Colosses 1:20 - New Testament in Mitsogo

²⁰ Na vane, gô ngudi yamuanedi, Nzambé amanikéa évambéda na amuene tsinane nyetso na muetso andé gô yangô. Owa aMuanedi gô gésumu sowa te ôgondoku ômasuméda Nzambé môtéma gôéba na éôma éetso gétabé. Eômee éetso ékegea mbe buéyé éne éagô tsina, buéyé na éne éndé g’ôba. Na éangô émanikéa évambédu na amuene Nzambé. Môkônzine éevambee te Nzambé.

Colosses 1:20 ပူးပေါင်းရင်းမြစ်များ

Matthieu 1:21

Angabôta muanamômôgôô, n’ewe ômôôga te mbe Jésus. Te angô angooboo omedi gô ébévee éaô.

LUC TSANGO EAMOSOBA EMATENDA 2:14

Kumédani Nzambé gô tungu yag’ôba na gô Tsina gôbaké gétabé gôndé oma anyôngéô angô.

Mayanzame 10:30

Corneille amanigôa Pierre mbe: Oeni, ôka pitsi ditatô, ndéône te épo. Namabaka gô ebami gôévovo na Nzambé disambôye yandéône événdama kômbéne. Tsina na tsina môma amaduani mobébayi amatema môtie va mbene ami.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Ephésiens 1:10

Amuene Nzambé angadugéda v’ekôdéô atsinane étasee éndé n’edi. Etasee éedi na nzéane yedi te mbe: Nangakôkanganéda mane mag’ôba metso na mane magô tsina metso g’ôtômu amôsi ényangee môvo, te Christ.

Philippiens 2:10

Gômbe gô ina éne éaJésus, asi g’ôba muetso, n’asi tsinane, N’ane andé gô tsenge éane amawani, muetso angasiba mabongome mao.

Colosses 1:16

Te gô ngudi yedi mbe Nzambé amakana na amavanga éetso éndé g’ôba na éetso éndé gô tsina. Eetso, ékegea mbe éne éenanôni na éne éseenanôni. Ngudi yeedidie te yedi. Na ditômuye na ényangee, na ngudi yetso te yaChrist. Nzambé amavanga na amakana éetso gô ngudi yaChrist na éetso te éedi.

Hébreux 2:17

T’ebandô amakoga gôégono n’ana aTetee n’edi gô mabégô metso, gômbe angaba môdeekedi adigondoku, môsungéyi aô angudi na angeba vayanzangô va mbene aNzambé. Vane ébévee éamôma ésingéô kokoo.