Zekâya 9:8 - MUKANDA WA MYIDI MUKULU

⁸ Nendame ditunga dianyi, bua baluishi kabafikimu, muntu nansha umue kakengeshi bantu banyi, bualu mpindiewu ndi mubatabalele.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nenyunguluke nsubu wanyi bu mudi bansentedi bamulama, bua muntu kahitshi eku ne eku; bua mubakengeshi kafila ku luseke luabo kabidi; bualu bua mpindiu udi mulami wabo mutabale.

Zekâya 9:8 ပူးပေါင်းရင်းမြစ်များ

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

2 Bakalenga 19:34

Nendame Yerushalayime. Nemmusungidile, bualu ndi Mvidi Mukulu. Kabidi ndi nnanga kashidi, muntu wanyi, Davide!”

2 Bakalenga 23:29

Patshivua Yoshiya mu bukalenga, Neko, mukalenga wa bena Ejipitu, uvua muye ne bena mvita bende ku musulu wa Perate bua kuambuluisha mukalenga wa bena Ashure. Mukalenga Yoshiya uvua musue kukanga njila, bua bena Ejipitu kabapitshi to. Kadi, kumushipabu ku Megido mu mvita ya kumpala.

2 Bakalenga 24:1

Pavua Yowakime mu bukalenga, Nebukadnesare, mukalenga wa bena Babilone, kubuela ne mvita mu ditunga dia bena Yuda. Yowakime uvua ne bua kuitaba bumfumu buende. Kadi bidimu bisatu bimane kupita, Yowakime kutombokela mukalenga Nebukadnesare.

Misambu 34:7

Maweja-Nangila udi uteleja mupela udi umuela mbila, ujikija dikenga diende dionsu.

Misambu 72:4

Mukalenga akose nsambu ya bapele pa yoyi, ambuluishe bena dikenga, abutule badi babakengesha!

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Ekesode 3:9

Ndi mumvue miadi ya bantu banyi. Kabidi ndi mumone mudibu babakengesha kudi bena Ejipitu.

Nsumuinu 3:25

Kuakutshina malu adi akuenzekela mu mpukapuka, nansha bantu babi badi bakuluisha.

Yeshaya 26:1

Dituku adi, mu ditunga dia Yuda, bantu nebimbe musambu, bamba ne: “Tudi ne tshimenga tshivuabu bakoleshe ne bimana. Bua kutshilama bimpe, Maweja-Nangila mmutshinyungulule ne bimana, kabidi ne mushiki wa buloba.

Yeshaya 31:5

Bu mudi nyunyi ubalula mapuapua ende bua kulama tuana tuende, ke mudi Maweja-Nangila muena bukole buonsu ulama bena Yerushalayime. Udi ubapikula, ubakuba, ubasungidila.

Yeshaya 4:5

nenku Maweja-Nangila neasombe pa mukuna wa Siyone, munkatshi mua bantu badi basangilamu. Mu munya divuba dia muinshi, butuku tshimunyi tshia kapia, nebileje bantu mudi Maweja-Nangila munkatshi muabu, ubalama. Butumbi abu nebubambuluishe,

Yeshaya 52:1

Wewe Yerushalayime, jukaku, kankamana, fululuka lukasa. Wewe Siyone, tshimenga tshia tshijila, vuala bilamba biebe bilengele. Bualu benyi ne bantu babi, kabena babuela kabidi muebe to.

Yeshaya 52:12

Musangu ewu, kanuena ne bua kupatuka mu tshiputuku to. Kanuena ne bua kunyema ne bowa, bualu Maweja-Nangila ke udi wenda kumpala kuenu. Yeye Mvidi Mukulu wa bena Izrayele, neanulame kabidi luanyima.

Yeshaya 54:14

Kuakutenkakana kabidi to. Kuakutshina kabidi tshintu to. Kabakukukengesha kabidi. Kuakukuatshika bowa. Muntu kakukutshinyisha nansha.

Yeshaya 60:18

Mu ditunga diebe, kabakumvua kabidi mutoyi wa mvita to. Munda mua ditunga diebe kamuena kabidi kabutu nansha tshinyangu. Kadi newinyike bimana biebe dina ne: “Lupandu”, ne biibi biebe ne: “Lumu lua Mvidi Mukulu”.

Yirmeya 31:12

Nebafike pa mukuna wa Siyone, bela mbila ya disanka. Nebaleje mpala wa disanka, pamonabu bionsu bidibu bapeta kudi Maweja-Nangila: ntete ya kuenza bukula, maluvu mapiamapia, mafuta mimpe, mikoku, mbuji ne ngombe. Nebikale bu budimi budi ne mayi ntavule. Nebapete bionsu bidibu nabi dikenga.

Yirmeya 46:13

Musangu uvua Nebukadnesare, mukalenga wa Babilone, mufike bua kuluisha bena Ejipitu, Maweja-Nangila uvua muambile muambi Yirmeya ne:

Yirmeya 46:2

Umvuayi malu avua Mvidi Mukulu mumanyishe bua Ejipitu, ne tshiluilu tshia Neko, mukalenga wa bena Ejipitu. Neko uvua mu Karkemishe, ku muelelu wa musulu wa Perate, pavua Nebukadnesare, mukalenga wa Babilone mumutshimune. Bivua bienzeka tshidimu tshinayi tshivua Yoyakime, muana wa Yoshiya, mu bukalenga bua Yuda.

Yezekiyele 39:29

Nenguwuje bena Izrayele ne Mueyelu wanyi. Tshiena mua kubalekela kabidi to. Meme Maweja-Nangila Mvidi Mukulu, ndi njadika nanku.”

Amosa 9:15

Nenjamije bantu banyi, mu buloba budi buabu. Kabena mua kubipata kabidi, mu buloba bundi mbapingajila. Meme Maweja-Nangila Mvidi Mukulu wenu ndi nnumanyisha nanku.”

Zekâya 12:4

Dituku adi, nenkuatshishe tubalu tuabu bowa bukole, nempadishe babandi ba pa tubalu ne bowa. Nentabalele bena Yuda, kadi nemfofamije tubalu tua bantu ba bisamba bikuabu. Meme ndi ngamba nanku.

Zekâya 12:8

Pashishe Maweja-Nangila neambuluishe bena Yerushalayime: badi kabayi ne bukole munkatshi muabu, nebapete bukole bu bua Davide. Ndelanganyi ya Davide neikale bu Mvidi Mukulu wabu, bu mudi mutumibue wa Maweja-Nangila udi wenda kumpala kuabu.

Zekâya 14:11

Bantu nebasombe mu tshimenga, kabakukeba kabidi mua kutshibutula. Bantu nebasombemu talalaa.

Zekâya 9:7

Nempatule mukana muabu, minyinyi kayiyi mipatule mashi, nansha minyinyi buabu balambule mvidie. Bena Peleshete badi bashale ne muoyi, nebikale bantu banyi, anu bu bena diku kampanda mu tshisamba tshia Yuda. Bena Ekrone nebadisangishe ne bantu banyi, muvua bena Yebusa benza kale.

Bienzedi 7:34

Ndi mumone mudi bantu banyi bakenga mu Ejipitu. Ndi mumvue mudibu batua mikemu. Ke pandi mupueke bua kubasungidila. Mpindiewu, luaku! Ndi nkutuma ku Ejipitu.”

Didimanyisha 20:9

Badi batangalaka mu buloba bujima, banyungulukila mitanda ya bantu ba Mvidi Mukulu, ne tshimenga tshidi Mvidi Mukulu munange. Kadi kapia kadi katuluka mu diulu, kabosha kababutula.