Zekâya 4:14 - MUKANDA WA MYIDI MUKULU

¹⁴ Ke yeye kungumvuija ne: — Mitshi eyi ke bantu babidi bavuabu balabe manyi a tshijila, bua kuenzelabu Maweja-Nangila wa buloba bujima mudimu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku yeye wakamba ne, Ebi bidi bu bantu babidi bakajidilabo ne manyi, badi bimana ha buihi ne Mukelenge wa buloba buonso.

Zekâya 4:14 ပူးပေါင်းရင်းမြစ်များ

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

Ezela 5:2

Nanku, Zerubabele, muana wa Sheyaltiyele, ne Yeshuwa, muana wa Yoshadake, kutuadijabu kuibakulula nzubu wa Mvidi Mukulu mu Yerushalayime. Bavua babakolesha ku muoyi kudi bambi ba Mvidi Mukulu.

Misambu 110:4

Maweja-Nangila udi muditshipe, kena mua kuyila: “Wewe udi mutuangaji wa kashidi bu Melkisedeke.”

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 89:20

Dituku dikuabu uvua muleje bualu, wewe kuakula, wambila bantu bebe badi bakulamata ne: “Ndi muambuluishe muntu wa bukitu, ndi musungule nsongalume wa bantu bonsu.

Ekesode 29:7

Umuele mafuta a tshijila pa mutu bua kumujidila.

Ekesode 40:15

Bana ba Arone abu, ubalabe mafuta mushindu uuvua mulabe tatuabu, ubajidile bua bangenzele mudimu wa butuangaji. Mafuta awu, ke adi ajadika ne: badi batuangaji kashidi, bobu ne ndelanganyi yabu yonsu.”

Yeshaya 5:1

Ndi musue kuimbila mulunda wanyi musambu, musambu wa budimi buende bua mvinyo. Mulunda wanyi uvua ne budimi bua mvinyo, pa mukuna wa buloba buimpe.

Yeshaya 54:5

Bualu uvua mukufuke, ke washala bu bayebe. Ke yeye udibu binyika ne: “Maweja-Nangila muena bukole buonsu.” Yeye ke wa tshijila wa Izrayele, udi ukupandisha. Yeye mene ke udibu binyika ne: “Mvidi Mukulu wa buloba bujima.”

Yirmeya 49:19

Maweja-Nangila udi wamba ne: “Nengikale bu nyama wa ntambue, udi upatuka mu metu adi ku muelelu wa Yardene, uya muaba muimpe wa kuikishila mu tshipela, muaba utshidi ne biakudia. Nennyemeshe bantu bonsu badi muaba awu musangu umue. Mu ditunga dia Edome nenteke mukalenga undi musungule. Bualu, udi mutufuane meme nnganyi? Udi mua kungasa tshilumbu nnganyi? Mulombodi udi mua kuntuila nkanana udiku anyi?”

Lewitiki 8:12

Kuelaye Arone mafuta a tshijila mu mutu bua kumujidila.

Mika 4:13

“Nuenu bena mu Yerushalayime, jukayi, shipulayi ntete. Nennukankamike, nushale mudi ngombe udi ne nsengu mikole bu tshiamu, ne bikonu bu tshiamu tshikunze. Nenuboze bantu ba bungi. Nenupawule bintu biabu, nenubijidile mu dina dianyi meme Maweja-Nangila, mfumu wa buloba bujima.”

Zekâya 6:13

Eyo, yeye ke wamuasa tshiakabidi. Neavuale bimanyinu bia bukalenga, neasombe mu nkuasa wa bumfumu bua kulombola bantu. Mutuangaji neikale pabuipi nende. Bantu aba babidi nebumvuangane bikole.

Zekâya 6:5

Kungandamunaye ne: — Matempu aa adi mpepele inayi: ivua mimane muaba udi Maweja-Nangila wa buloba bujima; mmiumuke muaba awu amu mpindiewu.

Luke 1:19

Ke mutumibue kumuandamuna ne: — Meme ndi Ngabriyele. Ndi ngimana kumpala kua Mvidi Mukulu bua kumuenzela mudimu. Yeye mmuntume bua kuyukidilangana nebe, ne kukumanyisha Lumu elu lua Disanka.

Dielulula 10:8

Tshikondu atshi Maweja-Nangila kupesha bena Levi midimu mishilangane eyi: kuambula mushete wa ndondu wa Maweja-Nangila, kuenzela Maweja-Nangila mudimu, kuela bantu lupemba mu dina dia Maweja-Nangila. Midimu eyi, ke itshidibu benza too ne mpindiewu.

Yoshua 3:11

Nanku mushete wa ndondu wa Maweja-Nangila, Mukalenga wa buloba bujima, neusabuke Yardene kumpala kuenu.

Yoshua 3:13

Padi batuangaji badi bambula mushete wa tshijila, babuela mu Yardene, diakamue mayi awu neakosoloke. Mayi a ku mutu neimane dibula.

Didimanyisha 11:4

Bajadiki babidi aba ke mitshi ya diye ibidi, ne miendu ibidi idi kumpala kua Mfumu wa buloba.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.