. Amanigôa we mbe: Asi Corinthe anyima éwe, Paul. Anyôngéô éena éwe. Asi Corinthe ageesiô vamookô ahngô tsangône éapanda dimeena éwe, Paul. Gô tsangône émaviga na Tite, môtémami ômayôa na gényônga.

Galatie 3:26

We tôndéké ana aNzambé na vitoo na Jésus‐Christ, te gôtôétsa Nzambé mitéma miasô n’anyô gémôtsumé paga.

Galatie 3:28

Tambô gôsabadô ôkabô va gatse Ajuif n’ane ahsaba Ajuif, va gatse avéga n’ane asaba avéga, va gatse amôgôô n’ageto. Muetso tôndé môvo na vitoo na Jésus‐Christ.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Ephésiens 1:15

Me Paul nootéa évovo na Nzambé gô mabégô mabaé. Ene éamapanga te metso mane mamayanzéa Nzambé wa n’anyô. Ene éamôbaé te gômookô me kumane yanyô gameetsanye Kumu Jésus mitéma mianyô gébé na paga na gandé anye na vitoo n’asi mbumu éaNzambé muetso.

Ephésiens 6:18

Aatani ékeeyi éetso éne, nôndé gôéduka Nzambé g’ôsambô mbe anôwedéa. Vovoni na Nzambé ndéô yetso gangatévédu anye na Gédidi sedi. Bakani misiki gôésambéda gédundé. Vovoni dôta na Nzambé gôndé asi mbumu éedi muetso.

Colosses 1:9

T’ebandô tôsadunda évovo na Nzambé gôndé anye bandôa nyee ômookô we tsangône yanyô. We tôduka Nzambé mbe Gédidi sedi génôétsa éodo éetso na ébagé éetso gôénômenyeda pepe nzéane émakônzangô gôndé anye.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

1 Thessaloniciens 3:6

Timothée, ône abaki gôndé anye atsigi gôndé me n’atsatsee. Amanigôa we tsangône yanyô éagényônga gasipanye gô nzéa éaJésus émeetsanye mitémamie, na gandé anye na vitoo. Amanigôa me mbe anye nôseeba me ta na pesu. Timothée angô mbe: Mônongovo gaténdédewe asi Thessalonique na tsôvé mbe nôomba éenana, te n’ahngô agôténdéda te mônongovo, mbe nôomba éenana.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

Philémon 1:5

Me namookô kumane ékumédu éwe. Namookô gandé éwe môtémoo wetso gôndé Kumu Jésus gémôtsumé paga. Namookô gandé éwe na vitoo na asi mbumu éaNzambé muetso.

Hébreux 6:10

Nzambé asoongôa épenganéda tsembô yedi na ôséngu edi. Andé n’oséngu gô éne éyanzanye, na gô ényônganéô éndé n’anye gôéwedéa asi mbumu éedi gô inedi ngu na deo noo.

I Jean 3:14

Gôndé wa n’anyô tômanôtôga g’ôwa gôéengéa gô monyo tônyôngéô ana aTéta agô mbumu éaNzambé n’etondo éapie. Géne te gémbégéa samonyoe ôndéké n’asô n’anyô. One asanyôngéô muana aTétee n’edi agébaka g’ôwa.

I Jean 3:23

Oôkôni éne étôma angô wa n’anyô. Nzambé angô mbe: Ombiasôôa ina aMuanami Jésus‐Christ. Christ dôta amatôma wa n’anyô mbe: Nyônganéôni anyene n’anyene.

I Jean 4:16

Na wa n’anyô tôsabômu étondo éndé na Nzambé gôndé wa n’anyô tôsatsuma étondoe éedi paga. Nzambé te Kumu éetondo. One adigaa gô étondo éedi andé môvo na Nzambé, na Nzambé andé môvo n’edi.