Zekâya 5:4 - MUKANDA WA MYIDI MUKULU

⁴ Maweja-Nangila wa bukole buonsu udi wamba ne: Yeye nkayende neele mulawu ewu; neufike mu nzubu mua muivi yonsu, ne mua muntu yonsu udi uditshipa mitshipu ya dishima mu dina dianyi. Mulawu neushale mu nzubu ewu. Neubutule bionsu bidimu, nansha mikamba ne mabue mene.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa wa misumba udi wamba ne, Nengutume, neubuele mu nsubu wa muibi, ne mu nsubu wa muntu udi uditshiha ne mashimi mu dina dianyi; neushale munda mua nsubu wandi, neumuoshe diatshimue ne mabaya andi ne mabue andi kabidi.

Zekâya 5:4 ပူးပေါင်းရင်းမြစ်များ

Yobe 18:15

Nzubu wende neashale munda mutupu, bantu bakuabu badi mua kusombamu. Kadi nebanji kuela buanga mu lupangu luende!

Yobe 20:26

Bionsu bidiye nabi bidi bibutuka. Kapia kadi muntu kayi mutemeshe, kadi kamosha kamushidisha, yeye ne bende bonsu.

Yobe 8:15

Padibu banyema ku nzubu wa nanku, bionsu bidi biupuka. Badi beyemena butantande badishinda nabu panshi.

Yobe 8:22

Nanku badi bakukina nebafue bundu, bantu babi nebajimine.

Nsumuinu 3:33

Maweja-Nangila udi utshipa nzubu ya benji ba malu mabi; kadi udi wela ya bantu bakane lupemba.

Yeshaya 24:6

Ke padi buloba bujima bupeta diakabi, bualu Mvidi Mukulu mmubuele mulawu. Bantu badi babuela mu dikenga, bualu bavua bapia tshibawu. Badi bajimina bonsu, bashale amu bungi bukese.

Yirmeya 2:26

Nuenu bena Izrayele: bakalenga ne balombodi ba mu bukalenga, batuangaji ne bambi, matuku makese aa nenuikale ne bundu, bu muivi udibu bajikidila.

Osheya 4:2

Kadi, nudi nutshipa mukuenu, numudinga, numushipa, numuiba, nuenda tshiendenda. Ditunga dionsu ndinyanguke ne dishipangana.

Osheya 4:3

Nanku, mu ditunga nemuikale munanga mukole, udi ubutula bantu bonsu, too ne nyama ne nyunyi. Nansha minyinyi ya mu mayi manene neijimine.”

Amosa 3:10

Maweja-Nangila udi wamba ne: “Bena Samariya kabena bamanye kuenza bualu buimpe nansha bumue. Badi bunguija mu nzubu yabu ya bukalenga, biuma bipeta mu buivi ne dishipangana.”

Zekâya 5:3

Ke yeye kungambila ne: — Mu mukanda ewu mudi miaku ya mulawu wa kuela ditunga dijima: luseke lumue lua muvungu wa mukanda mbafunde ne: nebipate bivi bonsu mu ditunga, luseke lukuabu mbafunde ne: nebipate kabidi bonsu badi baditshipa mitshipu ya dishima.

Zekâya 8:17

Kanuedi meji a kuenzelangana bibi. Nulekele kutshipa mitshipu ya dishima, bualu meme Maweja-Nangila tshiena muanyishe malu a nanku.”

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Dielulula 28:16

Bantu badi mu tshimenga, ne badi mu misoku, Maweja-Nangila neabendeshe diakabi.

Dielulula 7:26

Kanuteki lupingu nansha lumue luleja mvidie wa mushindu ewu mu nzubu yenu. Nuenu benze nanku, nebanubutule musangu umue ne mpingu ayi. Mpingu ya mushindu ewu idi ne bua kubutuka yonsu. Nuyibenge, nuyimanshe.

Yoshua 9:20

Tudi tubalekela ne muoyi, bualu tudi bamane kuditshipa. Tuetu katuyi benze nanku, Mvidi Mukulu neatufikile munda. Kadi umvuayi tshitudi basue kuenza: