Colosses 1:10 - New Testament in Mitsogo

¹⁰ Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Colosses 1:10 ပူးပေါင်းရင်းမြစ်များ

Jean 15:16

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Jean 15:8

Okô anye nôbôti miônda miyekani miangô te ésimee éamisôba, nôngamenyanganô mbe aneengi aJésus. Na Téta Nzambé angakumédu.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Romains 1:13

Ana aTéta agô mbumu éaNzambé, nanyôngéô mbe nômenya édué. Kuka diyekani namavanga môtôô na gôndé anye. Ivô ngu na deo noo tsiôngôé étimôga. Nanyôngéô mbe éyanzee yami va gatse anyô éba na tsoongo gandé éangô na tsoongo gô mavo mongo gô dipo tsenge.

Romains 4:12

Na Abraham te tétene dôta éane ageetuni gô gésôga gématsika Abraham. Ivô ahngô asaanda Abraham gô gésôgage gétévo. Aanda angô te na gômeetsangô Nzambé môtémedi gémôtsumé paga, madeo asigeetu.

Romains 6:4

Gô ngudi yabateme tômawa n’edi na tômagunyu n’edi gô ngii. Gamakunduga Christ gô ngudi dipôni yondômba okumaka aNzambé gôéba na monyo, na wa n’anyô dôta tôndé na wene monyo gô ngudiye yedi dine.

II Corinthiens 2:14

Tôneegede Nzambé na géneega setso. Wa n’anyô tôka monyovo na Jésus‐Christ tôndéké kuka yetso gô géômbé sane amadiiani tôkea tôtsôkéa na mimbô gômatsedu môdudeo. Nzambé ayanza na wa n’anyô gôémenyeda ina aChrist gô tungu yetso. Inedi étsanzabana ga mbônga amôyombo amôsôba ôtsanzabana tungu yetso.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

II Corinthiens 5:9

Tônôtôgéyee, tôsanôtôgéyee gô yôtô yedi, tônyôngéô éénda éne ényôngéô amuene Kumu Jésus.

II Corinthiens 9:8

Nzambé andé na ngudi gôénôétsa ôkiti ôyekani gô minongo mietso gômbe nôsangabuta sôma gôédônga anyene gô tsengene, na dôta gôédôngéda akanyô gô mane mamisôba.

Ephésiens 1:17

Naduka Nzambé Tétene aKumu asô n’anyô Jésus‐Christ, angô Téta ondômbee wetso, gôndé anye. Namôduka mbe anôétsa Gédidi sedi. Te sangô géngamenyeda anye, ne génganôtsutsuéda Nzambé, mbe nôsangadôtsuma angô paga.

Ephésiens 2:10

Gôébégô tômavangô na Nzambé na tômakou gômatôvamba na Jésus‐Christ gômbe tôngaba na monyo ômadugani na mayanza mamisôba. Amuene amatôkônzéa mayanzame mane mbe tôngeenda mangô.

Ephésiens 4:1

Me Paul nandé môsi eba atsôgôô gôyanzéa me Kumu Jésus. Nanôtôma mbe kiakani mitie mônongovo gamanyôngéô Nzambé vamabambéa angô anye gôékea n’edi géômbé gévo gô nzéane yedi.

Ephésiens 4:13

Vane tôngaba tômagésangana muetso évambevo gô éne ématôétsa mitémamie gébé na paga na gô gémenyéô sasô n’anyô saJésus, Muana ANzambé. Na vane tôngaba tôka payi gômavunda wa n’anyô na gômoongôga wa n’anyô gôéba ôkana ôvo n’etsimama éaChrist.

Ephésiens 5:10

Tôtônegede éne éamôsôba gôésevoa mane manyôngéô Kumu Jésus.

Ephésiens 5:15

Bakani n’ekana gô môdigédie wanyô. Nônadigaa gadigaa ane asamenya ébégô n’ebégô. Digaani gô éodo éndé n’anyô.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Philippiens 4:18

Menyani mbe namani édiia te éetso émakudéganye ne éndé éetso émadugani. Vavigi Epaphrodite n’atsatsee na éne émeetsanye ôbiia, tsabutadô sôma. Mane meetsanye ôbiia, magono na ôgondoku ôbékuni. Mbôngane éedi éamôsôba ébutima na gôndé Nzambé éétsa angô môgangu. Ogondokue wanyô ôsingéô na Nzambé.

Colosses 2:19

Angô anôtôga gôndé Christ ône andé môtsé ambumu éaNzambé. Tambô te gô ngudi yamôtsée mbe ôtôe wetso ôngôgédu. Na mbe éemée éetso éwanya kuanakue gô diôngôye na mikangimie. Vane ôtôe ôngôga ganyôngéô amuene Nzambé.

Colosses 2:6

Anye nômani ésinga Jésus‐Christ Kumu anyô. Tambô bakani na vitoo n’edi.

Colosses 3:20

Anye anéngé, éyanzee émeetsô anye gôégobeda Kumu Jésus te mbe: Gobedani iyee yanyô na tétee yanyô gô mabégô metso ganyôngéô amuene Nzambé.

Colosses 4:5

Digaakani na deede n’ekena va gatse ane madeo asineegeda Jésus‐Christ. Kuka yetso didenganô anye vavo n’ahngô, nômbiasinga ndéône éôta anye gévové éne éndé na tsoongo.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

1 Thessaloniciens 4:1

Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô.

II Timothée 2:4

Môgode atsengene anyôngéô étubéda môtômi edi gényônga gô éyanzee éedi te ône asagésangana gô monyoe oma asingaséni.

Tite 3:1

Bangôéda muetso mbe: Sugéani anyene gôégobeda ane atômani na ane ameetsô manyanga. Gobedani ahngô gôéénda mayanza metso mamisôba.

Tite 3:14

Buedi mbe omee asô n’anyô, éékédu gatôwedéana wa n’anyône na wa n’anyôene gô mane mavôni matôgômbéôni. Enyepa mbe omee asô n’anyô agono na géétété gébôtani gô mayanza maô n’esimee éaô éamisôba, kaka ga géétété sagékômba.

Hébreux 11:5

Hénoch ameetsa Nzambé môtémedi wetso gétsumé ôgi edi paga na angô asiwé ivô amatsuaô na gôndé Nzambé. Otô aHénoch ôsidenganô gôébégô Nzambé amabongo angô na gôndé amuene. Matendeo MaNzambé matônigôa mbe Hénoch madeo asitômbu na g’ôba amatubéda Nzambé gényônga.

Hébreux 13:16

Nômbieeba gôéwedanéa na gôékabanéa anyene n’anyene éne éndé n’anye. Oô te mônongoe adigondoku ônyôngéô Nzambé.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

II Pierre 1:8

Okô mabégôme metso mane mandé gôndé anye na mayekegea, mangô makoa anye nôka oma angudi, gôéyanzéa na gôémenya Kumu asô n’anyô Jésus‐Christ.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

I Jean 3:22

Wa n’anyô tôdiia gôndé angô metso mane maduka we te gôgobeda we mitôma na mige miedi na tôénda gô mabégô metso te éne ényôngéô angô.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

III Jean 1:6

Ahmanigôa va mbene asi mbumu éaNzambé gandé éwe n’etondo. Nagôbeenda mbe, wedaka ahngô gô môtôôe waô ganyôngéô Nzambé.