Colosses 1:12 - New Testament in Mitsogo

¹² Kumédani Téta Nzambé na gényônga gévôni. Gôébégô te angô amanôkoa gôéba kuanakue gôédiia ôkitie ômakeneo na Nzambé gô tsenge éedi éagévede. Okitie ône te gôndé asi mbumu éaNzambé.

Colosses 1:12 ပူးပေါင်းရင်းမြစ်များ

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Jean 4:23

Gô ndéône évigani, na yangô émani éviga, Gédidi SaNzambé géétsa oma ngudi yeneegeda Nzambé, ône aseenanôni, angô kumune amabégô mapie. Nzambé anyôngéô aneegedie apie amôneegeda nane, pati tungu.

Mayanzame 20:32

N’atsatsee me nanôdeekeda na gô mogo maNzambé gôésumbédu n’edi na gôékeneo n’edi gô mabégô medi metondo. Amuene andé na ngudi gôéoodeda anye. Vane anganôétsa éne ékôkégangô ga mikuanya gôndé omedi.

Mayanzame 26:18

Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

Romains 11:17

Ana aIsraël agono na géétété gééndô mbe olivier. Tôkanéga na ôsagu. Osagu ôkeneo na kumu angô. Mivô mitabé amikeeda. Anye nôsibôtu gô éongo éAjuif nôgono na mitabé miovendo miviaganédu gô môkuba osagu na mibongou na mitamba miosagu.

Romains 15:27

Amavanga nane te anguene, ivô éndéké ga môtete ôvanahngô misugamie miagô Jérusalem. Gôébégô Ajuif asi mbumu éaNzambé gô Jérusalem amakaba ôkitie waô aGédidi SaNzambé n’akaô, ane asaba Ajuif. Tambô ane asaba Ajuif apukanéda n’ahngô g’ôsugee waô, gôéétsa ahngô ôkitie waô amanyiva.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

Romains 9:23

Amatubéda dôta ôkitie wetso ôndé g’ôndômbee wedi gôndé wa n’anyô tôgono n’epedee tôbônda ngeba yedi. Te wa n’anyô tômasevou n’edi gôédigaa n’edi vavo gô géneega sondômbedi.

I Corinthiens 8:6

Buéyé nane gôndé wa n’anyô Nzambéne te épo. Te Nzambé Téta amakana éôma éetso na monyoe wasô n’anyô te gôndé angô. Na Kumu asô n’anyô dôta te môvo na koo, te Jésus‐Christ. Te angô asumbéda éôma éetso. Asumbéda na monyoe asô n’anyô.

I Corinthiens 9:23

Metso mane, neenda mangô te gôétsigéda Tsangô Eamôsôba gôndé oma muetso na gôékasôgéda môtémami vasinga oma Jésus.

II Corinthiens 11:14

Tôsoongôa étsapéô gô mônongoe waô. Amuene Satan avéngôga aka ga môsi g’ôba n’obébayi ti eembe aNzambé, gôébôméda oma.

II Corinthiens 5:5

Te gamatôvangô na Nzambé v’ebandô mbe tôngakou te nane. Na amatôditéga môkodie, te Gedidige sedi gémeetsangô wa n’anyô. Môkodie ôtômenyeda mbe na gô pie tôngadenga mane mamisôba mamakuégéa angô wa n’anyô.

Ephésiens 1:11

Gô évambee éndé wa n’anyô na Jésus‐Christ, tômani édiia géôbogeo sasô n’anyô. Gôébégô wa n’anyô madeo tôsibôtu, Nzambé amapanga étôsevoa mbeego gamanyôngéô angô. Nzambé eenda ti metso ganyôngéô amuene na gavangangô mbe éngaba te nane.

Ephésiens 1:18

Me naduka Nzambé mbe gévede sedi gévôni géngatana gô mitéma mianyô gômbe anye nôngeena na vede na miso magédidi mane matôténdédani mandé gôndé wa n’anyô tômabambeô na Nzambé gô nzéane étôkeani. Na mbe nôngeena ôkitie ondômbee amikuanya ômakôkégéô gôndé ane amabambéô na Nzambé gôéba asi mbumu éedi.

Ephésiens 2:18

Wa n’anyô muetso, na Ajuif na ane asaba Ajuif, tôwesedu na Gédidi SaNzambé na va mbene edi gô ngudi yaChrist.

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Ephésiens 4:6

Nzambéne éasô n’anyô na Tétene éasô n’anyô te épo. Na angô atôma muetso. Ayanza na muetso. Na adigaa gôndé muetso.

Ephésiens 5:11

Nônakanéga évamba n’ane eenda ésima ésaba na tsoongo va mbene aNzambé. Tsigéda ésima éaô éevitsi na gô gévede mbe éenanô.

Ephésiens 5:20

Kumédani Tétasô n’anyô Nzambé ndéô yetso na gô mabégô metso gô ina aKumu asô n’anyô Jésus‐Christ.

Ephésiens 5:4

Na dôta ésanyepa gôndé anye gôévovo mabégô madibuanya, na mavovia masagô. Ivô vovoni te disambô ditévo gôékuméda Nzambé.

Ephésiens 5:8

Va mbeego nômabaka gô évitsi. Ivô ndéô nedué nômani étsiga gô gévede gômagésangananye na Kumu Jésus. Tambô digaakani gôémenyanganô mbe nôndé oma andé gô gévede saNzambé.

Colosses 2:2

Nagenya gôndé anye te mbe mitéma mianyô miyôé na bôkédé gébé na gomo, na mbe nôbaké muetso n’evambevo na vitoo. Na mbe nôbaké n’eodo éapie gôébégô éangô te ôkiti ôvôni ônôsuméda mitéma. Eodoe éne énômenyeda matasa maNzambé masinigôganéô na mbeego. Na mangô te amuene Christ.

Colosses 3:15

Singani mbe gétabé saJésus‐Christ génôsuméda mitéma. Nzambé amanôbambéa gôévamba gavamba éemé éotô ôvo mbe nôbé na gétabége sedi géne. Kumédani angô.

Colosses 3:17

Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.

Hébreux 12:23

Anye nômamana éengéa na gényônga gô mbumu éana akuua aNzambé. Mina maô meetso mamamana étendu gô môsenge ag’ôba. Anye nôndé nômawesea na gôndé Nzambé, môtsundédine oma muetso, na môtsundédine edidie éoma amatsimamédu gébé n’oési va mbeego.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

Jacques 3:9

Omeni te ône ôneegeda we Kumu na Téta éasô n’anyô Nzambé. Omeni te ône ôkoko we oma n’asô n’anyô amavangô na Nzambé gô gégoni sedi.

I Pierre 5:1

Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

I Jean 1:3

One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ.

Gétsutsuéô 21:23

Môsengee ône ôsaba na tsôvé éakômbéne na ngondene gôéétsa angô gévede, te ôbébayi ôtubéda ôndômba amuene Nzambé ôtanédani na Môpagee te dambine.

Gétsutsuéô 22:14

Ti gô gényônga géndé n’anye nôndé gôéôvôa mikanda mianyô, te anye nôndé ngu gôéaa miônda miagéétété géétsa monyo na te anye nôngeengéa gô diômbaa yamôsenge.

Gétsutsuéô 22:5

Gôsangabadô pitsi. Oma asangabutadô gévede sadambi na sakômbéne, gôébégô amuene Kumu Nzambé angatanéda gôndé ahngô gévede sedi. Na te omeaa angatômaka môbô na môbô gékôdéé.