Colosses 1:18 - New Testament in Mitsogo

¹⁸ Gô mbumu éaNzambé, Christ te ébandô na môtsé ôtômani. Asi mbumu éedi te ôtô ôtômuni. Monyoe waô awene mônongo ôbandôa te na Christ. Angô te Muana ANzambé akuua. Angô te mapangame meekunduu g’ôwa. Te éne ébeenda mbe gô mabégô metso angô te mômbenee.

Colosses 1:18 ပူးပေါင်းရင်းမြစ်များ

Matthieu 23:8

Ivô nanôongô ndongi mbe nônasinga oma anômekeda mbe: môékédi. Gôébégô anye muetso te ana aTétee atévo. Môékédine wanyô te môvo.

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Jean 1:1

Nzambé madeo asikana tsina n’oba, vamapanga vamabaka ône atetuku mbe Ogi. Ogi te ôndé na Nzambé. Ogi dôta te amuene Nzambé.

Jean 1:16

Wa n’anyô muetso tômani édiia ôkabô okitie ôndé n’edi. Tômadiia te mate makôndamani.

Jean 1:27

Buéyé gooti me gô mbene edi, me te gétôkôtôkô, angô te môtsé. Gétôkôtôkô ôgoeye géote môtsé. Me tsaba pengo gétôkôtôkô, nandé gô tsina asangô.

Mayanzame 26:23

Amavovo mbe: Gôngaba môvo eendô mbe Christ, ône amasevou na Nzambé. Angatubédu maguga. Angô te ône angapanga ékunduga g’ôwa. Na angatévéda Ajuif na oma muetso gô tsenge yetso gévede sedi gétsigéda môma na gô géobogeo.

Romains 8:29

Gôébégô Nzambé amasevoa omedi v’ebandô. Na amavanga dôta v’ebandô mbe omee adua angagono na Muanedi. Vane Muanedi Jésus te kuuane apingô yanéyee.

I Corinthiens 11:3

Buéyé nane nanyôngéô mbe anye nôôkô édué. Jésus‐Christ ébandô na te môtômi oma muetso. Na mômôgôô te môtômi amogayedi. Na Nzambé dôta te môtômine aChrist.

I Corinthiens 12:27

Wa n’anyô muetso tôndéké te ôtô aJésus‐Christ. Môma na môma te géeme gévo.

I Corinthiens 15:25

Tambô ôtômue ôbaké na Kumu Jésus‐Christ gôétôma ngu na vangatseda Nzambé adudeo muetso aka gô tsina amatambé maJésus.

Ephésiens 1:10

Amuene Nzambé angadugéda v’ekôdéô atsinane étasee éndé n’edi. Etasee éedi na nzéane yedi te mbe: Nangakôkanganéda mane mag’ôba metso na mane magô tsina metso g’ôtômu amôsi ényangee môvo, te Christ.

Ephésiens 5:23

Menyani mbe mômôgôô te tsesu amôgayedi mônongovo gandé Christ te tsesu asi mbumu éedi. Amuene Christ te Mooboyi asi mbumu éedi, yangô te ôtô edi.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

Colosses 2:19

Angô anôtôga gôndé Christ ône andé môtsé ambumu éaNzambé. Tambô te gô ngudi yamôtsée mbe ôtôe wetso ôngôgédu. Na mbe éemée éetso éwanya kuanakue gô diôngôye na mikangimie. Vane ôtôe ôngôga ganyôngéô amuene Nzambé.

I Jean 1:1

We tônôtendéa gôébégô éone eendô mbe, Ogi aNzambé ôétsa monyo. Angô te mapanga na éôma éetso. Tômookô angô. Na tômeena angô na miso masô. Tômootôneegeda. Na tômoobanda na mogo masô.

Gétsutsuéô 1:18

Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 1:8

Kumu Nzambé avovo mbe: Me te Alpha na Oméga. Evéndégéô mbe v’ebandô ametso te me na v’ekôdéô ametso te me. One avovoni te Kumu angudi yetso. Angô amabakani ne te angô andékéni na te angô angavigani.

Gétsutsuéô 11:15

Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 21:6

Na ôgie ômoomba évovo mbe: Eetso édimbani. Me navovoni te Alpha na Oméga, événdégéô mbe, v’ebandô ametso te me, na v’ekôdéô ametso te me. Me te mapangame. Me te môyusumédue. One ookô sôé nangamôétsa meba magéenza magô gétôka géétsa monyo.

Gétsutsuéô 22:13

Me navovoni, nandé te Alpha na Oméga, événdégéô mbe v’ebandô ametso te me na v’ekôdéô ametso te me. Me te kuane, na me makukéme. Me mapangame, na me te môyusumédue.

Gétsutsuéô 3:14

Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.