Colosses 1:29 - New Testament in Mitsogo

²⁹ Gôémangôa éyanzee éne, nagényôga ti na ngudi yetso dipôni diitsô me na Christ na diduméda gôndé me.

Colosses 1:29 ပူးပေါင်းရင်းမြစ်များ

LUC TSANGO EAMOSOBA EMATENDA 13:24

Gényôgani gôéengéa g’ômbee ôgeôge. Menyani na gô pie mbe ayekani anganyôngéô éengéa gô angô ivô asangoongôa.

Romains 15:20

Veekéda me Tsangô Eamôsôba, éne ényôngéô me ti ndi gôékea na gô tunguye madeo disiôkanô Tsangô éaChrist. Me nakina ésaa eba gô ngongo oobôga ômasiga muene môma.

Romains 15:30

Oôkôni éne énôduka me ana aTétee agô mbumu éaNzambé. Gô ina aKumu asô n’anyô Jésus-Christ, na gô étondo ématôétsô na Gédidi SaNzambé, wedéani me gô ébadi étôgenyani. Ebadie te gôévovo na Nzambé gôndé me.

I Corinthiens 12:11

Migôômie mietso mine miétsô te na Gédidi gévo te géne SaNzambé. Gékaba miangô ôvo ôvo géenza, ganyôngéô amuene Gédidi.

I Corinthiens 12:6

Na gôndéké ésima éyékani éamisôba ébumba Nzambé gô môtéma amôma, na Nzambéne éne te épo.

I Corinthiens 15:10

Veenanye me deo noo, me nandé nane te gô mate meetsô me na Nzambé. Mate medi mamayanza gôndé me na ngudi dipôni. Eenakani, éne éyanzéa me Nzambé éôtéa n’ene éyanza akasô muetso. Ivô kaka me, te mateme maNzambé mane.

II Corinthiens 11:23

?Ahngô te ayanzi aNzambé‐a? Oôkôni édué, navovo ga môma amadinga g’ôtsôga. Me nootéa ahngô gôéyanzéa Nzambé. Namootéa éyanza n’ahngô asiyanzé. Kuka yetso namabaka gô eba atsôgôô gôékéda me mabégô maNzambé, n’ahngô asiengé. Namabômôu kuka yetso, n’ahngô asibômôu. Kuka diyekani namavétsu n’owa, n’ahngô asivétsu n’owa.

II Corinthiens 13:3

Anye nôndé na paga mbe mane mavovo me kaka ôgi aJésus‐Christ, ivô nôngeena mbe na gô pie te ôgie wedi. ?Anye nômenya mbe Christ asaba na ngudi gôndé anye‐a? Christ kaka vipôpéa gôndé anye. Amani énôtubéda ngudiye yedi.

II Corinthiens 5:9

Tônôtôgéyee, tôsanôtôgéyee gô yôtô yedi, tônyôngéô éénda éne ényôngéô amuene Kumu Jésus.

II Corinthiens 6:5

Tômabitô na mibitô na tômeengédu na gô eba atsôgôô. Oma amatuba n’asô misoso miagébé n’ebandô. Tômayanzédu tsôgôô we gébé n’oési. Oma asienede we éso avio, na asiitsé we môyakô amookedu we nzaa.

Ephésiens 1:19

Na mbe nôngeena ngudi yedi dimootéani disaba n’okana dindéké deo noo gôndé wa n’anyô tôsatsuma angô paga. Ngudiye yaNzambé dine,

Ephésiens 3:20

Ondômbee wetso ôbaké gôndé Nzambé. Gô ngudi yedi dipôni diyanza gô mitéma miasô n’anyô, angô eenda éne étônyôngéôni, na étôvakani na étôdukani. Na akôndéga na éene ésatômenya édukani.

Ephésiens 3:7

Me Paul namakou, naka môtsuayi aTsangô Eamôsôba gô ngeba yaNzambé. Nameetsô n’edi gésooge géne gôéyanza gô ngudi yedi.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Philippiens 1:30

Deo noo nôndé gôégenya ébadi évo n’ami te éne éagékuanô. Ebadie te éne émagenya me na mbeego na égenya me deo noo gasabômu anye.

Philippiens 2:13

Menyani mbe Nzambé asatsika éyanza gô mitéma mianyô. Ayanza mbe nôôkô tsôvé gôémôgobeda. Na ayanza mbe nôndéké na ngudi gôékea gô nzéane émakônzangô gôndé anye.

Philippiens 2:16

Nôtana te vatsuéanye asi tsengene Tsangô éamonyo apie. Okô nôéndi nane, nanganyemôga na gényônga gôndé anye gô nyaa ôngaviga Jésus‐Christ. Na vane nangamenya mbe gô tsaéne ékea me pita pitsi yedi tsikea bobo. Eyanzee éami éndé na tsoongo.

Colosses 2:1

Nanyôngéô mbe nômenya gagenya me ébadi évôni gôndé anye na gôndé ane adigaa gô Laodicée na gôndé muetso ane madeo asiene ôsôe wami.

Colosses 2:12

Endé te nane. Gô bateme émeenôô anye, nômagunyu ngii épo na Christ, na nômakunduu gékundugéô gévo n’edi. Endé nane gôébégô nôsitsumé ngudi yaNzambé paga, dine dimakundua Jésus g’ôwa.

Colosses 4:12

Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

1 Thessaloniciens 2:9

Ana aTéta, nôsoongôa ééba gamayanza we ti v’ekôdéô éegogo évôni. Tômayanza na pitsi n’omanda kabaga we tôba ga égumba gôékeneo n’anyô gô ndéône émabaka we gôénôékéda Tsangô Eamôsoba émeetsô we na Nzambé.

II Thessaloniciens 3:8

We tôsibone miso masô gôndé môma mbe abôngôa we géenza, ivô tômagogo n’eyanza gôédiia éne édôngéda ôtô. Tômayanza na pitsi n’omanda buta mbe tôsaba ga égumba éngadagéô anye.

II Timothée 2:10

T’ebandô nasinga maguga mema gôndé avo oma, buta mbe ane amasevou na Nzambé angeengéa gô géobogeo géndé gôndé Jésus‐Christ. Na angeengéa dôta g’ôndômbee ôsakôdéakani ag’ôba.

Hébreux 12:4

Gôébégô anye, gô ébadi égenyanye na mane mabévani, madeo nôsiyôhu na mangô gamayôhu angô.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

Gétsutsuéô 2:3

Anye nôndé n’obibô gôéenea mane mangavigani. Gô mabégô mami nômeena maguga na nômasipa.