Zekâya 7:9 - MUKANDA WA MYIDI MUKULU

⁹ “Kosayi nsambu pa yoyi, nuenzelangane malu mimpe, ne muoyi muimpe wa dinanga.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa wa misumba wakamba ne, Kosai bilumbu ne dikosa dia bushuwa, leshanganai dinanga ne nufuilangane luse, muntu ne muntu ne mukuabo.

Zekâya 7:9 ပူးပေါင်းရင်းမြစ်များ

2 Samuele 9:7

Davide kumuambila ne: — Kutshinyi to. Ndi nkuenzela bimpe mu dina dia tatuebe Yonatane. Ndi kupingajila maloba onsu avua a kakuebe Shawule. Newikale udia nanyi ku mesa matuku onsu.

Yobe 31:20

Meme kumuvuadika tshilamba tshia luya, tshienza ne miosa ya ku mikoku yanyi, yeye kungela tuasakidila.

Yobe 6:14

Muntu udi ukenga, mulunda wende udi ne bua kumusamba. Tshianana, kudi njiwu ya kubengaye kulamata Mvidi Mukulu wa bukole buonsu.

Nsumuinu 21:3

Muntu udi ulonda njila wa buakane, muikale kabidi ne muoyi wa kalolu, udi usankisha Maweja-Nangila, mupite muntu udi umulambula milambu.

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Yirmeya 22:3

Udi wamba ne: Nukose tshilumbu tshionsu amu pa tshiotshi. Nupatule bantu badibu bakengesha mu bianza bia bantu badi biba bintu biabu. Kankengeshi muena tshimuangi, kanunyengi tshintu tshia muana nshiya, nansha tshia mukaji mukamba. Lekelayi kushipa mwaba ewu bantu kabayi ne bualu.

Yirmeya 7:23

Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Yirmeya 7:5

Kadi, nulongolole nsombelu yenu, enzayi malu mempe. Nukose tshilumbu tshia bantu babidi pa tshiotshi.

Yezekiyele 18:8

Kena usombeshangana makuta bua kuvudija biuma biende, nansha bua kupeta makasa, Kena wambuluisha benji ba bibi. Kadi udi ukosa bilumbu anu pa biobi.

Yezekiyele 45:9

Telejayi bidi Maweja-Nangila wamba ne: “Bakalenga bena Izrayele, nuvua bakoleshe malu bushiwa! Lekelayi malu a tshinyangu a kukengesha bantu, kanubanyengi bintu biabu, nuenze anu bimpe, nulonde anu njila wa malu mimpe. Kanuipatshi kabidi bantu banyi mu buloba buabu to. Meme Maweja-Nangila ndi nnutumina diyi edi.

Osheya 12:7

Kuambilaye Yakobe ne: “Udi ne bua kupingana kuenu. Meme Mvidi Mukulu webe nenkuambuluishe. Enza malu mimpe, ukumbaje bindi musue. Wikale mutekemene anu kundi meme Mvidi Mukulu webe.”

Lewitiki 19:15

“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.

Amosa 5:24

Nukuate mudimu bua bakose nsambu pa yoyi; bua malu mempe adi bantu benzelangana, ikale bu misulu idi yuwula mayi tente, ipasalala, kayiyi ikama dituku nansha dimue.

Mika 6:8

Mbanulongeshe binudi ne bua kuenza, bidi Maweja-Nangila ujinga kudi bantu: udi unulomba bua nunemeke bantu ne bintu biabu, nuenzele bakuabu bimpe, nubanange, nuende bimpe mu njila udi Mvidi Mukulu wenu unuleja.

Zekâya 7:7

Ku kale, bambi bavua bamane kunubela mushindu umue mu dina dia Maweja-Nangila. Tshikondu atshi, bena Yerushalayime, ne bena bimenga bivua bibanyungulule, bavua basomba talalaa. Ke tshikondu kabidi tshiwa buloba bua kuinshi mu ditunga, ne bua luseke ludi diba dibuelela, ne bantu ba bungi.

Zekâya 7:8

Maweja-Nangila wa bukole buonsu kundombaye bua kuvuluija tshivuaye muambe ne:

Matayi 23:23

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nulambula Mvidi Mukulu tshia dikumi tshia biakudia bienu, nansha tshia luenyi, tshia tshidibi a luenyi, ne tshia tshikote. Kadi nudi nulengulula malu mapite bunene adi mikenji itulongesha, bu mudi kuenzela bantu bimpe, kufuilangana luse, ne kuitaba Mvidi Mukulu. Kadi ke malu anuvua ne bua kuenza, kanuyi nulengulula makuabu.

Luke 11:42

“Nuenu Baparushe, nudi bena diakabi! Nudi nulambula tshia dikumi tshia bia mu madimi enu, tshia tshiluabenyi, tshia tshikote, nansha tshia bisekiseki bishilangane bikuabu. Kadi kanuena basue kuenzela bantu bimpe, nansha kunanga Mvidi Mukulu. Ke binuvua ne bua kuenza ebi, kanuyi nulengulula bikuabu abi.

Yowanane 7:24

Lekelayi kukosa nsambu amu ku malu anudi numona ne mesu. Kadi nulonde tshilumbu tshia muntu kanuyi ne kansungasunga.

Yowanane 7:51

— Bilondeshile mikenji yetu, katuena mua kupisha muntu katuyi banji kumvua bidiye wamba, katuyi bamanye bivuaye muenze.

Dielulula 22:1

Nuenu basangane tshimuna tshia muanenu tshijimine: ngombe, mukoku nansha mbuji, kanutshilekedi tshipita to. Nutshipingaje kudi muenatshi.