Zekâya 4:7 - MUKANDA WA MYIDI MUKULU

⁷ Kuambaye kabidi ne: “Mukuna munene ewu udi mua kukupangisha mua kukumbaja mudimu webe anyi? Zerubabele neaulandakaje. Neangate ku mukuna ewu dibue dia ndekelu dia kuteka ku musonga wa nzubu mupiamupia wa Mvidi Mukulu. Bantu nebele mbila ne: Kia! Nzubu bulenga nenku! Nzubu mulenga!”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Wewe, mukuna eu munene, udi tshinyi? Ku mpala kua Zelubabela nebakulandakashe bu mpata. Yeye neahatule dibue dia ku musonga wa nsubu helabo mbila ne, Diakalengele, diakalengele dikale kudidi.

Zekâya 4:7 ပူးပေါင်းရင်းမြစ်များ

Ezela 3:10

Pavua bibaki bakeba kuasa tshitaku tshia nzubu wa Mvidi Mukulu, kubikilabu batuangaji bamane kuvuala bilamba biabu bia mudimu wa batuangaji, bikale ne mpungi. Kubikilabu kabidi bena Levi, ndelanganyi ya Ashafe, bavua ne ndibu. Bonsu abu kutumbisha Maweja-Nangila, bilondeshile mikenji ya Davide, mukalenga wa bena Izrayele.

Misambu 114:4

Mikuna minene kutupika bu mbuji ya bimpanga, mikuna mikese bu tuana tua mikoku.

Misambu 114:6

Nuenu mikuna ne minene ne mikese, tshinudi nutupikila bu mbuji ya bimpanga, kabidi bu tuana tua mikoku ntshinyi?

Misambu 118:22

Dibue divua bibaki ba nzubu bimanshe, ndishale mpindiewu mutu wa ditumba.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

Yeshaya 41:15

Ndi nkuenza, bu tshiamu tshipiatshipia tshitue tshia kubundulula natshi buloba. Wewe neubundulule natshi mikuna minene, uyilandakaje. Neuboze natshi mikuna mikese, mudibu baboza bisosa.

Yirmeya 33:11

misambu ne mbila ya disanka. Nebumvue kabidi meyi a bantu batshidi babuela mu dibaka. Nebumvue kabidi bantu bimbe musambu ewu ne: Tumbishayi Mvidi Mukulu wa bukole buonsu, bualu udi mulenga. Dinanga diende ndia kashidi. Nebumvue kabidi musambu wa bantu badi baya ne milambu yabu mu nzubu wa Mvidi Mukulu. Bushuwa, Maweja-Nangila udi wamba ne: nempingajile ditunga edi lumu luadi lua kale.

Yirmeya 51:25

Eyowa, wewe Babilone, ndi nebe ne tshilumbu. Udi bu nyama mubi udi ukeba kubutula bionsu bidi pa buloba. Kadi meme Maweja-Nangila ndi muluishi webe! Nenkukuate mu bianza, nenkuele mu kandondu, nenkoshe ne kapia.

Mika 1:4

Padiye upita, mikuna idi ilandakana, bibandabanda bidi bipanduluka, mudi mafuta enguluka ku kapia, mudi mayi apulumuka pa kakuna.

Mika 4:1

Dituku nedifike, didi mukuna, muaba udibu base nzubu wa Mvidi Mukulu, upita mikuna mikuabu yonsu. Nebaushindike bikole. Bisamba bia bantu nebipuilemu bia bungi.

Abakuke 3:6

Padiye utuluka panshi, buloba budi bunyungakana. Padiye ukenzakana, bisamba bia bantu bidi bizakala. Mikuna minene ne mikese, ya kale ne kale, idi yupuka, isenguluka. Kuonsu kuvuaye upitshila kuvua anu nanku.

Zekâya 4:8

Maweja-Nangila kungambila kabidi ne:

Zekâya 4:9

“Zerubabele mmubange kuasa tshitaku tshia nzubu wa Mvidi Mukulu; neajikije mudimu wa kuasa nzubu ewu.” Padi malu aa enzeka, nenumanye ne: Maweja-Nangila wa bukole buonsu ke uvua muntume kunudi.

Matayi 21:21

Yezu kubandamuna ne: — Ndi nnujadikila bulelela ne: nuenu bikale ne ditaba, kanuyi nuela mpata, kanuakuenza anu tshindi muenzele mutshi wa mfiku ewu nansha. Kadi diba adi nenuambile mukuna ewu ne: “Umuke paudi apu, uye kudiela mu mayi manene,” mukuna neuye.

Matayi 21:42

Ke Yezu kubambila ne: — Kanuena banji kubala mukanda wa Mvidi Mukulu anyi? Mbafundemu ne: “Dibue divua bibaki bimansha, ndishale dibue didi dishindika nzubu. Ke mudi Maweja-Nangila muenze nanku. Bualu bua dikema butuvua bamone!

Marke 12:10

Kanuena banji kubala bulelela, mudi Mukanda wa tshijila, wamba ne: “Ke dibue divua bibaki bimanshe, dikadi dibue didi dishindika nzubu.

Luke 20:17

Kadi Yezu ubatangila, kubakonkaye ne: — Mu Mikanda ya tshijila mbafunde ne: “Dibue divua bibaki balekela, dikadi dibue didi dishindika nzubu. Miaku eyi idi inumvuija tshinyi?

Luke 3:5

Tshibandabanda tshionsu, nutshiuwuje. Mikuna minene ne mikese, nuyipuekeshe. Njila mikonyangale, nuyilulamije. Binina bia mu njila, nubilandakaje.

Bienzedi 4:11

Bu mudi Mikanda ya tshijila yamba, Yezu ke: “Dibue dinuvua nuenu bibaki balekele, kadi didi dienza dibue dia mu ditumba, dishindika nzubu.”

Rome 11:6

Uvua mubasungule, bualu uvua mubanange. Kavua mubasungule bua midimu ivuabu benze nansha. Tshianana, luse luende kaluvua luse menemene to.

Efeze 2:20

Nuenu kabidi nudi bidibu bibaka nabi nzubu. Tshitaku tshia nzubu awu, ke bapostolu ne bambi. Dibue dia mu ditumba ke Kristu mene.

1 Petro 2:7

Dibue edi didi dia mushinga mukole bualu buenu nuenu badi bitaba. Kadi bua badi kabayi bitaba, mbafunde ne: “Dibue divua bibaki bimanshe, ke didi dienza dibue didi diambula bujitu bujima.”

Didimanyisha 16:20

Bidiila bionsu kujimina. Kabavua bamone kabidi mikuna minene.