Zekâya 2:12 - MUKANDA WA MYIDI MUKULU

¹² Maweja-Nangila wa bukole buonsu, udi muntume bua kunuambila malu, udi wamba bua bisamba bivua binupawule ne: “Muntu udi unuluisha, udi untua munu mu disu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa neangate Yuda bu buhianyi buandi mu buloba bua tshijila, neasungule Yelushalema kabidi.

Zekâya 2:12 ပူးပေါင်းရင်းမြစ်များ

2 Kulondolola 6:6

Kadi mpindiewu, ndi musungule Yerushalayime bua nuenu kuntendelelamu. Meme kukusungula wewe Davide bua kulombola bantu banyi.”

Estere 6:13

Amane kulondela Zereshe muena kuende, ne balunda bende, bionsu bivua bienzeka abi. Ke balunda bende kumuambila ne: — Mordekayi udibu bakufuishe nende bundu awu mmuena Yuda. Nanku kuena mua kumupita. Neupete amu dikasa dibi.

Misambu 105:15

“Kanulengi bantu bandi mujidile, kanuenzedi bantu banyi bibi nansha!”

Misambu 132:13

Bualu Maweja-Nangila uvua musungule Siyone, mujinge bua kuikalaye muaba wende wa kusomba.

Misambu 132:14

Kuambaye ne: “Ewu ke muaba wanyi wa kuikishila, ke muaba undi musue kusomba matuku onsu.

Misambu 135:4

Maweja-Nangila mmusungule Yakobe, musungule Izrayele bua ikale tshintu tshiende.

Misambu 33:12

Bantu badi Maweja-Nangila muikale Mvidi Mukulu wabu, bantu badiye mudisunguile mbena diakalenga!

Misambu 82:8

Mvidi Mukulu, juka, undumbuluile kudi bakoshi ba nsambu ba pa buloba, bualu udi mfumu wa bisamba bionsu.

Yeshaya 14:1

Bushuwa, Maweja-Nangila nealeje tshiakabidi mudiye munange ndelanganyi ya Yakobe, mudiye musungule bena Izrayele. Neapingaje bantu bende mu matunga abu. Bantu benyi nebadisange kudibu, nebapetangane ne bena tshisamba tshia Yakobe.

Yeshaya 17:14

Dilolu bidi bitukuatshisha bowa bukole, kadi bangabanga ne kutshiabu, mbimane kuya! Ebi nebienzekele bantu badi batupawula bintu. Ebi nebienzekele bantu badi biba bintu bia mu ditunga dietu.

Yeshaya 41:9

Meme kukukeba too ne ku nshikidilu kua buloba. Meme kukubikila, pauvua ku matunga a kule. Meme kukuambila ne: “To, tshiena mukubenge nansha. Ndi mukusungule. Muena mudimu wanyi ke wewe.”

Yirmeya 10:16

Kadi Maweja-Nangila kena bu mudi mpingu to. Bena Izrayele ntshisamba tshiende tshia bumpianyi. Yeye ke udi mufuke bintu bionsu. Bena Izrayele mbantu bende. Dina diende Maweja-Nangila wa bukole buonsu.

Yirmeya 30:16

Kadi bonsu badi bakudia, nebabadie bobu kabidi. Bonsu badi bakupetula, nebaye bobu kabidi mu bupika. Bonsu badi bakunyenga bintu, nembanyenge bobu kabidi bintu. Badi bapawula bintu biebe, nebapawule bintu biabu kabidi.

Yirmeya 51:19

Maweja-Nangila wa Izrayele kena bu mpingu ayi to, bualu Yeye ke udi mufuke bintu bionsu. Mmusungule tshisamba tshia Izrayele, bua tshikale tshiende yeye. Dina diende: Maweja-Nangila wa bukole buonsu.

Zekâya 1:17

Pashishe mutumibue wa Mvidi Mukulu kungambila ne: Ambila kabidi bantu mu dina dia Maweja-Nangila wa bukole buonsu ne: “Bimenga bianyi nebipete bubanji tshiakabidi. Nensungule Yerushalayime kabidi, nengambuluishe Siyone.”

Zekâya 3:2

Mutumibue wa Mvidi Mukulu kuambila Satane, mufundianganyi, ne: — Satane, Maweja-Nangila neakunyoke. Eyo, Maweja-Nangila uvua musungule tshimenga tshia Yerushalayime, neakunyoke. Yeshuwa kena bu tshishelele tshiyuabu bapatule kuiku anyi?

Dielulula 32:10

Maweja-Nangila kusangana bena Izrayele mu tshipela, munkatshi mua miadi ya mibuabua. Kubakubaye, kubalongeshaye, kubalamaye bu mudi muntu ulama disu.

Dielulula 32:9

Udi mudisunguile bena Izrayele, muenze ndelanganyi ya Yakobe bantu bende.