Zekâya 9:16 - MUKANDA WA MYIDI MUKULU

¹⁶ Dituku adi, Maweja-Nangila Mvidi Mukulu neasungidile bantu bende, mudi mulami wa mikoku usungidila mikoku yende. Nebakenke bu mabue a mushinga mukole, adi ku tshifulu tshia lumu. Nebele nsese mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yehowa Nzambi wabo nebahandishe mu dituku adi, nealame bantu bandi bu tshisumbu tshia mikoko; bualu bua nebikale bu mabue a mushinga mukole mu tshifulu tshia mukelenge, bakenka mu buloba buandi.

Zekâya 9:16 ပူးပေါင်းရင်းမြစ်များ

Yeshaya 62:3

Newikale bu tshifulu tshia bumfumu, bu nsala wa lumu, mu tshianza tshia Maweja-Nangila Mvidi Mukulu webe.

Luke 12:32

— Nudi amu kasumbu kakese. Kadi kanutshinyi nansha! Bualu Tatu wenu mmusue kunupa Bukalenga.

Agayi 2:23

Dituku adi, wewe Zerubabele, muntu wanyi, newikale ne mushinga, bu mudi tshitampi tshianyi nawu. Bualu ndi mukusungule, bua wikale muenampala wanyi. Meme Maweja-Nangila, ndi ngamba nanku.

Yowanane 10:27

Mikoku yanyi idi iteleja diyi dianyi. Ndi muyimanye. Idi indonda.

Yezekiyele 34:31

“Eyowa, nuenu bantu ba mu tshisamba tshianyi, ndi munulame, bualu ndi Mvidi Mukulu wenu. Meme Maweja-Nangila Mvidi Mukulu ndi njadika nanku.”

Yirmeya 31:11

Bualu Maweja-Nangila mmupikule bena Izrayele, mubapatule mu bianza bia muluishi wabu, uvua mubapite bukole.

Yeshaya 60:14

Bantu bavua bakukengesha, nebasemene kuudi, nebiname panshi. Bantu bonsu bavua bakulembakaje, nebadiele ku makasa ebe. Nebakuinyike ne: “Ke tshimenga tshia Maweja-Nangila”, “Ke Siyone musoku wa wa tshijila wa bena Izrayele.”

Yeshaya 60:3

Nenku bukua matunga nebuende butangila ku butoke buwakenkesha. Dinkenke dia butoke buebe nedikoke bakalenga kuudi.

Misambu 100:3

Numanye ne: Maweja-Nangila udi Mvidi Mukulu. Yeye ke udi mutufuke, tudi bantu bende. Tudi bantu bende ne mikoku idiye ulama.

Zekâya 8:23

Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Yeshaya 40:10

Monayi Maweja-Nangila Mvidi Mukulu. Udi ufika ne bukole, bua kulongolola bukalenga buende. Udi upingaja bena diende kuabu. Bavuaye mupikule, badi benda kumpala kuende.

Sefanya 3:20

Diba adi, nennupingaje mu ditunga dienu, nennusangishe muaba umue. Nenudimuene mundi nkudimuna dikenga dienu. Nennupeshe butumbi ne lumu, munkatshi mua bantu bonsu ba pa buloba. Meme Maweja-Nangila ndi ngamba nanku.”

Mika 7:14

Maweja-Nangila, lombola bantu bebe ne dikombu diebe dia bulami. Badi basomba pa nkayabu, mu buloba budibu kabayi mua kudima, munkatshi mua madimi mimpe adi ku mpenga. Bu muuvua muenze kale, utufikishe mu mpata mimpe ya Bashane, ne mu ditunga dia Ngilaade.

Yirmeya 23:3

“Meme nkayanyi nensangishe mikoku idi mishale ne muoyi mu matunga amvua muyitangalaje. Nenyipingaje mu mpata yayi bua imone mua kudia kudiunda, kuvulangana.

Mika 5:4

Yeye neafile ditalala. — Pikala bena Ashure bafika bua kukuata ditunga dietu, babuela mu nzubu ya bakalenga betu, netubatumine bamfumu tshisumbu tshinene bua kubaluisha.

Yirmeya 31:10

Nuenu bisamba bikuabu, telejayi tshidi Maweja-Nangila wamba. Numanyishe bantu too ne ba mu bidiila bidi kule ne: “Maweja-Nangila uvua mutangalaje bena Izrayele. Kadi mpindiewu udi mubakunguje. Udi ubakuba mudi mulami wa mikoku ukuba mikoku yende.”

Zekâya 10:6

Nenkankamike tshisamba tshia Yuda, nensungidile bena Izrayele. Nembapingaje mu ditunga diabu tshiakabidi, nembaleje mundi mubanange. Nebikale tshiakabidi bu tshikondu tshimvua tshiyi muanji kubabenga. Ndi Maweja-Nangila Mvidi Mukulu wabu, nembapeshe bidibu bandomba.

Ekesode 28:9

Wangate mabue a komaline abidi, ufundepu mena a bana ba Izrayele dikumi ne abidi.

Ekesode 28:21

Mabue awu, ikale dikumi ne abidi, bungi bua bana ba Yakobe. Dina dia muana yonsu dikale difunda pa dibue bu mudi tshitampi. Mabue awu, neikale tshimanyinu tshia bisamba dikumi ne bibidi bia bena Izrayele.

Yeshaya 54:12

Mitu ya bimana biebe nenyibake ne mabue makunze, mishiku ya mbelu ne mabue adi akenka. Nenkoleshe bimana bionsu ne mabue a mushinga mukole!

Yezekiyele 34:11

“Meme Maweja-Nangila ndi ngamba ne: biangatshile mpindiewu, meme nkayanyi nendiangatshile bulami bua mikoku yanyi.

Yezekiyele 34:12

Nenyisangishe muaba umue amu bu mudi mulami wenza padi mikoku yende mitangalake. Nennye kukeba mikoku yanyi miaba yonsu ivuayi numuangalake dituku dia tshipepele tshikole.