Zekâya 9:3 - MUKANDA WA MYIDI MUKULU

³ Bena Tire mbakoleshe tshimenga tshiabu ne bimana; mbakunguje tshiamu tshitoke tshia mushinga mukole, bungi bu buloba bua mu njila; mbakunguje tshiamu tshia mpawungi, bungi bu lusenga lua mu misesu.

Mukanda wa Nzambi Dihungila Dikulukulu ne Dihungila Dihia-dihia 2003

³ Tulo wakadiashila musoko mukoleshibue ne ngumbu, wakadikungishila argent bu luhuishi, ne or bu bitahikidi mu misesu.

Zekâya 9:3 ပူးပေါင်းရင်းမြစ်များ

2 Samuele 24:7

Kutungunukabu mu tshimenga tshia Tigre tshivuabu bakoleshe ne bimana, ne mu bimenga bionsu bivua bia bena Ivi, ne bena Kenaane, bua kufika ku Bersheba kuinshi mu ditunga, mu buloba bua bena Yuda.

1 Bakalenga 10:21

Makopu a mukalenga Shelomu awu, avua anu a tshiamu tshia mpawungi. Kabidi bintu bionsu bia kudila bivua mu nzubu uvuabu babikila ne: “Ditu dia Lebanone,” bivua anu bia tshiamu tshia mpawungi menemene. Kabavua benza bintu bia tshiamu tshitoke tshia mushinga mukole to. Bualu mu tshikondu tshia Shelomu, tshiamu tshitoke tshia mushinga mukole katshivua ne lumu.

1 Bakalenga 10:27

Mu tshikondu tshia mukalenga Shelomu, mu Yerushalayime muvua nkanu mitoke ya mushinga mukole bungi bu nsoka. Muvua kabidi mitshi ya sedre ya bungi bu bua mitshi ya sikomore idi itoloka mu Mpata.

Yobe 22:24

Imansha tshiamu tshia mpawungi tshiudi natshi. Nansha utshiele mu mayi manene munkatshi mua mabue.

Yobe 27:16

Nansha bobu bakunguje nkanu mitoke ya mushinga mukole, bungi bu lupuishi, nansha bakunguje bilamba bivule, mudibu bukunguje bitotshi,

Yobe 3:15

Mvua mua kuikala mulale pamue ne bana ba bamfumu, bavua ne nzubu yabu milengeja ne mpawungi, ne tshiamu tshitoke tshia mushinga mukole.

Yeshaya 23:11

Maweja-Nangila uvua mukanyine mayi manene, uvua muzakaje makalenga. Maweja-Nangila uvua mutume diyi, bua babutule bimenga bia bena Kenaane, bivuabu bakoleshe ne bimana.

Yeshaya 23:8

Tire ke uvua wabanya makalenga. Bangenda mushinga bende ke bavua balombodi ba matunga. Bapanyishi bende ba bintu, ke bavua bantu banemeka. Kadi udi mujadike bua kubutula Tire nnganyi?

Yezekiyele 26:12

Nebibe bubanji buebe. Nebakunyenge bintu bionsu bidi bishale muebe bia kuenda nabi mushinga. Nebanyange bimana biebe, nebupule nzubu mimpe idi muebe. Nebangate mabue, mabaya, ne bintu bikuabu bionsu bia ku nzubu ayi, babiela mu mayi manene.

Yezekiyele 27:27

Bubanji buebe, bintu biebe bia kupana, biebe bionsu, balombodi ba majuwa, bena mudimu wa bianza bavua balongolola majuwa, bangenda mushinga, bena mvita bauvua muangate ku mudimu, bonsu bauvua nabu mu majuwa, bionsu bivua bidina mu mayi, diba diuvua mutshibuke.

Yezekiyele 27:33

Pavuabu bapatule mu majuwa ebe bintu biuvua musumbishe, bantu ba bungi bavua babipeta. Bakalenga ba pa buloba kupeta bubanji, ku biuma biebe ne ku bintu biuvua wenda usumbisha.

Yezekiyele 27:34

Kadi mpindiewu mavuala mmakutshibule, makuine ne mu mayi mondoke! Bintu biebe ne bonsu bavua bakuendesha, mbidine nebe mu mayi manene.

Yezekiyele 28:1

Maweja-Nangila kungambila ne:

Amosa 1:9

Telejayi tshidi Maweja-Nangila wamba ne: “Ndi ndumbuluisha bena Fenisiya ba mu Tire, mbapisha bua malu mabi mavule, kadi nangananga, bualu kabavua bavuluka ndondu uvuabu batue ne bena Izrayele. Mu misoku mivule mbakuate bantu bonsu, baye nabu, babasumbishe kudi bena Edome. Nanku tshiena mua kubafuila luse! Nenkumbaje bindi mujadike ne:

Yoshua 19:29

Pashishe uvua ubendela muaba awu, utangila ku Rama ne ku tshidila tshia Tire, tshidibu bakolesha ne bimana, uya ku Osha, upitshila ku Makalabe, Akzibe,