Colosses 1:28 - New Testament in Mitsogo

²⁸ T’ebandô tônigôa oma muetso Tsangô éaChrist, ône amasevou na Nzambé. Tôevéda na tôéékéda môma na môma. Tôénda nane n’ekena éetso buta mbe tôtsigéda môma na môma va mbene aNzambé, kaka mbe andéké ana avembo gô mabégô maNzambé, ivô mbe andé môma amadômbéa gô vitoone éndé n’edi na Jésus‐Christ.

Colosses 1:28 ပူးပေါင်းရင်းမြစ်များ

Matthieu 28:20

Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

Matthieu 3:7

Vameena Jean pingô yApharisien na yAsadducéen ahviga gôébatésu, amavovo n’ahngô mbe: Anye nôgono na mbigé. ?Nômenya mbe nôngabusuga ôpisa aNzambé ôvigani‐a? ?Nôékédu nane na ndaa?

Matthieu 5:48

Tétanyô ône andé g’ôba andé ti gébé n’oési gô mabégô metso. Tambô bakani gandé angô.

Marc 6:34

Vamasutuméa Jésus gô mbôngône ameena géômbége géndé na ndaanda. Jésus ameena ahngô ngeba. Ameena ahngô ga mandombo masaba na môkeneyi. Na ameekéda ahngô mabégô mayekani.

LUC TSANGO EAMOSOBA EMATENDA 21:15

Menyani mbe memuene nanganôétsa éodo évôni na mavovia mangudi. Vane buéyé n’adudeoe wanyô asangamenya ékitsanganéa anye na asangoongôa ésiia.

Mayanzame 10:36

Anye nôsabômu ôgi ômakudéga Nzambé na gôndé oma aIsraël. Amakudégéa ahngô Tsangô Eamôsôba mbe môma oongôa évamba na Nzambé na gétabé gô ngudi yaJésus-Christ, ône andé Kumune oma muetso.

Mayanzame 11:20

Buéyé nane, avo ane ameetsa Jésus mitémamie amatimôga gô Chypre na gô Cyréne gôékea na gô Antioche. Gône ameekéda buéyé n’ane ahsaba gô éongo éAjuif. Amanigôa ahngô Tsangô Eamôsoba éaKumu Jésus.

Mayanzame 13:38

Amôgôô, ana a Tétee n’ami, vootanganôni édué. Te gô ngudi yaJésus ône amakunduu na Nzambé g’ôwa mbe môma asingéô kokoo gô ébévee éedi. We tônonigôa te nane. Te gô ngudi yedi mbe muetso ane amôétsa mitémamie gébé na paga akusédu g’ôvéga ôtsôpu angô na mabégô maô mabévani. Mige na mitôma mimatsikéô wa n’anyô na Moïse misibé na ngudi gôétôkuséda g’ôvégee ône.

Mayanzame 17:18

Avo eekédi agô géômbé sEpicurien na géômbé sAstoïcien amavovo na Paul. Avo ameenda Paul mbe: ?One eetama ga ngubu gésikamé avovo vita ndé? Avo dôta ameenda mbe: We tôôkiô mbe gôndé nyene Nzambé évigi n’edi. Amavovo nane gôébégô Paul ameekéda mabégô maJésus na gamakunduganô g’ôwa.

Mayanzame 17:3

Amapandôéda akedi na vede mbe, Matendeo MaNzambé matônigôa mbe Christ, ône amasevou na Nzambé angeena maguga na angakunduu g’ôwa gôéba na monyo. Na amoomba mbe: Jésus ône anônigôa me, te angô Christ amasevou na Nzambé.

Mayanzame 20:31

Bakani n’ekena. Menyani mbe me gô mipuma mitatô na pitsi n’omanda me tsidunda énôévéda môma na môma. Nameevéda na namadéa na keba te gôndé anye.

Mayanzame 3:20

Vane Amuene Kumu angavigéda ndéô éagévôgiméô. Na anganôkudéga ône amasevoangô na mbeego, ône atetu mbe Jésus-Christ.

Mayanzame 5:42

Pitsi yetso amadenganô gô eba aNzambé na gô yeba yoma, éékéda gédundé. Amanigôa Tsangô Eamôsôba éaJésus-Christ, ône amasevou na Nzambé.

Mayanzame 8:35

Vane Philippe amabandôa énigôa Tsangône Eamôsôba éaJésus. Amabandôa na mane mamatanga môsi Ethiopie.

Mayanzame 8:5

Philippe amakea gô môsenge ôndé gô tsenge ééndô mbe Samarie. Amanigôa asi môsenge ône Tsangô éaChrist, ône amasevou na Nzambé.

Mayanzame 9:20

Asidingé éengéa na gô yeba yewanyéô gôéékéda mbe: Jésus te Muana ANzambé.

Romains 16:25

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego.

I Corinthiens 1:23

Géé wa n’anyô tônigôa mbe: Christ amakomedu va gésumu sowa. Tsangô nene te éatsoyi ékuéséda Ajuif na te tsangô éatsôga gôndé ane asaba gô éongo éAjuif.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

I Corinthiens 12:8

Gédidi SaNzambé géétsa môma môvo môgôô eodo éenigôa ébégô ga te amuene Nzambé anigôa éangô. Na môvo eetsô môgôô eesupua ébégô mbe môma angayavôga éôkô. Migôômie te mibaé ivô Gédidige gémeetsani te gévo.

I Corinthiens 15:12

We tôékéda mbe: Jésus amakunduga g’ôwa. ?Tambô avo va gatse anyô nayee nôvovo mbe, ane amawani asangakunduga g’ôwa‐a?

I Corinthiens 2:15

Okô mbe môma andé na Gédidi SaNzambé gô môtémedi te angô amenya ésevoa mabégôme mbe éma mandé mapie, na éma masaba mapie. Vane gôsaba môma angamôeesédani.

I Corinthiens 2:6

Buéyé vane me Paul tsabômu éékéda mabégô maditani n’eodo évôni gôndé oma aChrist amoodo gô mabégô maNzambé. Ivô éodoe éne kaka éatsengene, kaka dôta éne éaditômuye dindéké gô tsinane nyetso na kookone yaô dingakea gôébungana.

I Corinthiens 4:14

Nanôtendéa mabégô mema kaka mbe nabuta étubéda anye tsoyi. Ivô nabuta énôongô ndongi nôndé anami amôtéma.

II Corinthiens 10:14

G’ôkanee enyangee émeetsô me na Nzambé, nandé n’otômu gôndé anye gôébégô te me namatsuéa anye Tsangô Eamôsôba éaJésus‐Christ.

II Corinthiens 11:2

Me nakenea anye gakeneo tômbô ématetedu gô yômba, na ésangabongu na muene. Môkeneyi edi ookô mangongo vabonu angô na muene mômôgôô. Te gookô me mangongo gôndé anye. Na mangongome mangô maviga te gôndé Nzambé. Me nakenea anye ngu na vangaviga mômé anyô Jésus‐Christ gôénôbongo.

II Corinthiens 4:5

We tôsanôékéda tsangô éawéene. Tônôékéda mbe Jésus te Kumu. Gôndé we tôndéké ayanzie anyô gô ina aJésus‐Christ.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

Ephésiens 5:27

Vane gô miso medi mbumune yedi éndéké n’ondômba ôvôni, n’etsimama na gébé n’oési. Egono na môkanda ôsaba n’etodi, na ôsaba na minyunya, na ôsaba na patie yeebéva.

Colosses 1:22

Ivô deo noo, gô ôgondoku ômayôhu ôtô aMuanedi Jésus, Nzambé amanikéa énôvambéda na amuene. Ameenda nane gômbe nôngeenanô n’edi ti eembe nôsaba n’oési, na nôndé n’etsimama nômagôgéani.

Colosses 2:10

N’anye dôta vamavambanye évambevo na Christ, nômadiia te éetso éndé n’edi éaNzambé. Angô andé gô ngongo éamanyangame metso na ngudiye yetso.

Colosses 2:3

Gôndé Christ gômasuégu ôkiti ôvôni agétangégegé na angô te éodo n’ebagé éviga gôndé Nzambé.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

Colosses 4:12

Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

1 Thessaloniciens 4:6

Gô mabégô mema Nzambé asanyôngéô mbe môma abévéda muana aTétee n’edi gôébongo éne ésaba éedi. Tômani énôbeenda na tômani énôevéda mbe, Kumu Nzambé angeeséda ane eenda mônongoe ebéva ône.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

I Timothée 3:2

One eetsô ényanga gôétôma gô mbumu éaNzambé, buedi mbe abaké môma agébé n’oési ta n’ovo. Buedi mbe abaké mômôgôô amôgeto môvo. Na amenye étôma ôtôe wedi, na abaké n’ekena na égoba. Amenye ékenea agenda. Na asabômu éékédani.

Hébreux 10:14

Vane tôena mbe gô ngudi yogondoku ôvo, Christ amatsimaméda va mbene aNzambé môbô na môbô ane amagôgédu ébévee éamitéma miaô, ti eembe asaba n’oési.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

II Pierre 3:15

Menyani mbe vadinga Kumu asô n’anyô éviga te mbe muetso tôdiia géobogeo. Te gamatenda muana aTétee n’asô n’anyô Paul gô éodo émeetsô angô na Nzambé.