Zekâya 3:10 - MUKANDA WA MYIDI MUKULU

¹⁰ Pafika dituku adi, nenubikilangane bua nusombe talalaa, nusanke ne bintu bia mu madimi enu a mionji ya mvinyo, ne bia mu mitshi ya mfiku.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yehowa wa misumba udi wamba ne, Dituku adi buonso buenu, muntu ne muntu, neabikile muena mutumba nʼandi, neasombe nʼandi muinshi mua muonshi wandi wa tumuma tua nvinyo ne muinshi mua mutshi wandi wa nfigi.

Zekâya 3:10 ပူးပေါင်းရင်းမြစ်များ

1 Bakalenga 5:5

Bena Yuda ne bena Izrayele, bavua ne ditalala, biangatshile ku Dane too ne ku Bersheba, Matuku onsu avua Shelomu ne muoyi, muntu yonsu uvua ukuna mionji yende ya mvinyo ne mitshi ya mfiku anu mu ditalala.

Yeshaya 32:18

Bantu ba Maweja-Nangila nebasombe talalaa, muaba udi bupole ne dikisha, muaba udibu kabayi ne lutatu nansha lukese.

Yeshaya 36:16

Kanuena mua kuteleja tshidi Izkiya unuambila to. Nuteleje amu tshindi meme ngamba, meme mukalenga wa bena Ashure. Lekelayi kukandamana. Anyishayi, nudifile kundi. Diba adi, muntu yonsu wa kunudi neanue maluvu ende a mvinyo, neadie tumuma tuende tua mutshi wa mfiku, neanue mayi a mu tshiina tshiende.

Yirmeya 32:15

Bualu Maweja-Nangila wa bukole buonsu, Mvidi Mukulu wa Izrayele, udi wamba ne: “Mu ditunga edi, dituku dikuabu nebasumbe kabidi nzubu, madimi, kabidi ne madimi a mvinyo.”

Osheya 2:18

Maweja-Nangila udi wamba ne: Dituku adi neambikile ne: “Bayanyi.” Kakumbikila kabidi ne: “Baale wanyi”, mmumue ne: “Mfumuanyi”.

Mika 4:4

Kadi yonsu neadime talala budimi buende bua mvinyo ne bua mitshi ya olive. Kakuena muntu nansha umue, udi ukuatshisha mukuabu bowa.” Maweja-Nangila wa bukole buonsu udi wamba nanku.

Zekâya 2:11

Nuenu bena Yerushalayime badi mu bupika ku Babilone, koleshayi, nunyeme.”