Zekâya 3:9 - MUKANDA WA MYIDI MUKULU

⁹ Nenteke dibue kumpala kua Yeshuwa. Dibue adi nedikale dimue, kadi nedikale ne nseke muanda mutekete ikenka. Nentape meme nkayanyi miaku pa dibue edi. Nanku, munkatshi mua dituku dimue nengumushe bubi bua bantu, budi bunyanga buloba. Eyo, meme Maweja-Nangila wa bukole buonsu, ndi njadika nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa wa misumba udi wamba ne, Monai dibue dinakuimanyika ku mpala kua Yoshua; ha dibue edi hadi mesu muanda mutekete. Monai, nensongehu tshifundu tshiadi, nengumushe bubi bua mu buloba ebu dituku dimue.

Zekâya 3:9 ပူးပေါင်းရင်းမြစ်များ

1 Bakalenga 1:20

Mukalenga wanyi, mpindiewu bena Izrayele bonsu mbindile ne muoyi mujima bua wewe kubambila patoke dina dia muntu udi ukupingana mu bukalenga.

2 Kulondolola 16:9

Nanku, Maweja-Nangila udi utangila pa buloba, musue kuambuluisha badi bamunanga ne muoyi wabu mujima. Mpindiewu, udi muenze malu bu muntu mutomboke. Biangatshile ku lelu, mvita neyikukuate.

Misambu 103:12

Udi umbusha malu etu mabi, wasemeja kule netu, bu mudi luseke ludi diba dipatukila, lusemena kule ne luseke ludi diba dibuelela.

Misambu 118:22

Dibue divua bibaki ba nzubu bimanshe, ndishale mpindiewu mutu wa ditumba.

Ekesode 28:11

Mena a bana awu, ikale mafunda pa mabue abidi, kudi muntu udi ne tshipedi, bu mudi tshitampi. Ikale mabueja mu masosu abidi engelela bu tshiamu tshia mpawungi.

Ekesode 28:21

Mabue awu, ikale dikumi ne abidi, bungi bua bana ba Yakobe. Dina dia muana yonsu dikale difunda pa dibue bu mudi tshitampi. Mabue awu, neikale tshimanyinu tshia bisamba dikumi ne bibidi bia bena Izrayele.

Ekesode 28:36

“Pashishe, wenze tshitata tshia tshiamu tshia mpawungi tshifuanangane ne tshilongu. Ufundepu bu tshitampi ne: ‘Wa tshijila wa Maweja-Nangila.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

Yirmeya 31:34

Maweja-Nangila udi wamba ne: muntu nansha umue kakulomba balunda bende, nansha bana babu, bua bamulongeshe bua ammanye. Bualu bonsu, bakulumpe ne bana, nebammanye. Nembafuile luse bua mibi yabu. Tshiakuvuluka kabidi bilema biabu.

Yirmeya 50:20

Meme Maweja-Nangila ndi ngamba ne: Tshikondu atshi, bantu nebakebe bilema bidi bena Izrayele nabi. Kadi kabakubisangana to. Nebakebe tshilema tshia bena Yuda, kadi kabakumona nansha tshimue to. Bualu bantu bandi mushiye ne muoyi, nembafuile luse.

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Zekâya 3:4

Mutumibue wa Mvidi Mukulu kuambila batumibue bavuaye nabu ne: numuvule bilamba abi. Pashishe kuambilaye Yeshuwa ne: — Ndi mukumushe bubi buebe. Nenkuvuadike bilamba bia tshibilu.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Bienzedi 4:11

Bu mudi Mikanda ya tshijila yamba, Yezu ke: “Dibue dinuvua nuenu bibaki balekele, kadi didi dienza dibue dia mu ditumba, dishindika nzubu.”

Rome 9:33

mudi Mukanda wa tshijila wamba ne: “Tangilayi, ndi nteka mu Siyone dibue didi ditetula bantu, lubuebue ludi lubaponesha. Kadi udi umuitaba, kakufua bundu nansha.”

2 Korente 1:22

ututua tshitampi tshiende bua kuleja ne: tudi bende, utupa kabidi Mueyelu wa Tshijila bu tshieya tshia bionsu bidiye utulamina.

2 Korente 3:3

Eyowa, nuenu nudi mukanda uvua Kristu mufundishishe kutudi. Kena muufundishishe ne mayi a mukanda, kadi amu ku bukole bua Mueyelu wa Mvidi Mukulu udi ne muoyi. Kena muufundishishe pa mabue, kadi amu mu mioyi ya bantu.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

Ebrewu 7:27

Yeye kena bu batuangaji banene bakuabu. Kena ne bua kulambula milambu ku dituku ku dituku, diambedi bua mibi yende, pashishe bua ya bantu bakuabu to. Uvua mulambule mulambu musangu umue bua kashidi, pavuaye mudilambule yeye mene.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.

Didimanyisha 5:6

Ke meme kumona Muana wa mukoku muimane munkatshi kumpala kua nkuasa wa butumbi, bamunyungulukila kudi Bia muoyi binayi ne kudi bakulu. Uvua mumueka bu mushipa. Uvua ne nsengu muanda mutekete, kabidi ne mesu muanda mutekete. Ke mieyelu muanda mutekete ya Mvidi Mukulu ivuabu batume pa buloba bujima.