Colosses 1:24 - New Testament in Mitsogo

²⁴ Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

Colosses 1:24 ပူးပေါင်းရင်းမြစ်များ

Marc 10:39

N’ahngô ahmaabéa mbe: We tôngoongôa. Jésus angô mbe: Na gô pie anye nônganyua gébunguge génganyua me. Na nôngeenôô batemene éngeenôô me.

Mayanzame 5:41

Ane amatômukuni amanôtôga gô eba amisoso. Amatsôkéa na gényônga gévôni mbe: Nzambé amasevoa we gôétubédu gékuanô saina aJésus.

Romains 5:3

Na va ngongone vane, tôtsôkékéni buéyé gô magugame masô n’anyô. Gôébégô tôsabômu mbe maguga meena wa n’anyô matsigéda gô mitéma miasô n’anyô ôbibo na môvinéné.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

I Corinthiens 12:27

Wa n’anyô muetso tôndéké te ôtô aJésus‐Christ. Môma na môma te géeme gévo.

II Corinthiens 12:15

Gôndé me nangeena buedi gôékaba éami eétso na gôndé anye. Nakabéyee béye na memuene muetso gôénôwedéa. Vangeenda me nane, ényôngéôe éami gôndé anye ébata te bataga, ivô éne éanyô gôndé me ésugéa te sugéa. ?Ebégôé éne ékegea nayee?

II Corinthiens 6:10

Miso masô te keba, ivô gô mitéma tôndé na gényônga. Tômenyanganô mbe misuga, tambô tôdôngéda ayekani n’okitie ôndé n’asô. Tôsaba ta na dode épo mbe tôsômba sôma, tambô tôsabuta sôma.

II Corinthiens 7:4

Tsatsuma anye paga. Nanyemôga n’ekasôga gôndé anye. Gô tsina amaguga mameena me Paul, môtémami ôsanika gévii ivô ôndéké ômayôa na gényônga gévôni gôébégô éanyô.

Ephésiens 1:23

Mbumu éaNzambé te ôtô aChrist. Christ te ébandô na ékôdéô éatsinane nyetso. Na angô andéké gô mbumu éedi na eenanô va gatse ayangô.

Ephésiens 3:1

Me Paul nandé gô eba atsôgôô gô ina aJésus‐Christ, gômeekéda me mbe anye nôsaba Ajuif nôndé nômagésu eba ôvo n’Ajuif. Me nasambéda Nzambé.

Ephésiens 3:13

T’ebandô me Paul nanôbeenda mbe nômbianika gévii, tsangô mbe neena maguga gôndé anye. Magugame meena me te ôndômbee wanyô, tambô tsôkéakani.

Philippiens 3:10

Me Paul tsabuta mabégô mayekani. Ena ébuta me, te gôémenya mabégô maChrist metso, na gôémenya ngudi yedi, dine dimakundua angô g’ôwa. Nanyôngéô égésangana gô magugame medi. Nanyôngéô égono n’edi g’ôwee wedi.

Colosses 1:18

Gô mbumu éaNzambé, Christ te ébandô na môtsé ôtômani. Asi mbumu éedi te ôtô ôtômuni. Monyoe waô awene mônongo ôbandôa te na Christ. Angô te Muana ANzambé akuua. Angô te mapangame meekunduu g’ôwa. Te éne ébeenda mbe gô mabégô metso angô te mômbenee.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

Jacques 1:2

Ana aTétee agô mbumu éaNzambé vakanégu anye gô mabégô maminongo mietso, tsôkéakani na gényônga gévôni.