Zekâya 7:6 - MUKANDA WA MYIDI MUKULU

⁶ Nansha panudi nudia, nunua, nudi nuenza amu bua kudisankisha nkayenu!”

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hanuadia ne hanuanua, kanuena nudia, kanuena nunua anu bua kudisankisha, anyi?

Zekâya 7:6 ပူးပေါင်းရင်းမြစ်များ

1 Kulondolola 29:22

Dituku adi, bena Izrayele kudia, kunua kumpala kua Maweja-Nangila, bikale ne disanka dinene. Ewu ke musangu muibidi, udibu baleja bantu mudi Shelomu muana wa Davide, mukalenga wabu. Kumulababu manyi a bukalenga, bua akuatshile Maweja-Nangila mudimu. Amu diba adi kujidilabu Sadoke bua ikale mutuangaji munene.

Yeshaya 43:23

Kuena mundambule meme, kuena mungoshile bana ba mikoku to. Unudi banemeke ne milambu yenu, ki mmeme to. Meme tshiena mukubueje mu bupika, bua kukuenzela malu ku bukole, bua wewe kundambula milambu. Tshiena mukutonde pa kukulomba milambu ya manananshi.

Yeshaya 58:3

Kadi badi bankonka ne: “Mutuajila biakudia mmunyi, paudi kuyi utumona? Mutuadikengesha mmunyi, paudi ulengulula bualu ebu?” Nenku meme kuandamuna ne: Tangilayi mene tshinudi nuenza: nansha nuenu bajile biakudia, nudi nukeba kudisankisha amu nuenu nkayenu. Nudi nukengesha bena mudimu benu.

Osheya 8:13

mBasue kundambula milambu, kadi anu bua kudia minyinyi. Kadi milambu ya mushindu ewu, kayena insankisha meme Maweja-Nangila to. Tshiena mpua buenzayi buabu muoyi. Nembalulule bilema biabu, nembanyoke, mbapingaje mu Ejipitu.

Osheya 9:4

Bena Efrayime kabena mua kulambula kabidi mulambu wa maluvu, mu dina dia Maweja-Nangila. Kabena mua kumulambula milambu bua kumusankisha. Biakudia bia bena Efrayime, nebikale anu bu mampa adibu badia mu madilu. Muntu yonsu udi ubidia udi upia mikiya. Mampa a bena Efrayime, neajikije anu nzala yabu. Kadi, kabena mua kubuela nawu mu nzubu wa Maweja-Nangila to.

Zekâya 7:5

Andamuna batuangaji ne bena ditunga bonsu ne: “Kukadi bidimu makumi muanda mutekete, binudi nujila biakudia, nuasa miadi mu ngondu muitanu ne wa muanda mutekete, Panudi nulama bijila ebi, nudi nuela meji ne: nudi nunsankisha anyi?

Zekâya 7:7

Ku kale, bambi bavua bamane kunubela mushindu umue mu dina dia Maweja-Nangila. Tshikondu atshi, bena Yerushalayime, ne bena bimenga bivua bibanyungulule, bavua basomba talalaa. Ke tshikondu kabidi tshiwa buloba bua kuinshi mu ditunga, ne bua luseke ludi diba dibuelela, ne bantu ba bungi.

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

Dielulula 12:7

Mu nzubu wa tshijila wa Maweja-Nangila, ke munudi mua kudila biakudia bia tshijila, pamue ne bena meku enu bonsu. Nuenu nenusanke bua bilenga bionsu bidi Maweja-Nangila, Mvidi Mukulu wenu, munupe mu bionsu binudi nuenza.

Dielulula 14:26

Muaba awu, nenusumbe bintu bionsu binudi basue: ngombe, mikoku, mbuji, maluvu a mvinyo, nansha maluvu makole, bua nuenu kudia, kunua, kusanka ne bena meku enu bonsu.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

1 Samuele 16:7

Kadi, Maweja-Nangila kuambila Samuwele ne: “Kutangidi buimpe bua mpala, nansha bule bua muntu. Meme tshiena mumusungule to. Meme tshiena ntangila, mudi bantu batangila to. Bantu badi batangila amu mpala, ne mushindu udi muntu. Kadi meme ndi ntangila too ne munda mua muntu.”