Zekâya 8:13 - MUKANDA WA MYIDI MUKULU

¹³ Nuenu bena mu bukalenga bua Yuda ne bua Izrayele, nuvua tshilejilu tshia bantu batshipa munkatshi mua bisamba bikuabu. Mpindiewu ndi nnusungidila, nenuikale tshilejilu tshia badibu bela lupemba. Kanutshinyi kabidi! Kolayi muoyi!”

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bu munuakadi bantu bedibue mulau munkatshi mua bisamba bia bantu, nuenu Bena Yuda ne Bena Isalele, nunku ndi musue kunuhandisha, ne nenulue bantu badi basankisha bakuabo. Kanutshinyi, maboko enu ikale ne bukole.

Zekâya 8:13 ပူးပေါင်းရင်းမြစ်များ

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Misambu 44:16

Matuku onsu ndi mmona mudibu bampepeja. Ndi ne bundu mesu tente.

Misambu 72:17

Lumu lua mukalenga lushale kashidi, bamutumbishe too ne muajimina diba tshiendelele! Bantu belangane lupemba, bamba ne: Mvidi Mukulu akusankishe, muvuaye muenzele mukalenga! Mu matunga onsu bantu bamutue makumbu!

Misambu 79:4

Tuetu aba, bena mutumba badi batupenda, badi netu pabuipi badi batulembakaja.

Yeshaya 43:28

Nenku, ndi mudiombole batuangaji badi bakuata mudimu mu nzubu wanyi. Mvua mubutule tshisamba tshia Yakobe. Ndi muanyishe, bua bena lukuna abu bapende bena Izrayele.

Yirmeya 24:9

Nanku bantu ba mu matunga onsu a pa buloba, pamonabu bionsu abi nebakeme bikole, bakuatshike bowa. Miaba yonsu indi mbatangalaja, bantu nebabaseke, babapende. Nebasake misambu, batela dikenga diabu bua tshilejilu tshia dikenga dinene. Bantu nebabatshipe.

Yirmeya 25:18

Meme kutuadija kunuisha bena mu Yerushalayime, bena mu bimenga bia Yuda, bakalenga ba balombodi ba mu bukalenga, bua kubabutula bonsu. Ditunga diabu ndishale lubuwa. Bionsu ebi, nebikemeshe bantu. Nebibeleshe bibingu. Nanku bantu nebatshipe batela tshilejilu tshiabu.

Yirmeya 26:6

Panudi kanuyi nuteleja, nengupule nzubu wa Mvidi Mukulu ewu, bu mumvua mupule wa mu Shilo. Nenteke Yerushalayime bu tshilejilu tshidi bantu ba bisamba bionsu bia pa buloba, batela padibu baditshipa mutshipu.”

Yirmeya 29:18

Nembalondakaje ne mvita, ne tshiyole tshia nzala, kabidi ne disama dia tshiambu. Nanku bena mu makalenga onsu a pa buloba nebakuatshike bonsu bowa. Nebabatangile bu bantu badibu bela mulawu. Bantu nebabaseke, bikale batela dina diabu bua kuditshipa nadi.

Yirmeya 33:24

— Kuena mumvue mudi bantu bamba anyi? Badi bamba ne: ndi mubenge bena Izrayele ne bena Yuda, meku abidi andi musungule! Badi bamba nenku badi bapepeja bantu banyi. Kabena nansha babatangila bu tshisamba to.

Yirmeya 42:18

Yirmeya kuamba kabidi ne: — Maweja-Nangila wa bukole buonsu, Mvidi Mukulu wa Izrayele, udi wamba ne: “Mvua mufikile bena Izrayele munda bikole. Nuenu kabidi nennufikile munda panudi nuya mu Ejipitu. Diba edi nebanuteke tshilejilu tshia tshintu tshibi tshidi tshikuatshisha bantu bowa, tshienza bundu. Nuenu mene kanuakumona kabidi ditunga edi to.”

Yirmeya 44:12

‘Nengangate bena Yuda bavua bashale, baye kusokoma mu Ejipitu. Bonsu nebafue. Mu ditunga edi ke muafuilabu bonsu nansha ku mvita, nansha ku tshiyole tshia nzala. Muntu kakushala ne muoyi to. Eyowa, nebafue nanku. Bantu nebabateke tshilejilu tshia kutshipa natshi, tshia kukuatshisha natshi bowa, tshia kufuisha natshi bundu.

Yirmeya 44:22

Nansha kakese! Maweja-Nangila kavua mua kuanyisha kabidi malu mabi enu. Ke pavuaye mubutule ditunga dienu, mudinyangakaje, bantu kabayi base kabidi mu ditunga edi. Dikadi dikuatshisha bowa. Dikadi bu tshilejilu tshia kutshipa natshi bantu. Nuenu bonsu nudi mua kujadika tshidiye wamba.

Muadi 4:15

Muaba onsu udibu bafika badi babela bibingu ne: “Umukayi, nuenu nudi bapie mikiya! Kanusemenyi pabuipi netu to.” Padibu banyema kabena bamanye kudibu baya nansha. Bena bisamba bikuabu badi bababenga, bamba ne: “To, kabasombi muetu munu kabidi nansha!”

Yezekiyele 34:26

Nenganyishe bua mikoku isombe pabuipi ne mukuna wanyi wa tshijila. Nendokeshe mvula mukumbane pa tshikondu tshiende.

Yezekiyele 37:11

Maweja-Nangila kuamba kabidi ne: — Yezekiyele, mifuba eyi idi ituleja mudi bena Izrayele. Bena Izrayele badi bamba ne: “Tudi bu mifuba miume nyonyonyo. Tshitudi mua kutekemena kabidi ntshinyi? Tshitudi mua kuenza kabidi ntshinyi?”

Yezekiyele 5:15

Nennyoke tshimenga tshia Yerushalayime ne tshiji tshikole. Nentshikengeshe, ntshitandishe bikole! Nanku bantu badi ku nseke, nebaseke tshimenga etshi, batshipenda. Padibu batshivuluka, nebakuatshike bowa. Nenuikale tshilejilu tshia kubabela natshi. Meme Maweja-Nangila, ndi nnujadikila bualu ebu.

Danyele 9:11

Tshisamba tshijima tshia bena Izrayele tshiwa tshishipe mikenji yebe, tshisesuke ku malongesha ebe. Nanku milawu idi mifunda mu mikenji ya muena mudimu webe Moshe, yatukuatshi bua buntomboji buetu ebu.

Mika 5:7

— Bena Izrayele badi bashala ne muoyi munkatshi mua bisamba bia bungi, nebikale ne bukole bu bua nyama wa ntambue munkatshi mua nyama ya muitu, nansha munkatshi mua tshisumbu tshia mikoku. Muaba onsu udiye upita, udi uyikuata, uyisunsula, kakuyi muntu umunyengayi.

Sefanya 3:16

Dituku nedifike, diambilabu Yerushalayime ne: “Tshimenga tshia Siyone, kutshinyi, kutekeshi muoyi nansha!

Sefanya 3:20

Diba adi, nennupingaje mu ditunga dienu, nennusangishe muaba umue. Nenudimuene mundi nkudimuna dikenga dienu. Nennupeshe butumbi ne lumu, munkatshi mua bantu bonsu ba pa buloba. Meme Maweja-Nangila ndi ngamba nanku.”

Agayi 2:19

Mu mayeba enu kanutshiena ntete ya kuenza bukula to. Mionji yenu ya nwinyo, mitshi ya mfiku, mitshi ya ngrenade, mitshi ya olive, kabivua bikuama to. Kadi biangatshile dituku dia lelu, nennusankishe. Mitshi yenu neakuame.

Agayi 2:5

Panuvua bapatuke mu Ejipitu, mvua munulaye bua kuikala munkatshi muenu. Kanutshinyi to.

Zekâya 14:11

Bantu nebasombe mu tshimenga, kabakukeba kabidi mua kutshibutula. Bantu nebasombemu talalaa.

Zekâya 8:15

Kadi mpindiewu ndi mujadike bua kunuela lupemba, nuenu bena Yerushalayime, ne bena ditunga dia Yuda dijima. Nanku kanutshinyi kabidi.

Zekâya 8:9

Maweja-Nangila wa bukole buonsu, udi wamba ne: “Koleshayi muoyi! Mpindiewu nudi bumvue malaya, avua bambi bamane kunuambila mu dina dianyi, tshikondu tshiyuabu babange kuasulula tshitaku tshia nzubu wanyi.

Zekâya 9:13

Yuda neangambuluishe bu buta bua mvita, Efrayime neikale bu mukete. Siyone, nentume bantu bebe, bua kuluishabu bena Ngreke. Nebangambuluishe bua kuluangana mvita, bu mudi muele wa myita wambuluisha muluanganyi wa bukitu.”

1 Korente 16:13

Tabalayi, shindamayi bikole mu ditaba. Kolayi muoyi. Nuikale ne bukitu.

Ngalate 3:14

Kristu uvua muenze nanku, bua Mvidi Mukulu amone mua kuela bantu ba bisamba bikuabu lupemba kudiye, muvuaye mulaye Abrahame; ne bua tupete, bualu bua ditaba dietu, Mueyelu uvua Mvidi Mukulu mulaye.

Dielulula 26:19

Eyowa, ku bisamba bionsu bidi Maweja-Nangila Mvidi Mukulu wenu mufuke, mmusue bua nuenu nuikale babapite ku lumu, ku butumbi ne ku buneme. Mmusue bua nuikale bantu bende, badi bamuenzela mudimu bu muvuaye mumane kunuambila.

Dielulula 28:37

Bena mu matunga ikale Maweja-Nangila munutume, nebakuatshike bonsu bowa, bua bionsu bidi binuenzekela. Nebishale bu nsumuinu, bantu bonsu banuseka.