Zekâya 9:9 - MUKANDA WA MYIDI MUKULU

⁹ Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Zekâya 9:9 ပူးပေါင်းရင်းမြစ်များ

1 Bakalenga 1:38

Mutuangaji Sadoke, muambi Natane, Benaya, muana wa Yoyada, bena Kreti ne bena Peleti bavua balame mukalenga Davide, kuya kudi Shelomu. Kumubandishabu pa nyama wa mpunde wa mukalenga Davide wa bukalenga, kuya nende ku mpokolu wa ku Ngikone.

Misambu 149:2

Izrayele, usanke, bualu Maweja-Nangila udi mukufuki webe. Bena Siyone nusanke, bualu udi mukalenga wenu.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 45:1

Musambu wa mu mukanda wa mulombodi wa bena misambu. Muimba ne nzenze. Kasala ka mu mukanda wa misambu wa bena Kora. Musambu wa dinanga.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 30:6

Nyama idi yambula bintu bia bungi, idi yenda ipitshila kuinshi kua ditunga. Mu buloba bua dikenga ne dibungama, mudi bintu bia bungi bidi bikuatshisha bowa, mudi nyama ya ntambue ikungula, mudi nyoka ya ntoka ne nyoka idi ibuka, nyama ya mpunde ne ya tumelu idi ipitshilamu, yambula bubanji ne bintu bia mushinga mukole. Balombodi ba mu ditunga badi baya nabi kudi bantu ba tshisamba, tshidi katshiyi mua kubambuluisha nansha kakese.

Yeshaya 33:22

Bualu Maweja-Nangila udi mulombodi wetu, udi mfumu wetu bonsu. Maweja-Nangila udi mukalenga wetu. Yeye ke Musungidi wetu.

Yeshaya 40:9

Nuenu bena Yerushalayime, bandayi pa mukuna mutumbuke. Nuenu bena Siyone, koleshayi diyi muenu muonsu. Mbanuambile lumu lua disanka, kanutshinyi mua kuluambila banga bantu. Ambilayi bena mu bimenga bia Yuda ne: “Monayi Mvidi Mukulu wenu.

Yeshaya 43:11

Maweja-Nangila, ke meme, ke meme nkayanyi. Meme tshiyiku, kakuena musungidi to.

Yeshaya 43:3

Bualu meme Maweja-Nangila, ndi Mvidi Mukulu webe. Meme ndi Wa tshijila wa bena Izrayele. Ndi mukusungididi webe. “Ndi mfila Ejipitu, bu biuma bua kukupikula; mfila Kushe ne Seba, bua kubashintakaja nebe.

Yeshaya 45:21

Buelayi mu bipangu, nukebe tshinudi mua kuamba bua kudibingisha! Kadi uvua munumanyishe ku kale bidi bienzeka lelu nnganyi? Uvua mubisokolole bangabanga ne kuenzekabi nnganyi? Ki mmeme Maweja-Nangila anyi? Kakuena Mvidi Mukulu mukuabu to, amu meme. Mvidi Mukulu wa diyi dimue, Mvidi Mukulu udi usungidilangana, kenaku, amu meme.

Yeshaya 52:7

Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Yeshaya 62:11

tshidi Maweja-Nangila ubamanyisha ku ntengu ne ku ntengu ya buloba ne: Ambilayi bena Siyone ne: “Mupandishi wenu udi ufika, udi ufika ne bonsu badiye mupikule, udi ufika ne tshipeta tshia ku mudimu wende.”

Yirmeya 30:9

Kadi nebankuatshile mudimu meme Maweja-Nangila Mvidi Mukulu wabu. Nenku nempingaje mu bukalenga bua Davide muana wa ku ndelanganyi yende. Nebamuenzele mudimu, bualu mmukalenga wabu.

Yezekiyele 21:32

Nemuikale amu mbuwa pa mbuwa! Nenshiye mu Yerushalayime anu mbuwa. Tshimenga tshijima netshibutuke. Kadi nengenze bualu ebu, amu muntu undi mupeshe bumfumu bua kubutula tshimenga mumane kufika.”

Osheya 1:7

Kadi, ntshidi amu munange bena Yuda. Meme Maweja-Nangila Mvidi Mukulu wabu nembasungidile: tshiyi ne buta bua mbale, tshiyi ne muele, tshiyi nduangana myita, tshiyi ne nyama ya tubalu, tshiyi ne bantu badi babanda pa nyama ya tubalu.”

Mika 4:8

Wewe, mukuna wa Yerushalayime, udi ulama bantu bimpe, bu mudi kaleya ka kutentekela baluishi, neupete tshiakabidi bumfumu buebe, buuvua nabu kale. Yerushalayime neikale tshiakabidi, tshimenga tshikulu tshia bukalenga.”

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Zekâya 2:10

Maweja-Nangila udi unuambila ne: “Nuenu bonsu bamvua mutangalaje nseke yonsu ya buloba, nyemayi mpindiewu, numuke ku matunga a ku mutu kua ditunga!

Matayi 1:21

Nealele muana wa balume. Neumuinyike dina ne: Yezu, bualu neasungile bantu bende ku mibi yabu.

Matayi 11:29

Ambulayi bujitu buanyi pambidi penu. Nuanyishe bua meme kunulongesha, bualu ndi mupole ne mupuekele ku muoyi. Nanku nenupete dikisha mu mioyi yenu.

Matayi 2:2

Kukonkabu ne: — Muana udibu balele bua kuikalaye mukalenga wa bena Yuda udi penyi? Tudi bamone mutotu wende luseke ludi diba dipatukila. Ke patudi bafike bua kumukukuila.

Marke 11:7

Kuyabu ne muana, wa nyama wa mpunde kudi Yezu, kuteka bilamba biabu pa nyama, Yezu kusombapu.

Luke 24:27

Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 19:15

Bobu kuela mbila ne: — Afue! Afue! Umupopele ku mutshi mutshiamakane! Pilate kubakonka ne: — Ndi ne bua kupopela mukalenga wenu ku mutshi mutshiamakane anyi? Bamfumu ba batuangaji kuandamuna ne: — Katuena ne munga mukalenga to, amu mukalenga wa bakalenga.

Balombodi 10:4

Uvua ne bana ba balume makumi asatu. Bana abu bavua babanda pa nyama ya mpunde makumi asatu. Bavua ne misoku makumi asatu mu buloba bua Ngilaade. Too ne mpindiewu, badi binyika miaba eyi ne: mmisoku ya Yayire.