Colosses 1:27 - New Testament in Mitsogo

²⁷ Gôndé omedi Nzambé amanyôngéô éamenyeda étasee éedi éndé évôni na éôtéa n’okitie wetso na ôndômbee wetso. Amakônza éangô gôndé mongo metso mava tsina. Nôéni éne ésinigôganéôkôni na mbeego te éangô édué. Amuene Jésus‐Christ andéké gô mitéma mianyô na anônôtôa buétsé éndé n’anyô mbe nôsangadôtsuma paga gô mabégô mondômba aNzambé ôténdédanye.

Colosses 1:27 ပူးပေါင်းရင်းမြစ်များ

Matthieu 13:11

Jésus amaabéa angô mbe: Mabégo masanigôgéô muetso mokumu aNzambé mameetsô te anye. Ivô adua asiitsô mangô.

LUC TSANGO EAMOSOBA EMATENDA 17:21

Môma asangavovo mbe: Bonoko, ôkumu aNzambé ôtsigi gô tungu asimbe na bôkaye. Vo, nôeni ôkumu aNzambé angôô. Menyani mbe ôkumu aNzambé ômani étsiga va gatse anyô.

Jean 14:17

Asi tsengene asangagédiia gôébégô asaba na ngudi yegéena na asangoongôa égémenya. Géé anye, nôngagémenya gôébégô sangô, Gédidi gétsutsuéda mabégô mapie géngaba n’anyô na géngadigaa gô mitéma mianyô.

Jean 14:20

Gô nyaa ôvigani ône, anye nônganigôgéô mbe me Jésus nandé gôndé Téta. Na anye nôndé gôndé me. Me dôta nandé gôndé anye.

Jean 14:23

Jésus amanigôa mbe: Okô môma anyôngéyiô me angagobeda éne évovo me. Téta angamônyôngéô. Vane wa na Téta tôngaviga na gôndé angô gôédigaa gô môtémedi.

Jean 17:26

Me namagômenyeda gôndé ahngô. Na nangoomba éahmenyeda gandé éwe. Vane étondoe éndé n’ewe gôndé me, éngaba gôndé ahngô. Na me dôta nangaba gôndé ahngô.

Jean 6:56

One angaaka ôtôe wami na anganyuaka nzina yami andéké monyovo n’ami. Me dôta nandé monyovo n’edi.

Romains 11:33

Me Paul nasôbasôbana gôébégô ôkitie ôndé na Nzambé ôndé ti ôvôni. Eodo éedi éôtéa émenya mabégô metso. ?One anganigôa matasa medi, indaa? ?One angamenya mane mavangangô indaa?

Romains 2:4

Tambô vabibéda Nzambé na suii na veenéa angô abévi akoa mitéma miaô gôéba wene mônongo ?éwe ôenza Nzambé na ôkanéga Nzambé-a? Osamenya mbe ngeba dienanô éwe na Nzambé dindé mbe ôngakoa môtémoo na mônongoe woo.

Romains 5:2

Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

Romains 8:10

Buéyé mbe yôtô yanyô dimani éwa ti wakaga gô mabégô mabévani, ôkô mbe Christ andé gô mitéma mianyô, Gédidi SaNzambé génôétsa monyo. Gôébégô Nzambé anôena ti eembe nôsabadô n’oési.

Romains 9:23

Amatubéda dôta ôkitie wetso ôndé g’ôndômbee wedi gôndé wa n’anyô tôgono n’epedee tôbônda ngeba yedi. Te wa n’anyô tômasevou n’edi gôédigaa n’edi vavo gô géneega sondômbedi.

I Corinthiens 3:16

Anye nôsabômu mbe anye te eba aNzambé. Gédidi sedi gédigaa gô mitéma mianyô.

II Corinthiens 2:14

Tôneegede Nzambé na géneega setso. Wa n’anyô tôka monyovo na Jésus‐Christ tôndéké kuka yetso gô géômbé sane amadiiani tôkea tôtsôkéa na mimbô gômatsedu môdudeo. Nzambé ayanza na wa n’anyô gôémenyeda ina aChrist gô tungu yetso. Inedi étsanzabana ga mbônga amôyombo amôsôba ôtsanzabana tungu yetso.

II Corinthiens 4:17

Tômenya mbe maguga meena we madita, tambô mandé te na soa na masadingani. Na mangô matôkônzéa ôndômba ôvôni ôsakôdékani ôndé vavo na Nzambé.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

II Corinthiens 6:16

?Eba ôkumédu Nzambé ôngavamba na mbumba ditoko Nzambé nayee? Gôébégô wa n’anyô tôndéké eba aNzambé ône ôdôngani. Amuene Nzambé amavovo mbe: Nandé n’ebami, nadigaa va gatse omami. Me te Nzambé éaô, ahngô dôta te anami.

Galatie 2:20

Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.

Galatie 4:19

Anami amôtéma, nookô pievia gôndé anye ga ookô môgeto misongo miamuana ngu na vangabôtangô. Pievia éôkô me te ngu na ndéône éngagono anye n’amuene Christ.

Ephésiens 1:7

Gôébégô wa n’anyô tômoobou na tômasingéô kokoo gô ébévee éasô n’anyô gô ngudi yowa aChrist, ône amatômu na Nzambé. Te gô ébégôe éne tôene gayekégéa ngeba yaNzambé gôndé wa n’anyô.

Ephésiens 2:22

Vamagésangana anye na Christ, anye ne akanyô muetso nômagésu n’edi gô ebee ôsaaôni ôdigaa Nzambé gô ngudi yaGédidi sedi.

Philippiens 4:19

Nzambé, ône akuméda me, anganôétsa mane magômbéô anye mandéké g’ôkitie ôvôni ôkenea angô gô ina aJésus‐Christ g’ôba.

Colosses 1:5

Vameekédu anye kukane éamapanga Tsangô Eapie, éne Eamôsôba éaJésus‐Christ, nômamenyedu mbe éangô éndé na tsoongo. Ebandôe éavitoone éanyô na ébandôé émeetsanye mitémamie, étsinee te tsoongo nene. Nôndé gôéténdéda éne émakeneo g’ôba gôndé anye.

Colosses 2:3

Gôndé Christ gômasuégu ôkiti ôvôni agétangégegé na angô te éodo n’ebagé éviga gôndé Nzambé.

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.

I Timothée 1:1

Oô te me Paul, namasevou na Kumu asô n’oo Nzambé na namatômu naJésus‐Christ, ône andé tsoongone éasô n’oo étôténdéndni.

Hébreux 6:19

Gandé môsi mbôngône n’etaé égunya angô gô mbéyi gôésipéda mbôngône, te gasipédu mitéma miasô n’anyô na divanga yaNzambé. Divanga yedi te étaé ésapupani, na ésakandanganani ésipéda wa n’anyô. Vavamba wa n’anyô na Nzambé gô géétséô samitéma tôéngédu n’edi na gô gégidaa saNzambé, te tsongo éadisambô éndé gô gatse ebedi.

I Jean 4:4

Gôndé anye anami nôndé ana aNzambé ag’ôbôtu, nômani édiia gô ébadie égenya anye n’eekédi adiboe. Nômediia gôébégô Gédidige géndé gô mitéma mianyô géôtéa ngudi na géne géndéké gôndé oma atsengene.

Gétsutsuéô 3:20

Oôkôni édué. Me nandé môtie v’ombaa nabôkéda. Okô môma ookiô ôgie wami akukuéa me, me neengéa gôndé angô. Wa n’edi tôngaa vavo.