Zekâya 2:13 - MUKANDA WA MYIDI MUKULU

¹³ Eyo, nenduishe bisamba ebi: nebabipawule kudi bantu bavuabi bikuate ku bupika.” Padi malu aa enzeka, nenumanye ne: Maweja-Nangila wa bukole buonsu ke uvua muntume.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Huwai ku mpala kua Yehowa, nuenu bonso ba ha buloba; bualu bua yeye wakatabala mu muaba wandi wa tshijila.

Zekâya 2:13 ပူးပေါင်းရင်းမြစ်များ

2 Kulondolola 30:27

Ku ndekelu batuangaji ba bena Levi kuimana kulu, kulomba Mvidi Mukulu bua ele bantu lupemba. Dilomba diabu kufika mu diulu, muaba wa tshijila wa Mvidi Mukulu. Ke Mvidi Mukulu kudikumbaja.

Misambu 11:4

— Maweja-Nangila udi mu nzubu wende wa tshijila. Maweja-Nangila udi ne nkuasa wende mu diulu. Udi utangila bantu miaba yonsu idibu, uteta bionsu bidibu benza.

Misambu 46:10

Udi ujikija mvita pa buloba bujima, utshibula buta, ukosa difuma, osha ngabu mu kapia.

Misambu 68:5

Imbilayi Mvidi Mukulu misambu, nutumbishe dina diende. Nuakidile udi wendakana pa mavuba. Dina diende mMaweja-Nangila. Nutue tshianga, numusamune.

Misambu 78:65

Pashishe Maweja-Nangila kutabala, bu mudi muntu mujuke ku tulu, bu mudi muena mvita wa bukitu, mutenduke maluvu.

Yeshaya 14:2

Bantu ba mu bisamba bikuabu nebambuluishe bena Izrayele, nebabafile kuabu. Mu buloba bua Maweja-Nangila, bena Izrayele nebadiangatshile bantu aba balume ne bakaji bu bapika babu. Bantu bavua babela mu lukanu, bena Izrayele nebabele kabidi mu lukanu. Nebashale bamfumu ba bantu bavua babatumina diyi.

Yeshaya 19:16

Dituku dikuabu, bena Ejipitu nebazakale bu tukajikaji. Nebikale ne bowa, padibu bamona Maweja-Nangila wa bukole buonsu, olola tshianza bua kubanyoka.

Yeshaya 41:1

Maweja-Nangila udi wamba ne: Nuenu bantu badi base kule, puwayi, nunteleje. Nuenu bisamba bia bantu, koleshayi muoyi. Semenayi pabuipi! Nenushishe kuakula. Eyowa, tusemenayi, nuenu ne meme, bua kubanga tshilumbu.

Yeshaya 51:9

Wewe Maweja-Nangila, tabalaku. Juka lukasa, kunengakanyi. Leja bukole buebe tshiakabidi. Ubuleje bu muuvua muenze kale mu bikondu bipite. Uvua mushipe, musaye Rakabe, nyama wa tshikisu wa mu mayi manene, ki ngwewe anyi?

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Yeshaya 57:5

Nudi nuenda buendenda muinshi mua mitshi minene, miaba yonsu idi mitshi ya dileji. Ku muelelu wa misulu, muinshi mua mbuebue, nudi nulambula mvidie bana.

Yeshaya 63:15

Maweja-Nangila nansha wewe musombe mu diulu, mu muaba webe muimpe wa tshijila, tangila bidi bituenzekela panu panshi. Dinanga diebe dikole, diuvua mutunange nadi didi penyi? Bukole buebe buuvua nabu mu mvita butshidiku anyi? Kuena kabidi musue kutufuila luse anyi? Maweja-Nangila kubengi kutuleja muudi utunanga.

Yirmeya 25:30

Maweja-Nangila kungambila kabidi ne: — Ubambile bionsu bindi nkuambila ebi, usakidila kabidi ne: Mulu muamua Maweja-Nangila udi ukungula, mudi nyama wa ntambue wenza. Mu nzubu wende wa tshijila, udi wela diyi dikole. Udi ukungula ulekela bantu bende tshiji. Mudi bantu bela mbila padibu bakama tumuma tua mvinyo, batudiata, Mvidi Mukulu kabidi udi wela mbila mikole.

Abakuke 2:20

Kadi Maweja-Nangila udi mu nzubu wende wa tshijila. Pa buloba bujima, bantu bapuwe kumpala kuende.

Sefanya 1:7

Puwayi, Mvidi Mukulu Maweja-Nangila udi ufika. Dituku dia tshiji tshiende dikadi pabuipi! Maweja-Nangila mmulongolole mulambu. mMumane kumusha mikiya ya badiye mubikile bua kudia nabu didia dia mulambu.

Sefanya 2:9

Meme Maweja-Nangila wa bukole buonsu, Mvidi Mukulu wa bena Izrayele, ndi nditshipa ne: bu mundi ne muoyi, ndi njadika bulelela ne: nebabutule ditunga dia bena Mowabe ne dia bena Amone, bu muvuabu babutule tshimenga tshia Sodome ne tshia Ngomore. Buloba buabu nebushale tshipela tshiendelele. Nemuikale amu meba ne bina bia luepu. Bantu banyi badi bashale ne muoyi, nebafike bua kubapawula, ne bua kukuata ditunga diabu.”

Sefanya 3:8

Maweja-Nangila udi wamba ne: “Nuindile dituku dindi mfika bua kunupisha, kununyoka. Ndi mujadike ne: nensangishe bisamba ne makalenga, bua kubiosha ne kapia ka tshiji tshianyi. Buloba bujima nebupie, ku kapia ka tshiji tshianyi.”

Zekâya 4:9

“Zerubabele mmubange kuasa tshitaku tshia nzubu wa Mvidi Mukulu; neajikije mudimu wa kuasa nzubu ewu.” Padi malu aa enzeka, nenumanye ne: Maweja-Nangila wa bukole buonsu ke uvua muntume kunudi.

Zekâya 6:15

Bantu badi kule nebafike bua kuambuluisha badi basa nzubu wa Maweja-Nangila. Nanku nenumanye ne: Maweja-Nangila wa bukole buonsu ke uvua muntume kunudi. Malu onsu aa neenzeke panuikala bitabe muenu muonsu Maweja-Nangila Mvidi Mukulu wenu.

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Rome 9:20

Kadi wewe muntu udi welangana mpata ne Mvidi Mukulu, udi nganyi? Luesu lua dima ludi mua kukonka udi mulufumbe ne: “Udi mutufumbe nenku bua tshinyi?”

Dielulula 18:21

Misangu mikuabu nudi mua kudikonka ne: Mmushindu kayi utudi mua kumanya ne: bualu ebu kabuena bufuma kudi Maweja-Nangila?

Dielulula 18:22

Nanku padi muambi unuambila bualu mu dina dia Maweja-Nangila, kabuyi buenzeka muvuaye muambe amu, numanye ne: ki mbua kudi Maweja-Nangila to. Muambi uvua udiambila bualu abu nkayende. Kanutshinyi, kanuteleji muambi wa nanku to.

Dielulula 26:15

Mu diulu, muaba webe wa tshijila, muudi musombe, wambuluishe tshisamba tshiebe tshia Izrayele, badi mu ditunga didi ne biakudia bia bungi, diudi mutupe bu muuvua mulaye bankambua betu.”