Zekâya 7:14 - MUKANDA WA MYIDI MUKULU

¹⁴ Meme kubatangalaja mu bisamba bia mishindu yonsu, biwabu kabayi bamanye. Ditunga divuabu bumuke, divua dishale munda mutupu. Muntu nansha umue kawa utambakenamu kabidi to. Ditunga diabu divua dimpe bua kusomba, bobu kudiandamuna tshipela.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nakabatangadisha mu nvunde munkatshi mua bisamba bionso biakadibo kabayi banze kumanya. Nunku buloba buakumukabo buakabutudibua ku nyima kuabo, kakuakadi muntu wakayamu anyi wakafumamu; buloba buakadi busankisha mitshima ya bantu buakakudimuka tshikulu.

Zekâya 7:14 ပူးပေါင်းရင်းမြစ်များ

2 Kulondolola 36:21

Nanku, miaku ya Maweja-Nangila kukumbana, ivua muambi Yirmeya muambe ne: “Ditunga nedishale munda mutupu bidimu makumi muanda mutekete, too ne pajika matuku a Dikisha, avua bena Izrayele babenge kuikisha.”

Misambu 58:9

Bafube bu dilandi didi dienda, diume! Kabamonyi diba, bu muana wa tshituka mufuile munda!

Yeshaya 17:13

Tshimvundu tshia bisamba tshidi tshienda tshisemena pabuipi, tshifuana tshiona tshia mavuala a mayi manene. Kadi Maweja-Nangila udi ukanyina bisamba. Biobi bidi binyema kule, bu kasosa kapepula kudi lupepele lua pa mikuna, bu lupuishi lujuula kudi mvunde.

Yeshaya 21:1

Badi bamanyisha malu adi atangila Babilone, “Tshipela tshidi ku musulu.” Muena lukuna udi utumina ku tshipela, ku ditunga didi dikuatshisha bantu bowa, amu mudi mvunde ukosolola tshipela tshia Negebe.

Yeshaya 60:15

Wewe uvua musoku uvua bantu kabayi banange, muntu nansha umue kavua mupitshile muebe. Kadi nenkuenze kabidi tshimenga tshidi tshisankisha bantu tshiendelele, tshidibu mua kuditemba natshi kashidi.

Yeshaya 66:15

Tangilayi Maweja-Nangila udi ufika mu kapia. Matempu ende a mvita adi afika bu mvula wa tshipupu. Maweja-Nangila mmuwule ne kanyinganyinga, udi ufika bua kujikija tshiji tshiende, kukumbaja mu ndimi ya kapia bivuaye muambile bantu ne mikanu.

Yirmeya 12:10

Benyi, balami ba mikoku ba bungi, mbafike ne nyama yabu. Nyama kunyanga budimi buanyi bua mvinyo, kudiatakaja lupangu luanyi. Lupangu luanyi luvua luimpe lutambe, kadi nyama kulushiya tshipela tshikuatshisha bantu bowa.

Yirmeya 23:19

Mvunde mukole wafiki. Ke tshiji tshia Maweja-Nangila! Mvunde munene udi unyoka bena tshibawu.

Yirmeya 30:23

Tshiji tshia Maweja-Nangila tshidi bu mvunde, tshidi tshituuta bena tshibawu bu tshipepele tshikole.

Yirmeya 36:19

Ke balombodi ba mu bukalenga kuambila Baruke ne: — Nuenu bonsu babidi, Yirmeya ne wewe Baruke, nuye kusokoma. Muntu nansha umue kamanyi muaba unudi.

Yirmeya 44:6

Nanku mvua mufike munda bikole, mvua ne kanyinganyinga. Ke mumvua mubutule bimenga bia Yuda ne misesu ya mu Yerushalayime. Ke mudi bimenga biandamuke makolu, bishale miaba idi ikuatshisha bantu bowa, bu munudi numona lelu.”

Yirmeya 5:15

Maweja-Nangila udi wamba ne: nuenu bena Izrayele, nennutumine tshisamba tshikuabu, tshidi tshifume kule bua tshinuluishe. Tshisamba atshi kabena mua kutshipita bukole to. Tshisamba atshi ntshia ku bisamba bia kale. Kanuena mua kumvua muakulu watshi. Bidi bantu aba bamba kanuena mua kubimanya to.

Yirmeya 52:30

Mu tshidimu tshia makumi abidi ne tshisatu, Nebuzaradane, mulombodi wa bena mvita balami, uvua mukuate kabidi bena Yuda nkama muanda mutekete makumi anayi ne batanu. Bantu bonsu basanga bavua binunu binayi ne nkama isambombu.

Yezekiyele 12:19

Pashishe wambile bantu bonsu ne: “Maweja-Nangila Mvidi Mukulu udi unuambila ne: Bena mu Yerushalayime batua bashale mu buloba bua bena Izrayele nebadie, nebanue ne bowa, bazakala. Bushuwa ditunga diabu nedinyanguke, bualu bantu batua basombamu mbamane kudinyanga ne buenzavi buabu.

Yezekiyele 22:15

Nennutangalaje munkatshi mua bisamba bikuabu, mu matunga a bende. Nenjikije malu mabi onsu anudi nuenza.

Yezekiyele 5:10

Mu tshimenga, baledi nebadie bana babu, bana nebadie baledi babu. Nennunyoke. Badi bashale ne muoyi nembatangalaje bonsu ku nseke yonsu inayi.

Danyele 8:9

“Ku lumue lupite bukese lua ku nsengu ayi, kupatukaku lusengu lupialupia. Kudiundalu ne bukole bupite, lutangila kuinshi, luseke ludi diba dipatukila, ne luseke lua ditunga dipite buimpe.

Osheya 9:17

— Mvidi Mukulu wanyi, kena munange kabidi bena Efrayime to, bualu kabena bamuteleja. Nebikale balalakanyi munkatshi mua bisamba bikuabu.

Yowele 2:3

Mpasu eyi idi ibutula bionsu, bidi kumpala ne bidi kunyima kuayi, bu mudi kapia kabutula, kashidisha. Pavua mpasu eyi kayiyi mianji kufika, buloba buvua bu lupangu lua Edene. Kadi mpindiewu budi tshipela. Kayena mishiye tshintu nansha tshimue.

Lewitiki 26:22

Nentume nyama ya tshisuku, ishipe bana benu, ibutule bimuna bienu. Nenubutuke, mu njila yenu mushale anu mutupu.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Amosa 1:14

Nengoshe tshimenga tshiabu tshia Raba. Kapia nekashidishe nzubu yatshi mimpe. Dituku adi, nebele mbila ya mvita, mikole bu tshiona tshia lupepele lua mvunde.

Nahume 1:3

Maweja-Nangila kena ufika munda lukasa, udi ne bukole bupite. Kadi kena ubingisha muntu udi mupile. Padi Maweja-Nangila wenda, tshipepele tshikole tshidi tshijuka. Mavuba ke lupuishi ludiye ujula padiye wenda.

Abakuke 3:14

Udi utubula mitu ya bamfumu ba baluishi betu, ubapingajila mikete ivuabu bakebe kutuasa. Bavua bafika ne lubilu bu mvunde, benda bela mbila ya disanka, bajinga kututangalaja, nansha kutuzaza miaba ituvua basokomene.

Sefanya 3:6

Maweja-Nangila udi wamba ne: “Ndi mubutule bisamba bia bantu bia bungi. Ndi mushimbule tuleya tua bimenga biabu bivuabu bakoleshe ne bimana. Misesu ya mu bimenga biabu mmishale munda mutupu. Bimenga biabu mbishale makolu, muntu nansha umue kena upitshilamu, kena usombamu.

Zekâya 2:6

Meme kumukonka ne: — Udi uya penyi? Kungandamunaye ne: — Ndi nya kupima bule ne butshiama bua Yerushalayime.

Zekâya 8:1

Maweja-Nangila wa bukole buonsu kungambila ne:

Zekâya 9:14

Maweja-Nangila neamueneke, ku mutu kua bantu bende. Mukete wende neuye bu muele wa mvula. Maweja-Nangila Mvidi Mukulu, neele mpungi, neafike munkatshi mua mvunde, udi ufuma kuinshi kua ditunga.

Dielulula 28:33

Tshisamba tshia bantu banudi kanuyi bamanye, netshinukengeshe, tshinunyenge biakudia bionsu binudi banowe.

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.

Dielulula 28:64

Pashishe neanumuangalaje miaba yonsu, munkatshi mua bisamba bia bende bidi pa buloba bujima. Neatendelele mpingu ya mvidie ya mabue, ne ya mitshi misonga, inudi kanuyi banji kumanya ku bankambua benu too ne mpindiewu.

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.