Colosses 1:16 - New Testament in Mitsogo

¹⁶ Te gô ngudi yedi mbe Nzambé amakana na amavanga éetso éndé g’ôba na éetso éndé gô tsina. Eetso, ékegea mbe éne éenanôni na éne éseenanôni. Ngudi yeedidie te yedi. Na ditômuye na ényangee, na ngudi yetso te yaChrist. Nzambé amavanga na amakana éetso gô ngudi yaChrist na éetso te éedi.

Colosses 1:16 ပူးပေါင်းရင်းမြစ်များ

Jean 1:10

Ogi ômabaka gô tsina, Nzambé amakana tsinane te gô ngudi yOgie, ivô asi tsinane asiôkéô aangô ta na pesu.

Jean 1:3

Gô ngudi yone ameendô mbe Ogi, Nzambé amakana na amavanga éetso. Gôsaba ta na sôma gévo gésikanô na gésivangô gô ngudi yOgi.

Romains 11:36

Gôébégô éetso éviga te gôndé angô. Na éetso édônga te gô ngudi yedi na gô géneega samuene. Ondômbee wetso ôbaké gôndé Nzambé môbô na môbô. Amen.

Romains 8:38

Me Paul tsatsuma étondoe éedi paga. Gôsaba ta n’ebégô évo éngaaganédana me na éangô, buéyé mbe ôwa, buéyé mbe monyo, buéyé n’asi g’ôba avigédu na Nzambé, vo dipo ditômu na dipo ngudi yagésa na gésa, buéyé mabégô madeo noo, na mane mavigani.

Romains 9:5

Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.

I Corinthiens 8:6

Buéyé nane gôndé wa n’anyô Nzambéne te épo. Te Nzambé Téta amakana éôma éetso na monyoe wasô n’anyô te gôndé angô. Na Kumu asô n’anyô dôta te môvo na koo, te Jésus‐Christ. Te angô asumbéda éôma éetso. Asumbéda na monyoe asô n’anyô.

Ephésiens 1:10

Amuene Nzambé angadugéda v’ekôdéô atsinane étasee éndé n’edi. Etasee éedi na nzéane yedi te mbe: Nangakôkanganéda mane mag’ôba metso na mane magô tsina metso g’ôtômu amôsi ényangee môvo, te Christ.

Ephésiens 6:12

Ebadie éndé na wa n’anyô tôsagenya n’oma. Tôgenya te na édidi ébévani éndé n’enyanga na édigaa va gatse atsina n’oba, na atômie, na ditômuye na kumuye yagô tsengene yaô yevitsi.

Philippiens 2:10

Gômbe gô ina éne éaJésus, asi g’ôba muetso, n’asi tsinane, N’ane andé gô tsenge éane amawani, muetso angasiba mabongome mao.

Colosses 1:15

Christ ameenanô, na angô te gégoni saNzambé aseenanôni. Angô te Muana akuua. Angô te andé va ngongo ametso mamavangôni na mamakanôni.

Colosses 1:20

Na vane, gô ngudi yamuanedi, Nzambé amanikéa évambéda na amuene tsinane nyetso na muetso andé gô yangô. Owa aMuanedi gô gésumu sowa te ôgondoku ômasuméda Nzambé môtéma gôéba na éôma éetso gétabé. Eômee éetso ékegea mbe buéyé éne éagô tsina, buéyé na éne éndé g’ôba. Na éangô émanikéa évambédu na amuene Nzambé. Môkônzine éevambee te Nzambé.

Colosses 2:10

N’anye dôta vamavambanye évambevo na Christ, nômadiia te éetso éndé n’edi éaNzambé. Angô andé gô ngongo éamanyangame metso na ngudiye yetso.

Colosses 2:15

Gô gésumu gémawa Christ, Nzambé amatseda manyangame na ditômuye yava gatse atsina n’oba. Amadikata gô podi. Na amadikeda ga avéga akedu gô monge gôédetu v’ekanga. One amakea gô mbene atsôkéa gômadiiangô gô ébadie, te Jésus Muana ANzambé.

Hébreux 1:2

Ivô gô pitsiye yamôyusumédue édi Ogie ôvovo angô na wa n’anyô te Muanedi Jésus. Gô ngudi yaMuanedi, Nzambé amakana tsina n’oba. Na amakonza mbe Muanedi te ône angaba Kumu ayetso.

Hébreux 2:10

Emabaka ti kuanakue gôndé Nzambé, angô môkani na môkeneyi éôma éetso, gôésinga Jésus eena maguga mbe angadiia ôndômba. Gômbe angaveegéda anedi ayekani gôédiia n’edi ôndômba ôvo. Amuene Jésus te gétômbiatômbia gékuséda oma gô maguga na géengéda ahngô gô géobogeo.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.